Yêrêmi 27:5 - Nau Brah Ndu Ngơi 2023

⁵ ‘Gâp yơh jêng Nơm dŏng nau brah dŭt toyh jêh ri ling tur ti rhăk njêng rplay neh, kon bunuyh jêh ri mpô mpa ta neh ntu, jêh ri jao neh ntu nây ăn ma mbu tĭng nau mĭn Gâp.

Yêrêmi 27:5 Iomraidhean Croise

Nau Ntơm 1:25

Brah Ndu njêng lĕ mpô mpa bri tĭng nâm ntil, mpô mpa rong tĭng nâm ntil, jêh ri lĕ ntil mpa vơr ta neh tĭng nâm ntil. Brah Ndu saơ nau nây jêng ueh.

Nau Ntơm 9:6

Mbu moh ƀư nkhŭt mham bunuyh, Mra geh bunuyh êng ƀư nkhŭt tay mham nơm nây; Yorlah Brah Ndu njêng bunuyh Tĭng nâm rup Păng nơm.

I Phung Hađăch 8:42

(Yorlah khân păng hŏ tăng jêh ma amoh toyh May, ma ti brah May jêh ri ti May yơr sŏng jêh). Tơlah khân păng văch tât mbơh sơm tâm ngih brah aơ,

Êsra 1:2

“Y-Sirus, hađăch Persi, lah: ‘Brah Yêhôva, Brah Ndu klơ lĕ ndâr trôk, ăn jêh lĕ rngôch bri dak lam ta neh ntu jêh ma gâp, jêh ri Păng nơm yơh hŏ ntăm jêh ma gâp ndâk ăn Păng du rplay ngih brah ta ƀon Yêrusalem, tâm n'gor Yuđa.

Nêhêmi 9:22

Khân păng hŏ pit sŏk jêh n'gor Hêsbôn hađăch Y-Sihôn, Jêh ri n'gor Basan hađăch Y-Ôk. Kôranh Brah hŏ ăn jêh ma khân păng âk bri dak Jêh ri tâm pă lĕ bri ngai nây ăn ma khân păng.

Nau Mprơ Ơm 102:25

Rnôk kăl e, May rhăk njêng mbon rplay neh, Lĕ ndâr trôk jêng kan bơh ti May nơm.

Nau Mprơ Ơm 96:5

Yorlah lĕ rngôch brah phung ăp mpôl bunuyh jêng rup brah, Bi Brah Yêhôva rhăk jêh lĕ ndâr trôk.

Nau Ngluh Êjipt 20:11

Yorlah tâm prao nar Brah Yêhôva hŏ rhăk njêng trôk, neh ntu, dak mƀŭt, jêh ri lĕ rngôch mpa gŭ tâm nây, ƀiălah Păng rlu tâm nar pơh. Yor ri, Brah Yêhôva ăn nau ueh uĭn ma nar rlu jêh ri ƀư kloh ueh nar nây.

Nau Ngluh Êjipt 6:6

Yor nây, ăn may lah ma phung ƀon lan Israel: ‘Gâp jêng Brah Yêhôva, Gâp mra djôt khân may luh bơh kan jâk phung Êjipt jêh ri rklaih khân may bơh nau ƀư dĭk. Gâp mra yơr ti sŏng, dŏng nau phat dôih jâk jêr gay tâm chuai khân may.

Êsai 42:5

Yêhôva Brah Ndu, Nơm hŏ rhăk njêng jêh ri pơk lĕ ndâr trôk, Nơm hŏ lăk huy neh ntu, ndrel lĕ rngôch mpa luh bơh păng, Nơm ăn n'hâm rêh ma phung ƀon lan tâm klơ neh, Jêh ri ăn nau brah ma phung bunuyh hăn ta nây; Păng lah:

Êsai 44:24

Brah Yêhôva jêng Nơm tâm chuai may, Nơm hŏ njêng may tâm ndŭl me, lah kơt aơ: “Gâp jêng Brah Yêhôva, Nơm njêng jêh lĕ rngôch ndơ, Du huê Gâp nơm hŏ ling lĕ ndâr trôk Jêh ri lăk jêh neh ntu — Mbu nơm gŭ ndrel Gâp? —

Êsai 45:12

Gâp yơh hŏ njêng rplay neh, Jêh ri rhăk njêng jêh bunuyh ta klơ păng. Gâp nơm yơh ling jêh lĕ ndâr trôk, Jêh ri ntrŭnh nau ntăm ma lĕ rngôch phung mănh mbing.

Êsai 48:13

Ti Gâp nơm dơm jêh mbon rplay neh, Ti ma Gâp ling jêh lĕ ndâr trôk; Lah Gâp kuăl, Trôk jêh ri neh ntu dâk da dê.

Êsai 51:13

May chuêl jêh Brah Yêhôva, Nơm njêng may, Nơm ling jêh lĕ ndâr trôk Jêh ri n'gân mbon rplay neh, Gay ma may klach mro tâm lĕ nar Yor nau ji nuyh nơm tŭn jot, Nôk păng nkra ŭch ƀư rai may? Ƀiălah aƀaơ, mbah gŭ nau ji nuyh nơm tŭn jot?

Yêrêmi 27:4

Ăn may ntĭnh lĕ phung mbơh nây mra lah ma phung kôranh pô aơ: Brah Yêhôva ma phung tahan, Brah Ndu Israel, hŏ lah: Aơ jêng nau khân may lah ma phung kôranh khân may:

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 51:15

Păng yơh jêng Nơm hŏ rhăk njêng jêh neh ntu ma nau brah Păng, Ndâk njêng neh ntu bơh nau blau mĭn Păng, Sŏk ma nau gĭt rbăng Lăk huy lĕ ndâr trôk.

Daniel 2:38

Păng jao jêh tâm ti may phung kon bunuyh, mpô mpa tâm bri jêh ri sĭm tâm trôk; nđâp lah ta ntŭk khân păng ăt păng ăn may chiă uănh lĕ rngôch. Pônây, May jêng bôk nây ƀư ma mah.

Daniel 4:14

Nơm nây nter huy pô aơ: ‘Kăl lơi tơm si jêh ri koh lơi n'gĭng păng; Rgu lĕ rngôch n'ha jêh ri srih play păng ăp ntŭk; Ƀư ăn mpô mpa bri du ngai tă bơh tâm dâng păng Jêh ri sĭm och du tă bơh n'gĭng păng;

Daniel 4:17

Dôih nây luh tă bơh phung gak, Jêh ri nau ntăm aơ luh tă bơh nau nơm kloh ueh, Gay lĕ rngôch bunuyh dơi gĭt Nơm Dŭt Prêh Klơ chiă uănh ƀon bri hađăch kon bunuyh; Păng ăn ma mbu nơm păng ŭch Jêh ri mra n'hao bunuyh jê̆ lĕ lơn ăn chiă uănh.’

Daniel 4:22

Ơ hađăch, tơm si nây jêng may yơh. Hađăch hŏ jêng toyh ktang jêh ri ndrŏng kuăng; nau dŭt prêh may n'hao tât ta klơ trôk, nau may dơi chiă uănh lăk dĭ tât ta nglĕ dŭt rplay neh.

Daniel 4:25

Bu mra nsot may tă bơh kon bunuyh jêh ri may mra gŭ ndrel mpô mpa bri tâm ndrêch. Bu mra ăn may sa gơ̆ nâm bu ndrôk jêh ri mra bĕ ma dak ngom bơh trôk; pơh gưl yan mra rgăn ta hađăch kŏ tât hađăch gĭt pô aơ Nơm Dŭt Prêh chiă uănh ƀon bri hađăch kon bunuyh jêh ri Păng ăn ma mbu nơm tĭng nau mĭn Păng ŭch.

Daniel 5:18

Ơ hađăch, Brah Ndu Nơm Dŭt Prêh ăn jêh ƀon bri hađăch, nau dơi dŭt prêh, nau chrêk rmah, jêh ri nau rnam ăn ma mbơ̆ may jêng Y-Nêbukatnetsar.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Kôranh Oh Mon 17:24

Brah Ndu jêng Nơm rhăk njêng neh ntu jêh ri lĕ rngôch mpô mpa gŭ rêh tâm nây, jêng Kôranh ma trôk jêh ri neh ntu, Păng mâu gŭ ôh tâm lĕ jây rhŏ brah tă bơh ti bunuyh ƀư.

Kôranh Oh Mon 17:26

Ntơm bơh du huê, Păng njêng lĕ rngôch mpôl băl bunuyh jêh ri ƀư ăn khân păng gŭ lam bri neh. Păng tâm nal jêh rnôk jêh ri n'har ma khân păng gŭ,

Nau Vay Nkah Tay 2:19

Lah khân may tât dăch phung kon sau Ammôn, may lơi ôh tâm janh mâu lah rduh lơh khân păng, yorlah Gâp mâu mra ăn ôh n'gor phung Ammôn ma may jêng drăp ndơn. Gâp ăn jêh n'gor nây ma phung kon sau Y-Lot jêng drăp ndơn khân păng jêh.’

Nau Vay Nkah Tay 2:21

Khân păng jêng du phung ƀon lan toyh, âk, toyh juat nâm phung Anakim. Ƀiălah Brah Yêhôva hŏ ƀư rai jêh khân păng tanăp măt phung Ammôn. Phung Ammôn mprơh lơi phung ƀon lan nây jêh ri gŭ ntrok ntŭk khân păng.

Nau Vay Nkah Tay 2:7

Yorlah Yêhôva Brah Ndu hŏ ăn nau ueh uĭn jêh ma khân may tâm lĕ rngôch kan ti bơh khân may. Păng gĭt nau hăn rgăn bri rdah dŭt toyh aơ. Tâm puăn jât năm aơ Yêhôva Brah Ndu khân may hôm gŭ ndrel mro ma khân may; khân may mâu pưt du ntil ndơ ôh.’

Nau Vay Nkah Tay 2:9

Brah Yêhôva lah tay ma gâp: ‘Lơi ƀư jêr mâu lah tâm lơh đah phung Môap jêng kon sau Y-Lot, yorlah Gâp mâu mra ăn ôh ma khân may du gâl tâm neh khân păng gay ƀư drăp ndơn khân may. Gâp ăn jêh ƀon Ar jêng drăp ndơn ma phung kon sau Y-Lot.’

Nau Vay Nkah Tay 32:8

Lah Nơm Dŭt Prêh tâm pă drăp ndơn ma lĕ phung ƀon lan, Jêh ri tâm nkhah phung kon bunuyh, Pôri Păng tâm nal n'har neh ma lĕ rngôch ntil mpôl băl bunuyh Tĭng nâm rnoh phung ƀon lan Israel.

Nau Vay Nkah Tay 4:17

mâu lah rup mpô mpa tâm neh ntu, mâu lah rup sĭm klơ trôk,

Nau Vay Nkah Tay 4:25

Lah khân may hŏ geh kon geh sau se jêh ri rêh jŏ tâm n'gor, tơlah khân may hôm e ƀư nau tih mhĭk tâm ban ƀư rup brah moh ntil mpa, mâu lah nau djơh mhĭk tanăp măt Yêhôva Brah Ndu khân may gay nsônh Păng ji nuih,

Nau Vay Nkah Tay 4:32

“Pôri, ăn khân may mĭn ma lĕ nar kăl e, rnôk panăp ma khân may, ntơm bơh nar Brah Ndu rhăk njêng bunuyh ta neh; mĭn hom bơh bôl trôk aơ tât dŭt bôl trôk ri, prot geh nau tât toyh kơt nây, mâu lah hŏ tă tăng jêh moh nau kan tâm ban kơt nây lĕ mâu?

Nau Vay Nkah Tay 4:35

Khân may hŏ saơ jêh lĕ nau nây, gay ma khân may dơi gĭt năl Yêhôva jêng Brah Ndu, rlau ma Păng mâu hôm geh nơm êng ôh.

Nau Vay Nkah Tay 5:16

Yơk hom ma mê̆ mbơ̆ may, tĭng nâm Yêhôva Brah Ndu may hŏ ntĭm nti jêh, gay ma may dơi rêh jŏ năm jêh ri dơn nau ueh uĭn klơ neh Yêhôva Brah Ndu may hŏ ăn jêh ma may.

Nau Vay Nkah Tay 9:29

Ƀiălah khân păng jêng phung ƀon lan May, jêng drăp ndơn dĭng May hŏ dŏng jêh nau rnam toyh jêh ri yơr ti dŭt dăng gay djôt leo khân păng luh bơh Êjipt.’”

Kôlôh 1:16

Yorlah tâm Păng lĕ rngôch ndơ klơ trôk, tâm neh ntu, ndơ saơ mâu lah ndơ mâu saơ dơi rhăk njêng da dê. Mâu lah sưng hađăch, mâu lah nau chiă uănh, mâu lah phung kôranh chiă uănh, mâu lah kôranh toyh, lĕ rngôch yor Păng njêng da dê jêh, jêh ri prăp ma Păng lĕ.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”