Yêrêmi 25:10 - Nau Brah Ndu Ngơi 2023

¹⁰ ‘Gâp mra ƀư ăn ta nklang khân păng mâu hôm geh bâr mprơ răm maak, bâr klay bâr ƀăn, nteh bu rvah mpăl, jêh ri mâu hôm ang nchrat ang ŭnh kađen.

Yêrêmi 25:10 Iomraidhean Croise

Êsther 3:13

Khân păng njuăl samƀŭt ma phung njŭn ma lĕ rngôch n'gor bri hađăch, ntăm gay ŭch ƀư rai, nkhĭt lơi, jêh ri ƀư roh lĕ rngôch phung Yuđa mâu gĭt bu ranh, mom ndăm, bu ur nđâp kon se, tâm du nar nây, jêng nar jât ma pe, khay jât ma bar jêng khay Adar jêh ri pit in lĕ ndô ndơ khân păng.

Êsther 7:4

Yorlah bu tăch jêh gâp jêh ri phung ƀon lan gâp, ŭch ƀư rai lơi, nkhĭt lơi, jêh ri ƀư rai lôch lơi. Tơlah tăch hên gay ăn ƀư dĭk, gâp hŏ gŭ rklăk, yorlah nau rêh ni phung ƀon lan gâp mâu dơi tâm ntĭt ôh nau uh ah hađăch.”

Êsther 8:11

Tâm samƀŭt nây, hađăch ăn nau dơi ma phung Yuđa gŭ tâm ăp n'gor, ăp ƀon hađăch Y-Asuêrus tâm rƀŭn gay king n'gang nau rêh khân păng nơm, ƀư rai, nkhĭt lơi, rai yot lĕ phung djôt ndơ tâm lơh rduh lơh khân păng, mâu kơp moh phung ƀon lan, moh n'gor, bu ur mâu lah phung kon se jê̆ jêh ri sŏk pit drăp ndơ khân păng.

Êsai 47:2

Sŏk hom mpăl kĭn jêh ri kĭn rnih; Tăk lơi bok nkŭm muh măt may, Jêh ri doh lơi ntôr ao jâr may lơi nkŭm tơm blu may ôh Gay ma rgăn hom dak krong.

Yêrêmi 16:9

Yorlah Brah Yêhôva ma phung tahan, Brah Ndu phung Israel, lah: ‘Aơ, tanăp măt khân may, tâm rô̆ khân may, Gâp mra ƀư ăn n'gor aơ mâu hôm geh nau răm maak ma bâr mprơ, mâu hôm geh bâr klay ƀăn.’

Yêrêmi 48:33

Nau maak răm hâk maak hŏ roh jêh Tă bơh đang mir geh jêng ngăn bri Môap; Gâp hŏ ƀư ăn ma ndrănh suăt kro tă bơh ntŭk kĭn păt; Mâu hôm geh bunuyh troh maak đŏng ôh dôl jot play krăk ƀâu; Nđâp tơlah geh bâr troh nter ăt mâu jêng bâr troh maak ôh.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Nau Nhĭm Vơl 5:15

Nuih n'hâm hên roh lĕ nau maak, Nau pâl ntalơ̆ rgâl jêng nau rngot klâng.

Êsêkiêl 26:13

Gâp mra ăn rlu lơi bâr may mpât mprơ, jêh ri bu mâu mra tăng đŏng ôh bâr gong rêng may kreh.

Ndrom Samƀŭt bơh Ôsê 2:11

Gâp mra ƀư dŭt lơi lĕ rngôch nau răm maak păng, Lĕ nar ƀŭn, nar khay mhe, Nar saƀat jêh ri lĕ rngôch nar rƀŭn toyh păng nal jêh.