Yêrêmi 25:7 - Nau Brah Ndu Ngơi 2023

⁷ Brah Yêhôva lah: ‘Ƀiălah khân may mâu iăt Gâp ôh, sŏk ma kan ti khân may ƀư nsônh nuih Gâp ăn tât nau mhĭk ma khân may nơm.’

Yêrêmi 25:7 Iomraidhean Croise

II Phung Hađăch 17:17

Khân păng gŭch phung kon bu klâu jêh ri kon bu ur khân păng tâm ŭnh gay ƀư ndơ nhhơr ma brah. Khân păng dŏng nau ƀŭk rƀên, n'hŭm pol, jêh ri tăch êng khân păng nơm gay ƀư nau mhĭk tanăp măt Brah Yêhôva, gay nsônh Păng ji nuih.

II Phung Hađăch 21:15

yorlah ntơm bơh nar phung chô yau khân păng du luh bơh Êjipt tât ma nar aơ, khân păng ƀư jêh nau mhĭk tanăp măt Gâp jêh ri nsônh nau ji nuih Gâp.’”

II Nau Rêh Jêng 24:19

Brah Yêhôva đă phung nơm mbơh lor tât ma khân păng, gay njŭn leo khân păng plơ̆ tay ma Brah Yêhôva, ƀiălah khân păng mâu iăt ôh.

Nêhêmi 9:26

Nđâp lah pônây, khân păng mâu tông bâr lĕ jêh ri tâm rdâng đah May, Chalơi nau vay Kôranh Brah pakơi, Nkhĭt phung nơm mbơh lor May, jêng phung mbơh ăn khân păng gay ăn khân păng plơ̆ sĭt tay ma Kôranh Brah, Jêh ri khân păng ƀư rngot lơ hâu lơn ma May.

Nau Hôr 8:36

Ƀiălah mbu nơm ngơi djơh ma gâp jêng ƀư mhĭk ma huêng păng nơm; Lĕ rngôch phung tâm rmot ma gâp jêng rŏng ma nau khĭt.”

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 22:21

Gâp hŏ ngơi jêh ma may dôl nôk geh nau mpăn rlêk, Ƀiălah may lah: ‘Gâp mâu ŭch gŭ iăt ôh.’ Ntơm bơh jê̆, nau rêh jêng may hŏ nâm bu pônây, May mâu mâp tông bâr ma Gâp ôh.

Yêrêmi 25:8

Yor nây, Brah Yêhôva ma phung tahan lah: ‘Yorlah khân may mâu iăt ôh nau Gâp ngơi,

Yêrêmi 29:19

Brah Yêhôva lah: “Nây jêng yor khân păng mâu ŭch iăt ôh nau Gâp nđâp lah Gâp hŏ ƀaƀơ mprơh phung oh mon Gâp, jêng phung nơm mbơh lor, tât ma khân păng.” Brah Yêhôva lah đŏng: “Bi khân may ăt mâu ŭch iăt ôh.”

Yêrêmi 44:7

Aƀaơ ri, Yêhôva Brah Ndu ma phung tahan, Brah Ndu Israel, lah pô aơ: ‘Mâm ƀư khân may ƀư ăn ma khân may nơm nau ƀai dŭt toyh kŏ tât bơh ma phung bu klâu, phung bu ur, phung kon se jê̆, phung oh bê dôl hôm pu bu ƀư rai lĕ bơh n'gor bri Yuđa, mâu hôm geh du huê bunuyh hôm klen ăn ma khân may?

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Nau Vay Nkah Tay 32:21

Khân păng nsônh ăn Gâp ji nuih đah brah mâu di jêng Brah Ndu ôh, Ƀư ma Gâp ji nuih yorlah nau dơm dam bơh khân păng; Gâp ƀư đŏng ăn ma khân păng ntôn đah du phung ndŭl mpôl mâu di jêng phung ndŭl mpôl, Jêh ri ƀư ăn khân păng ji nuih yorlah du phung ƀon lan rluk.