Yêrêmi 29:12 - Nau Brah Ndu Ngơi 2023

¹² Nôk nây khân may mra kuăl dăn Gâp, văch mbơh sơm ma Gâp, jêh ri Gâp mra iăt nau khân may.

Yêrêmi 29:12 Iomraidhean Croise

II Nau Rêh Jêng 33:13

Y-Manasê mbơh sơm ma Brah Ndu. Brah Ndu yô̆ jêh ri sŏk dơn lĕ nau păng vơl dăn, ăn păng sĭt ma ƀon Yêrusalem gay ma chiă uănh ƀon bri hađăch. Nôk nây mơ Y-Manasê gĭt năl ma Brah Yêhôva jêng Brah Ndu.

II Nau Rêh Jêng 6:38

tơlah tâm n'gor phung rlăng hŏ njŭn khân păng ƀư dĭk bu, khân păng plơ̆ sĭt ma lĕ nuih n'hâm lĕ nau mĭn ma May jêh ri kuăl mbơh sơm ma May, rle mpeh ma n'gor May hŏ ăn jêh ma phung chô yau khân păng, mpeh ma ƀon May hŏ săch jêh, jêh ri ma ngih brah gâp ndâk jêh ma amoh May,

Ndrom Samƀŭt bơh Yôp 22:27

May mra vơh vơl dăn ma Păng, Păng mra iăt may; Jêh ri may mra ƀư nanê̆ nau may nơm ton.

Nau Mprơ Ơm 10:17

Ơ Brah Yêhôva, May hŏ iăt jêh nau ŭch phung dêh rhêt; May ăn khân păng nâp nuih n'hâm, jêh ri rkêng tôr iăt khân păng

Nau Mprơ Ơm 145:19

Păng ƀư mpay ma phung klach yơk Păng, Tăng đŏng nau khân păng kuăl dăn jêh ri rklaih an khân păng.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Êsai 26:16

Ơ Brah Yêhôva, tâm nau rêh ni, Khân păng joi May; Tơlah May nkra, khân păng kuăl mbơh sơm lĕ nuih n'hâm ma May.

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 65:24

Êlor ma khân păng kuăl mbơh sơm, Gâp mra dơn ro; Dôl khân păng hôm ngơi, Gâp tăng jêh.

Yêrêmi 31:9

Khân păng mra văch ma nau nhĭm, Dăn mbơh sơm ma Gâp njŭn khân păng plơ̆ sĭt; Gâp mra njŭn khân păng hăn njŏ ta meng n'hor dak, Ta klơ trong sŏng, mâu geh nau chêh prah ôh. Yorlah ma phung Israel, Gâp jêng mbơ̆, Jêh ri phung Êphraim jêng kon bu klâu bôk rah Gâp.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Yêrêmi 50:4

Brah Yêhôva lah: “Tâm lĕ nar nây, tâm rô̆ nây, phung kon sau Israel jêh ri phung kon sau Yuđa plơ̆ sĭt ndrel n'grŭp; khân păng hăn ƀă nhĭm ƀă, tĭng joi Yêhôva Brah Ndu khân păng.

Yêrêmi 51:50

Phung khân may jêng phung hŏ klaih jêh bơh mpiăt đao, Hăn hom, lơi ta nsrŭng ôh! Tă bơh bri ngai, kah gĭt hom ma Brah Yêhôva Jêh ri klâng rvê hom ma Yêrusalem!

Êsêkiêl 36:37

Kôranh Brah Yêhôva lah: ‘Gâp ŭch ngih Israel dăn ma Gâp gay Gâp ƀư ăn nau aơ: Nây jêng Gâp mra ntop âk phung ƀon lan khân păng nâm bu du phung biăp.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”