Yêrêmi 29:6 - Nau Brah Ndu Ngơi 2023

⁶ Nsông ur hom jêh ri geh kon bu klâu, bu ur. Nsông ur hom ăn ma kon bu klâu, nđăp sai ăn ma phung kon bu ur gay ăn khân păng deh kon geh sau. Bĭk rơ̆ hom rnoh bunuyh ta nây lơi ăn n'hŭch ôh.

Yêrêmi 29:6 Iomraidhean Croise

Nau Ntơm 21:21

Y-Ismaêl rêh tâm bri rdah Paran. Mê̆ păng nđăp păng đah ur bu ur n'gor Êjipt.

Nau Ntơm 24:51

Aơ, H'Rêbêka dôl gŭ tanăp măt may. May njŭn leo păng hăn, ăn păng jêng ur ma kon bu klâu kôranh may, tĭng nâm Brah Yêhôva lah jêh.”

Nau Ntơm 24:60

Khân păng ăn nau ueh uĭn ma H'Rêbêka pô aơ: “Hơi oh bu ur hên ơi! Ăn ay dơi jêng me Ma rmưn rsen bunuyh, Jêh ri noi deh ay dơi pit in Mpông ƀon phung tahan rlăng.”

Nau Ntơm 29:19

Y-Laban plơng lah: “Ueh lơn gâp ăn păng ma may, đah gâp ăn păng ma bu klâu êng. Gŭ hom ndrel ma gâp.”

Nau Ntơm 34:4

Y-Sichem lah ma Y-Hamôr, mbơ̆ păng, pô aơ: “Ăn may nđăp ma gâp bu ur nây jêng ur gâp.”

Nau Ntơm 9:7

Pôri, ăn khân may deh kon, bĭk rơ̆ âk râk, jêh ri ƀư bêng ler klơ neh.”

Nau Ngluh Êjipt 5:11

Ăn khân may nơm hăn joi êng rhe ta ntŭk khân may dơi saơ; ƀiălah nau kan khân may mâu dơi n'hŭch ôh.’”

I Timôthê 5:14

Yor ri, gâp ŭch ma phung bu ur ndrô druh ueh lơn sŏk sai, deh kon, mât uănh rnăk vâl khân păng nơm, mâu njêng mông găl ma phung rlăng ngơi bêk prêng.

Phung Kôranh Phat Dôih 12:9

Păng geh pe jât nuyh kon bu klâu jêh ri pe jât nuyh kon bu ur; păng ăn pe jât nuyh kon bu ma phung padih băl mpôl păng, jêh ri păng nđăp pe jât kon bu ur noi deh êng ƀư ur ma phung kon bu klâu păng nơm. Păng jêng kôranh phat dôih phung ƀon lan Israel tâm pơh năm.

Phung Kôranh Phat Dôih 14:2

Nôk plơ̆ sĭt, păng nkoch ma mê̆ mbơ̆ păng pô aơ: “Gâp saơ jêh du huê bu ur druh Philistin ta Timna. Aƀaơ dăn mê̆ mbơ̆ nđăp păng jêng ur gâp.”