Yêrêmi 29:11 - Nau Brah Ndu Ngơi 2023

¹¹ Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 29:11 Iomraidhean Croise

Ndrom Samƀŭt bơh Yôp 23:13

Păng nơm hŏ ntrŭnh jêh pôri mbu moh dơi ƀư ăn Păng rgâl nau mĭn? Moh ntil nau Păng hŏ ŭch, Păng mra ƀư ro;

Nau Mprơ Ơm 33:11

Brah Yêhôva mĭn ƀư dơi gŭ nâp n'ho ro. Nau Păng mĭn tâm nuih n'hâm hôm e bơh rnôk aơ tât ma rnôk ri.

Nau Mprơ Ơm 40:5

Ơ Brah Yêhôva Brah Ndu gâp, Nau kan khlay ngăn ngên jêh ri lĕ nau mĭn May ŭch ăn ma hên âk ngăn, Mâu geh nơm dơi rđĭl đah May; Tơlah gâp ŭch mbơh jêh ri nkoch tay lĕ kan nây, Geh âk ngăn, mâu dơi kơp ôh.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Êsai 27:4

Gâp mâu hôm ji nuih ôh. Lah păng knŏng deh rtau lok jêh ri pih pŭm, Gâp mra hăn tâm lơh đah khân păng, Gâp mra su lơi khân păng ndrel n'grŭp.

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Yêrêmi 23:6

Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 24:5

“Yêhôva Brah Ndu phung Israel lah pô aơ: ‘Nâm bu play rvi ueh aơ, Gâp mra mât mray jêh ri ƀư nau ueh uĭn ăn ma phung bu nă tă bơh bri Yuđa, jêng phung Gâp hŏ njŭn leo jêh bơh ntŭk aơ ăn khân păng hăn rlet ma bri Kaldê.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 30:9

Ƀiălah khân păng mra pah kan ma Yêhôva Brah Ndu khân păng, Jêh ri hađăch he jêng Y-Đavit Gâp mra n'hao ăn ma khân păng.’

Yêrêmi 33:6

Ƀiălah, Gâp mra ăn tay n'hâm suan jêh ri nau ƀư bah ma ƀon nây. Gâp mra ƀư bah ăn ma phung ƀon lan khân păng, mra tâm mpơl ma khân păng saơ nau chăt jêng rmeh ler jêh ri đăp rmên jŏ jong.

Nau Nhĭm Vơl 3:26

Ueh ngăn yơh ăn ma nơm klăk klêm gŭ kâp Nau tâm rklaih Brah Yêhôva.

Êsêkiêl 11:16

Yor nây, lah hom ma khân păng: ‘Kôranh Brah Yêhôva lah: Nđâp tơlah Gâp hŏ mprơh jêh khân păng ngai ta nklang phung băl mpôl bunuyh êng, hŏ ƀư chah rai khân păng tâm âk bri dak, Gâp ăt jêng ntŭk kloh ueh ma khân păng tâm du năng nar ta lĕ bri dak khân păng hăn tât.’

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Mika 4:12

Ƀiălah khân păng mâu gĭt năl ôh nau mĭn Brah Yêhôva, Mâu gĭt rbăng ôh nau dăp ŭch ƀư, Yorlah Păng hŏ rgum jêh khân păng Nâm bu nchăp ba njŭn sĭt ta ntŭk bu mprah ba.

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Sakari 13:9

Gâp mra leo du kô̆ tâm pe nây lăp tâm ŭnh, Gâp mra krĕt khân păng ăn kloh nâm bu krĕt prăk, Rlong uănh khân păng nâm bu rlong uănh mah. Khân păng mra vơh vơl amoh Gâp, Jêh ri Gâp mra plơ̆ lah ma khân păng. Gâp mra lah pô aơ: ‘Khân păng jêng phung ƀon lan Gâp.’ Jêh ri khân păng mra lah: ‘Yêhôva jêng Brah Ndu hên.’”