Yêrêmi 26:15 - Nau Brah Ndu Ngơi 2023

¹⁵ Nđâp lah pônây, ăn khân may gĭt nanê̆ pô aơ lah nkhĭt gâp pôri khân may, ƀon toyh aơ jêh ri lĕ rngôch phung gŭ tâm ƀon mra sŏk dơn mham mâu geh ôh nau tih. Yorlah n'hêl nanê̆ ngăn Brah Yêhôva hŏ prơh gâp tât gay mbơh lĕ rngôch nau ngơi aơ lăp ta tôr khân may.”

Yêrêmi 26:15 Iomraidhean Croise

Nau Ntơm 4:10

Brah Yêhôva ôp: “Moh nau may ƀư pônây? Nteh mham oh may tă bơh neh hŏ nter tât ma Gâp.

Nau Ntơm 42:22

Y-Ruben nduyh khân păng: “Mâu di hĕ gâp hŏ lah jêh ma khân may lơi ƀư nau mhĭk ôh đah ndăm jê̆ nây? Ƀiălah khân may mâu iăt ôh. Aƀaơ aơ ăn he ntrok rnon mham păng dơm.”

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

II Nau Rêh Jêng 24:22

Pônây, hađăch Jôas mâu knŏng chuêl jêh nau yô̆ Y-Jêhôida, mbơ̆ Y-Sakari, hŏ ƀư jêh ma păng, ƀiălah hôm nkhĭt đŏng kon bu klâu păng. Nôk dăch khĭt, Y-Sakari lah: “Dăn Brah Yêhôva sek uănh jêh ri plơng bôk!”

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 26:12

Ƀiălah Y-Yêrêmi plơ̆ lah ma phung kôranh jêh ri ma lĕ rngôch phung ƀon pô aơ: “Brah Yêhôva hŏ prơh gâp ngơi lĕ rngôch nau mbơh lor ma ngih aơ jêh ri ƀon toyh aơ khân may hŏ tăng jêh.

Yêrêmi 30:1

Aơ jêng nau Brah Yêhôva lah ma Y-Yêrêmi:

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Nau Kơp Bunuyh 35:33

Khân may lơi ƀư ƀơ̆ ôh n'gor khân may mra gŭ. Yorlah mham ƀư ƀơ̆ neh jêh ri mâu geh ôh nau ƀư kloh neh yor mham nkhŭt ta nây, knŏng đah mham nơm hŏ ƀư nkhŭt mham.

Mathay 26:25

Y-Yuđas, nơm rlăng ma Păng, ôp: “Ơ Nơm Nti, di gâp lĕ?” Brah Yêsu plơ̆ lah: “May nơm hŏ lah jêh kơt nĕ.”

Mathay 26:4

jêh ri tâm nchră gay nhŭp jêh ri nkhĭt Brah Yêsu.

Kôranh Oh Mon 7:60

Jêh nây păng chon kômâk, nter huy: “Ơ Kôranh Brah, lơi kơp nau tih aơ ma khân păng!” Lah lôch nau ngơi nây, păng bê̆ch.

Nau Vay Nkah Tay 19:10

Pônây mham mâu geh nau tih mâu mra hŭk ta nklang n'gor Yêhôva Brah Ndu khân may ăn ma khân may jêng drăp ndơn jêh ri khân may kŏ mâu đŏng khan nau tih ƀư nkhŭt mham.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”