Yêrêmi 25:6 - Nau Brah Ndu Ngơi 2023

⁶ Lơi tĭng phung brah êng ôh ŭch pah kan jêh ri yơk mbah ma khân păng; lơi ta nsônh nuih Gâp ôh sŏk ma kan ti khân may ƀư, ri mơ Gâp mâu mra ƀư mhĭk ôh ma khân may.’

Yêrêmi 25:6 Iomraidhean Croise

I Phung Hađăch 14:22

Phung Yuđa ƀư nau mhĭk tanăp măt Brah Yêhôva. Yor tă nau tih khân păng hŏ ƀư tih, khân păng nsônh Brah Yêhôva ji nuih, rmeh lơn ma phung chô yau khân păng hŏ ƀư jêh.

II Phung Hađăch 17:35

Brah Yêhôva hŏ njêng jêh nau tâm rnglăp đah Israel jêh ri ntĭm nti pô aơ: “Khân may lơi klach ma lĕ brah êng ôh, mâu dơi đŏng yơk mbah, rhŏ pah kan jêh ri nhhơr mpa ƀư brah ma khân păng.

Nau Ngluh Êjipt 20:23

Yor ri khân may mâu dơi ƀư du ntil rup brah ta pĭt Gâp; mâu dơi ƀư ôh ma khân may nơm lĕ rup brah ma prăk mâu lah ma mah.’

Nau Ngluh Êjipt 20:3

Tanăp măt Gâp may lơi ta geh brah êng ôh.

Yêrêmi 32:30

Yorlah ntơm bơh kon se, phung kon sau Israel jêh ri phung kon Yuđa knŏng gĭt ƀư nau mhĭk tâm dâng măt Gâp. Nanê̆ ngăn, phung kon sau Israel knŏng nsônh nuih Gâp ma lĕ kan ti khân păng ƀư, Brah Yêhôva lah pônây.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 44:7

Aƀaơ ri, Yêhôva Brah Ndu ma phung tahan, Brah Ndu Israel, lah pô aơ: ‘Mâm ƀư khân may ƀư ăn ma khân may nơm nau ƀai dŭt toyh kŏ tât bơh ma phung bu klâu, phung bu ur, phung kon se jê̆, phung oh bê dôl hôm pu bu ƀư rai lĕ bơh n'gor bri Yuđa, mâu hôm geh du huê bunuyh hôm klen ăn ma khân may?

Yêrêmi 44:8

Mâm ƀư khân may nsônh nuih Gâp ma kan ti khân ay may ƀư? Tâm n'gor bri Êjipt, ntŭk khân may mhe văch gŭ, khân may hŏ nhhơr ndơ ƀâu kah ăn ma phung brah êng kŏ tât dơn êng nau bu ƀư ngroh lơi, jêh ri jêng nau rak rtăp jêh ri bu ntêh rmot ta nklang lĕ rngôch ƀon lan ta neh ntu.

Yêrêmi 7:6

tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Nau Vay Nkah Tay 13:2

Tơlah nau tâm mbên mâu lah nau khlay păng nkoch ma khân may tât ngăn, jêh ri tơlah păng lah: ‘Ăn he hăn tĭng jêh ri yơk mbah ma brah êng’ jêng lĕ brah khân may mâu mâp gĭt năl ôh,

Nau Vay Nkah Tay 28:14

jêh ri tơlah khân may mâu chalơi ôh du nau ngơi gâp ntĭnh ma khân may nar aơ, mâu teng pa ma mâu lah pa chiau, mâu hăn tĭng jêh ri yơk mbah ma phung brah êng.”

Nau Vay Nkah Tay 6:14

Mâu dơi tĭng phung brah êng ôh, nđâp lah du brah tâm phung brah lĕ phung ƀon lan gŭ jŭm khân may,

Nau Vay Nkah Tay 8:19

Tơlah khân may chuêl hêng Yêhôva Brah Ndu khân may jêh ri kơt tĭng lĕ brah êng, pah kan jêh ri yơk mbah ma khân păng, pôri nar aơ gâp mbơh ma khân may pô aơ n'hêl nanê̆ khân may mra rai lôch.

Yôsuê 24:20

Tơlah khân may chalơi Brah Yêhôva jêh ri pah kan ma phung brah bu năch, Păng mra plơ̆ sĭt tay ƀư mhĭk jêh ri ƀư rai khân may, nđâp lah lĕ ƀư lor jêh nau yô̆ ma khân may.”