Yêrêmi 26:11 - Nau Brah Ndu Ngơi 2023

¹¹ Rnôk aơ, phung kôranh ƀư brah jêh ri phung mbơh lor lah ma phung kôranh jêh ri ma lĕ rngôch phung ƀon lan pô aơ: “Bunuyh aơ khư ma nau khĭt yorlah hŏ mbơh lor tâm rdâng đah ƀon toyh aơ, nâm bu tôr khân may nơm hŏ tăng jêh.”

Yêrêmi 26:11 Iomraidhean Croise

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 26:16

Lĕ rngôch phung kôranh jêh ri lĕ rngôch phung ƀon lan lah ma phung kôranh ƀư brah jêh ri lĕ phung nơm mbơh lor pô aơ: “Bunuyh aơ mâu khư ma khĭt ôh, yorlah păng nây tâm amoh Yêhôva Brah Ndu he ngơi jêh đah he.”

Yêrêmi 38:4

Phung kôranh lah ma hađăch: “Ăn bu nkhĭt lơi bunuyh aơ, yorlah đơ nau păng ngơi ƀư rdja nuih n'hâm phung tahan hôm tâm ƀon aơ tâm ban ma lĕ rngôch phung ƀon lan. Bunuyh aơ mâu joi ôh nau ueh ma phung ƀon lan ƀiălah knŏng djôt leo ma nau rai yot dơm.”

Mathay 26:66

Khân păng plơ̆ lah: “Păng khư ma nau khĭt.”

Yôhan 18:30

Khân păng plơ̆ lah: “Lah păng mâu di jêng bunuyh mhĭk hên mâu njŭn leo ôh păng ma kôranh.”

Yôhan 19:7

Phung Yuđa plơ̆ lah: “Hên geh nau vay, tĭng nâm nau vay nây păng mra khĭt, yorlah păng mbơh êng păng nơm jêng Kon Brah Ndu.”

Kôranh Oh Mon 22:22

Khân păng gŭ iăt nau Y-Pôl, ƀiălah tât ta nau nây, khân păng ntơm nter toyh: “Nkhĭt lơi bunuyh nây bơh neh ntu! Păng mâu khư gŭ rêh ôh.”

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

Phung Kôranh Phat Dôih 6:30

Phung ƀon lan lah ma Y-Jôas: “Njŭn hom kon may văch ta aơ, ăn păng khĭt, yorlah păng ƀư rlâm jêh nơng brah Baal, jêh ri kăl lơi rup brah Asêrah êp meng nây.”