Yêrêmi 26:8 - Nau Brah Ndu Ngơi 2023

⁸ Dôl Y-Yêrêmi ngơi lĕ jêh nau Brah Yêhôva ntăm ma păng mra mbơh ăn ma lĕ rngôch phung ƀon lan, pôri phung kôranh ƀư brah, phung mbơh lor, jêh ri lĕ rngôch phung ƀon lan nhŭp rdâng păng da dê jêh ri lah: “Nanê̆ may mra khĭt!

Yêrêmi 26:8 Iomraidhean Croise

II Nau Rêh Jêng 36:16

Ƀiălah khân păng mưch ma phung bunuyh Brah Ndu đă hăn, uănh mâu khlay nau ngơi Kôranh Brah jêh ri gơm mưch ma phung nơm mbơh lor Păng, kŏ tât Brah Yêhôva ji nuih lam phung ƀon lan Păng, tât mâu hôm dơi bah ôh.

Yêrêmi 1:19

Khân păng tâm lơh đah may ƀiălah mâu dơi ôh — Brah Yêhôva lah pônây — yorlah Gâp gŭ ndrel ma may gay tâm rklaih may.”

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 32:3

Y-Sêdêkia, hađăch Yuđa, hŏ krŭng jêh păng jêh ri lah: “Moh nau may nănh mbơh lor jêng Brah Yêhôva lah: ‘Aơ, Gâp mra jao ƀon toyh aơ tâm ti hađăch Babilôn jêh ri hađăch nây mra dơi pit in ƀon;

Yêrêmi 43:1

Lôch jêh nau Y-Yêrêmi nkoch ma lĕ rngôch phung ƀon lan lĕ nau Yêhôva Brah Ndu, nây jêng lĕ rngôch nau ngơi Yêhôva Brah Ndu khân păng hŏ prơh jêh păng hăn nkoch tay ma khân păng tăng,

Amôt 7:10

Rnôk nây, Y-Amasia kôranh ƀư brah Bêthel, njuăl bunuyh hăn mbơh ma Y-Jêrôbôam hađăch Israel pô aơ: “Y-Amôt tâm nchră nau tâm rdâng đah may ta trôm nuih n'hâm Israel; bri dak mâu ŭch dơn ôh lĕ nau păng ngơi.

Mathay 22:6

bi phung êng nhŭp phung oh mon hađăch, ƀư mhĭk, jêh nây nkhĭt lơi khân păng.

Mathay 27:20

Ƀiălah phung kôranh ƀư brah toyh jêh ri phung bu ranh nsŭk nsôr phung bunuyh ƀon lan ăn dăn mƀơk Y-Barabas jêh ri nkhĭt lơi Brah Yêsu.

Kôranh Oh Mon 5:33

Jêh tăng lĕ nau nây khân păng ji nuih ngăn jêh ri ŭch nkhĭt lơi phung kôranh oh mon.

Kôranh Oh Mon 7:52

Mbu tâm phung nơm mbơh lor, dĭng phung chô yau khân may mâu ƀư mhĭk? Khân păng nkhĭt jêh phung ngơi nau mbơh lor ma Nơm Sŏng mra văch, jêng Nơm aƀaơ aơ khân may rlăng jêh ri nkhĭt lơi jêh.

Nau Tâm Mpơl 18:24

Jêh ri ta ƀon aơ, bu joi saơ mham phung nơm mbơh lor, phung kloh ueh jêh ri lĕ rngôch phung bu tâm nkhĭt ta neh ntu.”