Yêrêmi 26:16 - Nau Brah Ndu Ngơi 2023

¹⁶ Lĕ rngôch phung kôranh jêh ri lĕ rngôch phung ƀon lan lah ma phung kôranh ƀư brah jêh ri lĕ phung nơm mbơh lor pô aơ: “Bunuyh aơ mâu khư ma khĭt ôh, yorlah păng nây tâm amoh Yêhôva Brah Ndu he ngơi jêh đah he.”

Yêrêmi 26:16 Iomraidhean Croise

Êsther 4:14

Tơlah ay gŭ rklăk tâm nôk aơ, nanê̆ phung Yuđa mra dơi geh nau kơl jêh ri nau tâm rklaih tă bơh ntŭk êng, ƀiălah ay jêh ri ngih mbơ̆ ay mra rai lôch lĕ. Ƀiălah mbu gĭt pô aơ yorlah mông kơt aơ ay dơi jêng hađăch bu ur lĕ?”

Nau Mprơ Ơm 94:16

Mbu mra dâk yor ma gâp, tâm rdâng ma phung ƀai? Mbu nơm dâk koh dŏng gâp, tâm rdâng đah phung janh ƀai?

Nau Hôr 16:7

Lah Brah Yêhôva di nuih n'hâm đah nau rêh ueh ma mbu nơm, Pôri Păng ƀư ăn nơm rlăng gŭ đăp rmên ndrel ma bunuyh nây.

Yêrêmi 26:11

Rnôk aơ, phung kôranh ƀư brah jêh ri phung mbơh lor lah ma phung kôranh jêh ri ma lĕ rngôch phung ƀon lan pô aơ: “Bunuyh aơ khư ma nau khĭt yorlah hŏ mbơh lor tâm rdâng đah ƀon toyh aơ, nâm bu tôr khân may nơm hŏ tăng jêh.”

Yêrêmi 34:10

Lĕ rngôch phung kôranh jêh ri phung ƀon lan dơi râng da dê ma nau tâm rnglăp nây, ăp nơm mra mƀơk lơi phung dĭk păng, bu klâu tâm ban ma bu ur, mâu dơi kân gay ƀư dĭk đŏng ôh.” Khân păng hŏ iăt nau jêh ri mƀơk ma lĕ khân păng.

Yêrêmi 36:19

Phung kôranh lah ma Y-Baruk, “May jêh ri Y-Yêrêmi, du krap hom lơi ăn du huê bunuyh gĭt ôh ta ntŭk khân may gŭ.”

Yêrêmi 36:25

Nđâp lah Y-Êlnathan, Y-Dêlaya jêh ri Y-Gêmaria dăn ma hađăch lơi su ôh ndrom samƀŭt nây, ƀiălah păng mâu ŭch iăt ôh.

Yêrêmi 37:15

Phung kôranh hao ji nuih ma Y-Yêrêmi; khân păng dong jêh ri krŭng păng tâm ngih kôranh nchih samƀŭt Y-Jônathan; yorlah khân păng hŏ njêng jêh ngih nây jêng ngih ndrung.

Mathay 27:54

Nôk kôranh tahan jêh ri phung tahan chiă Brah Yêsu, saơ n'găr neh ntu ndrel ma lĕ nau tât geh jêh, khân păng klach krit dŭt hâu ngăn jêh ri lah: “Nanê̆, Bunuyh aơ jêng Kon Brah Ndu.”

Luka 23:41

He geh nau rmal jêng di jêh, yorlah he sŏk dơn nau rmal khư ma nau he ƀư; ƀiălah nơm aơ mâu mâp ƀư tih ôh.”

Luka 23:47

Saơ nau tât jêh, kôranh tahan tâm rnê Brah Ndu pô aơ: “Nanê̆ bunuyh aơ jêng bunuyh sŏng srăng!”

Kôranh Oh Mon 23:29

Gâp saơ nau bu phong păng ma lĕ nau tât ma nau vay khân păng, ƀiălah păng mâu mâp ƀư tih khư ma nau khĭt mâu lah krŭng ôh.

Kôranh Oh Mon 23:9

Pôri geh nau tâm rlăch ngơi nteh ngăn. Ƀaƀă kôranh nchih samƀŭt mpeh Pharisi dâk jêh ri tâm dun hâu ngăn pô aơ: “Hên joi mâu saơ ôh du ntil nau tih tâm bunuyh aơ. Gĭt lah brah huêng mâu lah tông mpăr ngơi đah păng?”

Kôranh Oh Mon 25:25

Ƀiălah gâp mâu saơ păng mâu ƀư moh nau khư nau khĭt ôh; yorlah păng nơm lĕ dăn dun ma nau aơ tât ta Sêsar, pôri gâp ŭch njŭn leo jao păng ta nây.