Yêrêmi 3:1 - Nau Brah Ndu Ngơi 2023

¹ Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:1 Iomraidhean Croise

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Êsai 24:5

Rplay neh geh nau ƀơ̆ ƀơch Yor phung ƀon lan păng nơm, Yorlah khân păng hŏ ƀư tih nau vay, Mâu di đah nau vay dăp, Jêh ri ƀư rai lơi nau tâm rnglăp n'ho ro.

Yêrêmi 2:20

“Bơh jŏ Gâp hŏ nkê̆ch pă mâng mbăk, Tôch lơi rse rvăk ma may, Ƀiălah may ngơi: ‘Gâp mâu mra pah kan đŏng ôh.’ N'hêl nanê̆ ngăn, klơ ăp yôk prêh, Tâm dâng ăp pŭm tơm si âk n'ha, May kŭnh bôk nâm bu bu ur văng tĭr.

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Yêrêmi 2:7

Gâp njŭn leo khân may tât du ntŭk bri neh ueh Gay ma dơi geh kao play jêh ri lĕ ndô ndơ ueh păng. Ƀiălah dôl lăp ta nây, phung khân may hŏ ƀư ƀơ̆ ƀơch neh Gâp, Hŏ ƀư ăn drăp ndơn Gâp plơ̆ jêng ƀơ̆ ƀơch.

Yêrêmi 22:20

Hao hom nâm Liban jêh ri lŭng nter, Sŏk hom bâr nter vơl ta klơ bri Basan; Kuăl nter klơ yôk ntŭk Abarim! Yorlah lĕ rngôch phung may rŏng lĕ rai lôch da dê.

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 3:9

Yorlah uănh mâu tih ôh nau păng văng tir yor nây păng ƀư ƀơ̆ ƀơch êng păng nơm ndrel ma neh aơ, văng tĭr đah lŭ jêh ri tơm si.

Yêrêmi 31:22

Ơ bu ur druh mâu răp jăp, Ndah nâm jŏ ay nsong blêng ntŭk aơ ntŭk ri? Yorlah Brah Yêhôva hŏ ƀư jêh du ntil nau mhe ta klơ neh ntu: Nây jêng du huê bu ur mra nkŭm nking du huê bu klâu.”

Yêrêmi 4:1

Brah Yêhôva lah: “Hơi phung Israel, tơlah may plơ̆ sĭt, Tơlah khân may plơ̆ sĭt ma Gâp, Tơlah may mƀăr lơi lĕ rngôch nau ƀơ̆ ƀơch du bơh măt Gâp, Jêh ri mâu mpât n'gơ đŏng ôh,

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Êsêkiêl 16:26

Ay ƀư jêh nau văng tĭr đah phung Êjipt, jêng phung chiau meng geh săk jăn ktang, jêh ri nsônh nau ji nuih Gâp ma nau văng tĭr nar âk lơn.

Êsêkiêl 16:30

Kôranh Brah Yêhôva lah: ‘Mâm nuih n'hâm ay rŏng ir kơt nây! Lĕ nau ay ƀư tih lĕ rngôch nau nây jêng nau bu ur văng tĭr mâu gĭt bêk prêng

Êsêkiêl 16:35

Yor nây hơi bu ur văng tĭr, iăt hom nau Brah Yêhôva lah.’

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Ndrom Samƀŭt bơh Ôsê 1:2

Tơlah Brah Yêhôva ntơm lah ma Y-Ôsê, Brah Yêhôva lah ma păng: “Hăn hom nđăp du huê bu ur văng tĭr jêh ri deh phung kon ma nau văng tĭr, yorlah bri dak aơ ƀư tih nau văng tĭr nôk chalơi Brah Yêhôva.”

Ndrom Samƀŭt bơh Ôsê 2:2

“Phong hom ma mê̆ khân may, Phong hom yorlah păng mâu di ôh jêng ur Gâp, Gâp mâu ôh jêng sai păng! Đă păng mƀăr lơi nau văng tĭr klơ măt păng Jêh ri têl nau văng tĭr ta nklang toh păng.

Mika 2:10

Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Sakari 1:3

Pôri, may lah hom ma khân păng pô aơ Brah Yêhôva ma phung tahan lah: ‘Plơ̆ hom ndrel ma Gâp.’ Brah Yêhôva ma phung tahan lah: ‘Jêh nây mơ Gâp mra plơ̆ sĭt ndrel ma khân may.’ Kơt ri Brah Yêhôva ma phung tahan lah.

Mathay 5:31

Geh nau nti pô aơ: ‘Mbu chalơi ur păng, ăn hom păng du pŏk samƀŭt nau chalơi ur sai.’

Nau Vay Nkah Tay 22:21

pôri ăn khân păng njŭn leo bu ur druh nây tât ta mpông ngih mbơ̆ păng, jêh ri phung ƀon lan tâm ƀon mra klŭp păng ma lŭ tât khĭt, yorlah păng ƀư nau bêk tâm n'gor Israel, ƀư tih văng tĭr dôl hôm gŭ tâm ngih mbơ̆ păng. Ƀư rai lơi nau tih mhĭk bơh khân may.

Phung Kôranh Phat Dôih 19:2

Ƀiălah ur yông păng ji nuih ma păng jêh ri chalơi păng, du sĭt ma ngih mbơ̆ păng ta Ƀêtlêhem, tâm n'gor Yuđa, jêh nây gŭ ta nây puăn khay.