Yêrêmi 25:11 - Nau Brah Ndu Ngơi 2023

¹¹ Lĕ rngôch bri aơ mra jêng du ntŭk rngot njăp, ƀơ̆ ƀơch, lĕ rngôch phung mpôl băl aơ mra pah kan ma hađăch bri Babilôn tâm pơh jât năm.’

Yêrêmi 25:11 Iomraidhean Croise

II Nau Rêh Jêng 36:20

Đơ phung hôm klen bu nkhĭt ma đao, bu nhŭp lĕ rngôch djôt leo njêng bu nă tâm bri Babilôn, jêh ri khân păng jêng dĭk ma păng jêh ri ma kon sau păng, kŏ tât rnôk bu ndâk ƀon bri hađăch Persi.

Êsai 5:6

Gâp mra ƀư ăn păng jêng rngot njăp, Mâu koh n'gĭng, mâu đŏng brôi tơm; Rtau lok jêh ri pih pŭm mra chăt hon ta nây. Gâp ntăm đŏng ma tŭk Mâu hôm ăn dak mih ma păng ôh.”

Yêrêmi 25:12

Brah Yêhôva lah: ‘Lah lĕ lôch jêh pơh jât năm, Gâp mra tâm rmal hađăch bri Babilôn jêh ri mpôl băl bunuyh nây, bri phung Kaldê, yor nau mhĭk khân păng, jêh ri njêng bri nây jêng rngot njăp n'ho ro.

Yêrêmi 25:38

Nâm bu yau mŭr luh bơh trôm, Yorlah neh khân păng hŏ jêng nau tâm rmot Tâm dâng mpiăt đao tŭn jot, Jêh ri nau ji nuih hâu ngăn.”

Yêrêmi 27:22

‘Lĕ rngôch ndơ dŏng nây bu mra djôt leo rlet ma ƀon Babilôn jêh ri prăp ta nây kŏ tât nar Gâp chop khâl ma khân păng. Rnôk nây, Gâp mra djôt plơ̆ sĭt lĕ ndơ nây jêh ri ăn tay ntŭk aơ.’ Brah Yêhôva lah pônây.”

Yêrêmi 27:7

Lĕ rngôch bri dak mra pah kan hađăch nây jêh ri ma kon sau păng, kŏ tât rnôk lĕ bri dak toyh ktang, phung hađăch toyh tâm tŭn mpet bri dak păng nơm.

Yêrêmi 28:14

Yorlah Brah Yêhôva ma phung tahan, Brah Ndu Israel, lah: Gâp hŏ dơm jêh mâng mbăk loih ta trô ko lĕ rngôch bri dak aơ, gay ma khân pah kan Y-Nêbukatnetsar, hađăch Babilôn jêh ri khân păng hŏ pah kan ma hađăch nây. Nđâp ma mpô mpa bri tâm ndrêch Gâp ăt jao ăn ma hađăch nây.’”

Yêrêmi 29:10

Brah Yêhôva lah: “Lah lôch jêh pơh jât năm ăn ma phung Babilôn, Gâp mra hăn chop khâl khân may, mra ƀư lôch nau ton ueh jêh ma khân may, jêh ri mra njŭn leo khân may plơ̆ sĭt ma ntŭk aơ.”

Yêrêmi 4:26

Gâp saơ, ri, neh ueh jêng nkhơng bri rdah, Lĕ rngôch ƀon bu ƀư rai da dê tanăp măt Brah Yêhôva, Tanăp nau ji nuih Păng.

Yêrêmi 4:27

Brah Yêhôva lah: “Lam neh mra rngol, Ƀiălah Gâp mâu ƀư rai tât lôch ôh.

Yêrêmi 43:10

Jêh nây may lah ma khân păng: Brah Yêhôva ma phung tahan, Brah Ndu Israel, lah: ‘Aơ, Gâp mra prơh hăn kuăl oh mon Gâp jêng Y-Nêbukatnetsar, hađăch Babilôn, jêh ri Gâp mra ndâk sưng hađăch păng ta klơ lŭ toyh Gâp mhe pôn aơ; păng mra ling bok nchăng ăn gui n'hâm ta klơ.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Êsêkiêl 12:19

May mbơh hom ma ƀon lan tâm n'gor pô aơ: ‘Aơ jêng nau Brah Yêhôva lah ma phung gŭ tâm ƀon Yêrusalem, jêh ri tâm bri Israel: Khân păng sa piăng let khân păng ma nau klach jêh ri nhêt dak tâm nau klach krit, yorlah bri aơ geh ndơ sông sa mra jêng rngot njăp yor nau ƀai lĕ rngôch phung gŭ ta nây.

Êsêkiêl 29:11

Mâu mra geh mpang jâng bunuyh hăn rgăn ta nây, mâu lĕ geh mpô mpa hăn rgăn đŏng ôh. Păng mâu mra geh bunuyh gŭ ta nây tâm puăn jât năm.

Êsêkiêl 6:14

Pônây, Gâp mra yơr ti tâm rdâng ma khân păng, jêh ri lam ntŭk khân păng gŭ, Gâp mra ăn bri dak jêng rngol, roh yot, ntơm bơh bri rdah tât ma ƀon Ribla. Nôk nây khân păng mra gĭt Gâp jêng Brah Yêhôva.”

Daniel 9:2

năm tal nguay rnôk rô̆ păng chiă uănh nây, gâp, Y-Daniel, tĭng nâm nau ŭch nti nau Brah Ndu ngơi, dơi gĭt mrô năm mra găn rlau êlor lôch rnôk Yêrusalem jêng rngot njăp, nau Brah Yêhôva hŏ lah jêh ma nơm mbơh lor Y-Yêrêmi, jêng pơh jât năm.

Kan Lêvi 26:32

Gâp mra ƀư rai lơi n'gor khân may kŏ tât phung rlăng đah khân may gŭ ta nây mra hih rhâl.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Sakari 1:12

Nôk nây, tông mpăr bơh Brah Yêhôva lah: “Hơi Brah Yêhôva ma phung tahan, May hŏ ji nuih đah ƀon Yêrusalem jêh ri phung ƀon tâm n'gor Yuđa tâm pơh jât năm aơ jêh. Ndah hôm jŏ nau May mâu mra yô̆ ma khân păng?”

Sakari 7:5

“Nkoch hom ma lĕ rngôch phung ƀon lan tâm n'gor jêh ri phung kôranh ƀư brah pô aơ: ‘Khân may ât sông sa jêh ri nhĭm vơl tâm khay prăm jêh ri khay pơh hŏ pơh jât năm aơ jêh, di lĕ yor ma Gâp ngăn, khân may ât sông sa nây?