Yêrêmi 26:24 - Nau Brah Ndu Ngơi 2023

²⁴ Ƀiălah Y-Ahikam, kon bu klâu Y-Saphan, ngơi n'gang Y-Yêrêmi, mâu ăn păng khĭt tâm ti phung ƀon lan.

Yêrêmi 26:24 Iomraidhean Croise

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

II Phung Hađăch 25:22

Bi ma phung ƀon lan Y-Nêbukatnetsar lĕ ăn gŭ tâm n'gor Yuđa, pôri hađăch Babilôn dơm Y-Gêdalia, kon bu klâu Y-Ahikam, sau Y-Saphan, jêng kôranh chiă uănh khân păng.

II Nau Rêh Jêng 34:20

Hađăch ntrŭnh nau ntăm ma Y-Hilkia, ma Y-Ahikam, kon bu klâu Y-Saphan, Y-Apdôn kon bu klâu Y-Mika, Y-Saphan kôranh nchih samƀŭt jêh ri Y-Asaya oh mon hađăch:

Yêrêmi 29:3

Nơm mbơh lor njuăl samƀŭt aơ ăn ma Y-Êlêasa, kon bu klâu Y-Saphan, jêh ri Y-Gêmaria, kon bu klâu Y-Hilkia, jêng bar hê phung Y-Sêdêkia, hađăch Yuđa, prơh hăn ma bri Babilôn gay tâm mâp đah Y-Nêbukatnetsar, hađăch Babilôn. Samƀŭt nchih pô aơ:

Yêrêmi 36:10

Tâm ngih Brah Yêhôva, tâm jrô Y-Gêmaria, kon bu klâu kôranh nchih samƀŭt Y-Saphan, jêng jrô ta klơ nhuang kêng Mpông Pêr Mhe tâm ngih Brah Yêhôva, Baruk rŏ ăn ma lĕ rngôch ƀon lan tăng lĕ rngôch nau Y-Yêrêmi tă bơh tâm ndrom samƀŭt.

Yêrêmi 36:11

Lah Y-Mika, kon bu klâu Y-Gêmaria, sau Y-Saphan, tăng jêh răk lĕ rngôch nau Brah Yêhôva ngơi bơh tâm ndrom samƀŭt,

Yêrêmi 36:12

hăn ro trŭnh rlet ma ngih hađăch, lăp tâm jrô kôranh nchih samƀŭt. Lĕ rngôch phung kôranh rgum ta nây: Kôranh nchih samƀŭt Y-Êlisama, Y-Dêlaya kon bu klâu Y-Sêmaya, Y-Êlnathan kon bu klâu Y-Akbôr, Y-Gêmaria kon bu klâu Y-Saphan, Y-Sêdêkia kon bu klâu Y-Hanania, jêh ri lĕ rngôch phung kôranh.

Yêrêmi 36:19

Phung kôranh lah ma Y-Baruk, “May jêh ri Y-Yêrêmi, du krap hom lơi ăn du huê bunuyh gĭt ôh ta ntŭk khân may gŭ.”

Yêrêmi 36:26

Hađăch ntrŭnh ăn ma Y-Jêrahmel, kon bu klâu Y-Hammêlek, ăn ma Y-Sêraya, kon bu klâu Y-Asriêl, jêh ri Y-Sêlêmia, kon bu klâu Y-Apdel, hăn nhŭp kôranh nchih samƀŭt Y-Baruk jêh ri nơm mbơh lor Y-Yêrêmi; ƀiălah Brah Yêhôva pôn bar hê nây.

Yêrêmi 39:14

prơh bunuyh hăn njŭn Y-Yêrêmi luh bơh tâm nhuang phung tahan gak jêh nây jao păng ma Y-Gêdalia, kon bu klâu Y-Ahikam, sau Y-Saphan, njŭn păng sĭt tâm ngih. Y-Yêrêmi gŭ rêh ta nklang phung ƀon lan.

Êsêkiêl 8:11

Dâk panăp rup nây geh pơh jât kôranh bu ranh ngih Israel, tâm phung nây geh Y-Jasania, kon bu klâu Y-Saphan, ti ăp nơm djôt khăl gŭch ndơ ƀâu kah nhhŭk ndơ ƀâu kah n'hôl rlet klơ.

Kôranh Oh Mon 23:10

Yor nau rlăch nây lơ hô jêng ngơi tâm ndăng, kôranh chiă uănh klach phung ƀon lan ƀư rai săk jăn Y-Pôl, ntrŭnh ma tahan păng jŭr, pit sŏk leo Y-Pôl luh tă bơh khân păng jêh ri djôt lăp ta pôih.

Kôranh Oh Mon 27:43

Ƀiălah kôranh tahan ŭch rklaih Y-Pôl rĭ dĭng buay lơi nau ŭch mĭn nây. Păng ntăm ma phung blau re nsăt lor tâm dak jêh ri re tât ta kơh;

Nau Tâm Mpơl 12:16

Ƀiălah neh sâm rklaih bu ur nây, păng hă mbung sâm rhôp n'hong dak krong bêh nhŭk nhăk bruh luh jêh tă bơh mbung păng.