Yêrêmi 27:21 - Nau Brah Ndu Ngơi 2023

²¹ Nanê̆, Brah Yêhôva ma phung tahan, Brah Ndu Israel, hŏ lah ma lĕ ndơ dŏng hôm e klen tâm ngih Brah Yêhôva, tâm ngih hađăch Yuđa jêh ri tâm Yêrusalem pô aơ:

Yêrêmi 27:21 Iomraidhean Croise

II Phung Hađăch 20:17

‘Aơ, tâm lĕ nar mra tât, lĕ rngôch ndơ tâm ngih hađăch may, lĕ rngôch ndơ phung chô yau may hŏ prăp jêh tâm lĕ jay prăp drăp ndơ khlay kŏ tât ta nar aơ, bu mra djôt leo ta Babilôn, mâu hôm geh du ntil ndơ ôh!’ Brah Yêhôva lah kơt nây.

II Nau Rêh Jêng 36:18

Lĕ rngôch ndơ dŏng jê̆ toyh tâm ngih Brah Ndu, lĕ drăp ndơ khlay ngih Brah Yêhôva, drăp ndơ hađăch, jêh ri phung kôranh păng, lĕ rngôch djôt leo ma Babilôn da dê.

Êsra 1:11

Lĕ rngôch ndơ dŏng mah jêh ri prăk geh prăm rbăn puăn rhiăng mlâm. Rnôk phung ƀư bu nă tă bơh Babilôn bu leo sĭt ma ƀon Yêrusalem, Y-Sêsbasar djôt leo đŏng lĕ rngôch ndơ nây.

Êsra 1:7

Hađăch Sirus tâm ban lĕ mplơ̆ tay lĕ ndơ dŏng ngih brah Brah Yêhôva, ndơ hađăch Nêbukatnetsar sŏk nchuăn jêh tă bơh Yêrusalem jêh ri dơm tâm ngih phung brah păng.

Êsai 39:6

‘Aơ, tâm lĕ nar mra tât, lĕ rngôch ndơ tâm ngih hađăch may, lĕ rngôch ndơ phung chô yau may hŏ prăp jêh tâm lĕ jay prăp drăp ndơ khlay kŏ tât ta nar aơ, bu mra djôt leo ta Babilôn; mâu hôm geh du ntil ndơ ôh!’ Brah Yêhôva lah kơt nây.

Yêrêmi 20:5

Gâp mra jao lĕ rngôch drăp ndơ tâm ƀon, lĕ rngôch ndơ, ăp ndơ khlay, tâm ban lĕ rngôch jay ndơ khlay phung hađăch Yuđa tâm ti phung rlăng khân păng. Phung rlăng mra sŏk ntŭng, sŏk pit jêh ri djôt leo ma bri Babilôn.

Yêrêmi 27:20

nây jêng đơ ndơ Y-Nêbukatnetsar, hađăch Babilôn, ê hŏ djôt leo ôh dôl nhŭp Y-Jêkônia, kon bu klâu Y-Jêhôjakim, hađăch Yuđa, bơh Yêrusalem njŭn leo ma n'gor Babilôn ndrel ma lĕ rngôch phung ndrŏng n'gor Yuđa jêh ri Yêrusalem.

Yêrêmi 27:22

‘Lĕ rngôch ndơ dŏng nây bu mra djôt leo rlet ma ƀon Babilôn jêh ri prăp ta nây kŏ tât nar Gâp chop khâl ma khân păng. Rnôk nây, Gâp mra djôt plơ̆ sĭt lĕ ndơ nây jêh ri ăn tay ntŭk aơ.’ Brah Yêhôva lah pônây.”

Nau Nhĭm Vơl 1:10

Phung rlăng hŏ yơr ti Sŏk lĕ rngôch ndơ khlay păng; Păng nơm hŏ saơ jêh phung ƀon lan bu năch Lăp tâm ntŭk ngih kloh ueh, Khân păng jêng phung May hŏ buay jêh Mâu dơi lăp ôh ma nau tâm rƀŭn May.