Yêrêmi 27:8 - Nau Brah Ndu Ngơi 2023

⁸ Tơlah moh ƀon lan mâu lah moh ƀon bri hađăch mâu pah kan ôh ma hađăch nây, jêng Y-Nêbukatnetsar, hađăch Babilôn, jêh ri mâu anh mbăk hađăch Babilôn tâm trô ko păng, pôri Gâp mra tâm rmal ƀon lan nây ma đao, ma nau sa sât ji ngot, ma nau ji tưp, kŏ tât ti hađăch ƀư rai lĕ khân păng, Brah Yêhôva lah pônây.

Yêrêmi 27:8 Iomraidhean Croise

Yêrêmi 24:10

Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 27:11

Ƀiălah moh ƀon lan anh mâng mbăk hađăch Babilôn ta trô ko jêh ri pah kan ma hađăch nây, pôri Gâp mra ăn păng gŭ tay tâm bri păng nơm gay jik kai jêh ri gŭ ta nây.’ Brah Yêhôva lah pônây.”

Yêrêmi 27:13

Mâm ƀư may jêh ri phung ƀon lan may rŏng khĭt đah đao, sa sât ji ngot, nau ji tưp nâm bu nau Brah Yêhôva hŏ lah ma mbu ƀon lan mâu mra pah kan ôh ma hađăch Babilôn?

Yêrêmi 28:14

Yorlah Brah Yêhôva ma phung tahan, Brah Ndu Israel, lah: Gâp hŏ dơm jêh mâng mbăk loih ta trô ko lĕ rngôch bri dak aơ, gay ma khân pah kan Y-Nêbukatnetsar, hađăch Babilôn jêh ri khân păng hŏ pah kan ma hađăch nây. Nđâp ma mpô mpa bri tâm ndrêch Gâp ăt jao ăn ma hađăch nây.’”

Yêrêmi 28:4

Brah Yêhôva lah: ‘Gâp mra njŭn sĭt Y-Jêkônia, kon bu klâu Y-Jêhôjakim, hađăch Yuđa, jêh ri lĕ rngôch phung Yuđa jêng bu nă hăn gŭ jêh tâm bri Babilôn, ăt plơ̆ sĭt tâm ntŭk aơ, yorlah Gâp nkê̆ch lơi mâng mbăk hađăch Babilôn.’”

Yêrêmi 29:17

Aơ jêng nau Brah Yêhôva ma phung tahan lah: “Aơ, Gâp mra njuăl đao, nau sât ji ngot, jêh ri nau ji tưp tât ta klơ khân păng; Gâp mra ƀư ma khân păng nâm bu lĕ play rvi ôm, mhĭk ngăn kŏ tât mâu dơi sa ôh.

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 40:9

Y-Gêdalia, kon bu klâu Y-Ahikam, sau Y-Saphan, sơm ton ma khân păng jêh ri phung tahan khân păng: “Khân may lơi klach ôh pah kan ma phung kôranh Kaldê; gŭ hom tâm bri dak jêh ri pah kan ma hađăch Babilôn, ri mơ khân may mra geh nau đăp mpăn.

Êsêkiêl 14:21

Pônây Kôranh Brah Yêhôva lah: ‘Gâp sŏk puăn ntil nau tâm rmal jru rlau lơn ma nây jêng gưm đao, nau sa sât ji ngot, mpô mpa bri janh jêh ri nau ji tưp nkhĭt ăn ma ƀon Yêrusalem gay ƀư rai lơi bunuyh jêh ri mpô mpa tâm bri tâm nây.