Yêrêmi 3:10 - Nau Brah Ndu Ngơi 2023

¹⁰ Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Yêrêmi 3:10 Iomraidhean Croise

II Nau Rêh Jêng 34:33

Y-Jôsia sŏk mƀăr lĕ rngôch ndơ ƀơ̆ ƀơch tă bơh bri dak Israel jêh ri đă lĕ rngôch phung gŭ tâm bri Israel pah kan ma Yêhôva Brah Ndu khân păng. Du bông Y-Jôsia gŭ rêh, khân păng tĭng mro Yêhôva Brah Ndu phung chô yau khân păng, mâu ntlơi Păng ôh.

Nau Mprơ Ơm 18:44

Tơlah tăng nkoch bri ma gâp, khân păng hŏ tông bâr jêh; Phung bu năch mra jan lah yơk panăp gâp.

Nau Mprơ Ơm 66:3

Lah hom ma Brah Ndu pô aơ: “Lĕ nau kan May toyh ngăn ngên! Yorlah nau Brah May dŭt toyh, lĕ phung rlăng May mra tâm rnglăp ma May da dê.

Êsai 10:6

Gâp njuăl păng hăn tâm rdâng đah bri dak mâu blau yơk ma Brah Ndu ôh, Gâp ntăm păng hăn tâm lơh đah phung ƀon lan nsônh ăn Gâp ji nuih, Gay ntŭng ndô ndơ, pit sŏk Jêh ri jot khân păng tâm ban ma neh bŏk ta trong.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 31:6

Ơ phung ƀon lan Israel, plơ̆ sĭt hom ma Nơm khân may hŏ tâm rdâng dŭt n'hâm jêh.

Yêrêmi 11:10

Khân păng plơ̆ sĭt ma nau tih mhĭk phung che khân păng jêng phung mâu ŭch iăt nau Gâp. Khân păng hŏ hăn tĭng jêh ri yơk mbah lĕ brah êng. Ngih Israel jêh ri ngih Yuđa hŏ ƀư rai nau tâm rnglăp Gâp hŏ ndâk đah chô yau khân păng.

Yêrêmi 12:2

May hŏ brôi tăm khân păng, Khân păng hŏ hon reh văch ma toyh jêh ri geh play. Bâr mbung khân păng gŭ dăch May, Ƀiălah nuih n'hâm khân păng ƀah ngai ma May.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Ndrom Samƀŭt bơh Ôsê 7:14

Khân păng mâu lĕ nuih n'hâm kuăl mbơh sơm ma Gâp, Ƀiălah gŭ nter klơ sưng bê̆ch khân păng; Khân păng rek tor êng khân păng nơm gay dăn ba ƀlê jêh ri ndrănh mhe; Khân păng ƀư rlăng ma Gâp.

Amôt 4:9

“Gâp hŏ dŏng sial duh jêh ri ndrŭng sa ba khân may. Geh âk n'gar trao, đang krăk ƀâu, tơm play rvi, tơm play ôlive khân may geh krah ndrach gĭnh mpŭng jêh. Ƀiălah khân may mâu lĕ plơ̆ sĭt ma Gâp,” Brah Yêhôva lah pônây.

Malachi 2:11

Phung Yuđa gŭ tâm nau mbruh, jêh ri hŏ ƀư jêh nau ƀơ̆ ƀơch tâm phung Israel jêh ri tâm ƀon Yêrusalem. Yuđa hŏ ƀư ƀơ̆ jêh jrô kloh ueh Brah Yêhôva rŏng, yorlah khân păng nkhơng ma gŭ ur sai đah kon bu ur brah bu năch.