Yêrêmi 26:9 - Nau Brah Ndu Ngơi 2023

⁹ Mâm ƀư may nănh tâm amoh Brah Yêhôva ngơi mbơh lor pô aơ: ‘Ngih aơ mra jêng nâm bu ƀon Silô, ƀon toyh aơ mra jêng rngot njăp, mâu geh ƀon lan gŭ ôh’?” Nôk aơ, lĕ rngôch phung ƀon lan tâm gŭ jŭm Y-Yêrêmi tâm ngih Brah Yêhôva.

Yêrêmi 26:9 Iomraidhean Croise

II Nau Rêh Jêng 25:16

Tâm nôk nơm mbơh lor dôl ngơi; hađăch lah ma păng: “Hên mâp dăp may jêng nơm kơl nchră ma hađăch? Găp hôm, gŭ klăk hom! May ŭch khĭt lĕ?” Nơm mbơh lor gŭ klăk, ƀiălah jêh nây păng lah tay: “Gâp gĭt Brah Yêhôva tâm nal ƀư rai may, yorlah may hŏ ƀư jêh nau aơ jêh ri mâu ŭch iăt ôh nau gâp nkah.”

Êsai 29:21

Nây jêng phung dŏng nau ngơi ƀư ma bu geh nau phat dôih, Ƀư dăk sân nơm phat dôih ta mpông ƀon, Phung dŏng nau mbơh mƀruh ƀư nsak ma nơm sŏng srăng chŭn.

Yêrêmi 32:3

Y-Sêdêkia, hađăch Yuđa, hŏ krŭng jêh păng jêh ri lah: “Moh nau may nănh mbơh lor jêng Brah Yêhôva lah: ‘Aơ, Gâp mra jao ƀon toyh aơ tâm ti hađăch Babilôn jêh ri hađăch nây mra dơi pit in ƀon;

Yêrêmi 33:10

Brah Yêhôva lah: ‘Tâm ntŭk aơ jêng ntŭk khân may lah: “Nây jêng ntŭk rngol, mâu hôm geh bunuyh, mpô mpa ăt mâu geh lĕ;” tâm lĕ rngôch ƀon n'gor Yuđa jêh ri tâm trong ƀon toyh Yêrusalem, nây jêng rngol jêh, mâu geh bunuyh, mâu geh ƀon lan gŭ, mpô mpa ăt mâu geh lĕ,

Yêrêmi 36:29

Bi ma Y-Jêhôjakim, hađăch Yuđa, ăn may lah: Brah Yêhôva lah: ‘May lĕ su lơi jêh ndrom samƀŭt ntâu nây jêh ri lah: Mâm ƀư may nănh nchih pô aơ hađăch Babilôn mra văch tât nanê̆ ngăn ƀư rai bri aơ jêh ri mra ƀư rai lĕ rngôch bunuyh nđâp mpô mpa rong?’

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Nau Nhĭm Vơl 4:13

Ma yor nau tih phung Nơm mbơh lor, Yorlah nau mhĭk phung kôranh ƀư brah, Jêng phung hŏ ƀư pling jêh mham bunuyh sŏng srăng Ta nklang ƀon.

Amôt 5:10

Khân păng tâm rmot ma nơm nduyh khân păng ta mpông ƀon, Jêh ri khân păng ntêh rmot ma nơm nănh ngơi nau nanê̆ ngăn.

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Mathay 21:23

Brah Yêsu lăp tâm ngih brah; dôl Păng nti lah, phung kôranh ƀư brah toyh jêh ri phung kôranh bu ranh tâm phung ƀon lan văch gay ôp: “Moh nau dơi May ƀư lĕ nau nây, jêh ri mbu nơm ăn ma May nau dơi nây?”

Mathay 27:20

Ƀiălah phung kôranh ƀư brah toyh jêh ri phung bu ranh nsŭk nsôr phung bunuyh ƀon lan ăn dăn mƀơk Y-Barabas jêh ri nkhĭt lơi Brah Yêsu.

Markôs 15:11

Ƀiălah phung kôranh ƀư brah toyh nsŭk nsôr phung ƀon lan gay dăn Pilat mƀơk Y-Barabas.

Yôhan 8:20

Brah Yêsu lah lĕ nau aơ ta ntŭk n'gân lĕ thŭng prăk nhhơr, dôl nti lah tâm ngih brah. Ƀiălah mâu geh bunuyh nhŭp Păng ôh yorlah mông Păng ê hŏ tât.

Yôhan 8:59

Khân păng dônh lŭ gay klŭp Brah Yêsu, ƀiălah Păng du ndĕ, jêh ri luh bơh ngih brah.

Kôranh Oh Mon 13:50

Ƀiălah phung Yuđa nsŭk phung bu ur sŏng srăng tâm phung bu yơk jêh ri phung kôranh chiă uănh tâm ƀon, nsŭk khân păng ƀư djơh ma Y-Pôl jêh ri Y-Ƀarnaƀas, mprơh lơi bar hê khân păng luh bơh n'gor khân păng.

Kôranh Oh Mon 21:30

Lĕ ƀon lan jêng uh ah, âk bunuyh nchuăt văch nhŭp Y-Pôl jêh ri têk păng luh tă bơh ngih brah, jêh ri bu nchăng lơi mpông ro.

Kôranh Oh Mon 22:22

Khân păng gŭ iăt nau Y-Pôl, ƀiălah tât ta nau nây, khân păng ntơm nter toyh: “Nkhĭt lơi bunuyh nây bơh neh ntu! Păng mâu khư gŭ rêh ôh.”

Kôranh Oh Mon 3:11

Tâm nôk bunuyh nây mâu hôm kuăn ta ti Y-Pêtrôs jêh ri Y-Yôhan, lĕ rngôch bunuyh hih rhâl jêh ri nchuăt ran ta khân păng ta ntŭk bu rnha ndring Salômôn.

Kôranh Oh Mon 5:12

Nôk nây, phung kôranh oh mon ƀư âk nau khlay jêh ri nau mbên khlay ta nklang phung ƀon lan. Lĕ rngôch phung chroh du nau mĭn tâm rƀŭn tâm dâng ndring mpông Salômôn.

Kôranh Oh Mon 5:28

“Hên hŏ buay khân may ktang ngăn, mâu ăn nti lah ma amoh bunuyh nây ôh, ƀiălah aƀaơ ri khân may hŏ ƀư jêh ma ƀon Yêrusalem bêng ler nau khân may nti, khân may ŭch ăn mham Bunuyh nây nkhŭt tay ta hên!”

Kôranh Oh Mon 6:14

Yorlah hên hŏ tăng jêh păng lah ma Brah Yêsu, bunuyh ƀon Nasaret nây mra ƀư rai ntŭk aơ jêh ri tâm rgâl nau vay ơm Y-Môis hŏ nkoch tay ma he.”

Yôsuê 18:1

Lĕ rngôch phung Israel tâm rƀŭn rgum ta ƀon Silô jêh ri ndâk Ngih Bok Nau Tâm Rƀŭn ta nây. Lĕ n'gor bri gŭ tâm dâng nau dơi chiă uănh khân păng.