Yêrêmi 29:10 - Nau Brah Ndu Ngơi 2023

¹⁰ Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 29:10 Iomraidhean Croise

II Nau Rêh Jêng 36:21

Tât ngăn ƀoi nau Brah Yêhôva hŏ dŏng jêh bâr mbung Y-Yêrêmi ngơi, neh dơi ntop dơn tay năm saƀat. Tâm lĕ năng nar cha lat jêh, neh dơi rlu kŏ tât rĭng pơh jât năm.

II Nau Rêh Jêng 36:22

Tâm năm rơh nguay rnôk rô̆ Y-Sirus hađăch Persi chiă uănh, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, Brah Yêhôva hŏ nsŭk nsôr nuih n'hâm Y-Sirus, hađăch Persi, gay ma păng tơih mbơh lam ƀon bri hađăch păng pô aơ:

Êsra 1:1

Năm rơh nguay rnôk rô̆ Y-Sirus, hađăch Persi, Brah Yêhôva ŭch ƀư tât di nau ngăn Păng hŏ ngơi jêh ma bâr mbung Y-Yêrêmi, yor ri Brah Yêhôva hŏ nsŭk nsôr nuih n'hâm Y-Sirus, hađăch Persi, ăn nau ntrŭnh jêh ri mbơh tâm lam bri dak păng pô aơ:

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Nau Mprơ Ơm 102:14

Phung oh mon May rŏng ma ăp găr lŭ Siôn Jêh ri yô̆ nđach ma lĕ ndruyh neh păng đŏng.

Yêrêmi 25:11

Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 27:22

‘Lĕ rngôch ndơ dŏng nây bu mra djôt leo rlet ma ƀon Babilôn jêh ri prăp ta nây kŏ tât nar Gâp chop khâl ma khân păng. Rnôk nây, Gâp mra djôt plơ̆ sĭt lĕ ndơ nây jêh ri ăn tay ntŭk aơ.’ Brah Yêhôva lah pônây.”

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 29:28

Păng nơm yơh njuăl jêh samƀŭt tât ma bri Babilôn lah ma phung he: Rnôk rô̆ bu nhŭp veng hôm jŏ ngăn; ndâk hom ngih vâl jêh ri gŭ, tăm hom đang tơm si jêh ri sa play!’”

Yêrêmi 29:32

Yor nây, Brah Yêhôva lah: ‘Aơ, Gâp mra tâm rmal Y-Sêmaya, bunuyh ƀon Nêhêlam, jêh ri ndŭl deh păng. Mâu hôm geh du huê tâm Noi deh păng dơi rêh tâm nklang phung ƀon lan nây. Păng nơm ăt mâu mra saơ nau ueh Gâp mra ƀư ma phung ƀon lan Gâp, yorlah păng hŏ ngơi nau tâm rdâng đah Brah Yêhôva,’” Yêhôva lah pônây.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Yêrêmi 33:14

Brah Yêhôva lah: ‘Aơ, lĕ nar tât, Gâp mra ƀư nau geh tât di ngăn nau ueh Gâp hŏ ton jêh ma ngih Israel jêh ri ma ngih Yuđa.

Êsêkiêl 11:17

Yor nây lah hom: ‘Kôranh Brah Yêhôva lah: Gâp mra tâm rgum khân may tă bơh ƀon lan lĕ mpôl bunuyh, mra sŏk sĭt khân may tă bơh bri dak khân may pru pra jêh, jêh ri Gâp mra plơ̆ ăn ma khân may n'gor bri Israel.

Daniel 9:2

năm tal nguay rnôk rô̆ păng chiă uănh nây, gâp, Y-Daniel, tĭng nâm nau ŭch nti nau Brah Ndu ngơi, dơi gĭt mrô năm mra găn rlau êlor lôch rnôk Yêrusalem jêng rngot njăp, nau Brah Yêhôva hŏ lah jêh ma nơm mbơh lor Y-Yêrêmi, jêng pơh jât năm.

Sôphôni 2:7

N'gor nây mra jêng ăn ma phung ngih Yuđa hôm e klen; Khân păng mra chiăp biăp ta nây. Lah ngo, khân păng mra bê̆ch măng Tâm lĕ ngih ƀon Askalôn; Yorlah Yêhôva Brah Ndu khân păng mra chop khâl khân păng, Jêh ri leo phung tă ƀư bu nă ăn khân păng plơ̆ sĭt.

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?

Bu ur Rut 1:6

Nôk nây, dôl hôm gŭ ta bri Môap, H'Naômi tăng pô aơ Brah Yêhôva khâl jêh ma phung ƀon lan Păng jêh ri ăn ndơ sông sa ma khân păng rĭ dĭng păng ndrel ma bar hê ƀăn păng ntơm du luh bơh bri Môap sĭt ma bri păng nơm.