Yêrêmi 24:9 - Nau Brah Ndu Ngơi 2023

⁹ Gâp mra njêng ăn khân păng plơ̆ jêng nau nkrit, du nau mhĭk tât ma lĕ rngôch ƀon bri hađăch ta neh ntu; du nau prêng, du nau bu gơm mưch, du nau ngơi mhĭk, du nau bu rak rtăp tâm lĕ rngôch ntŭk Gâp mprơh khân păng tât.

Yêrêmi 24:9 Iomraidhean Croise

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Nau Mprơ Ơm 69:11

Gâp sŏk bok ƀau nsoh ƀư ao Pôri gâp jêng nau pâl gơm ma khân păng.

Êsai 43:28

Yor nây, Gâp mra ƀư bêk phung kôranh tâm ntŭk kloh ueh; Gâp jao Yakôb ma nau ƀư rai, Jêh ri jao Israel ma nau bu suai rak.

Êsai 65:15

Bu mra prăp amoh săk khân may Gay ma phung Gâp săch jêh ƀư nau rak rtăp; Kôranh Brah Yêhôva mra nkhĭt khân may, Ƀiălah Păng mra rnha phung oh mon Păng ma amoh êng.

Yêrêmi 15:4

Gâp mra njêng khân păng jêng nau klach krit ăn ăp bri hađăch ta neh ntu yorlah lĕ ndơ Manasê, kon bu klâu Y-Hêsêkia, hađăch Yuđa, hŏ ƀư ntŭk ƀon Yêrusalem.

Yêrêmi 19:8

Gâp mra njêng ƀon aơ ma nau rai, ƀư nau gơm ma neh ntu; bunuyh prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.

Yêrêmi 25:18

Yêrusalem jêh ri lĕ rngôch ƀon Yuđa, phung hađăch jêh ri phung kôranh ƀon, gay khân păng jêng rngot njăp rjăp, ƀơ̆ ƀơch, bu gơm mưch jêh ri rak rtăp nâm bu nar aơ;

Yêrêmi 26:6

pôri Gâp mra phat ma ngih aơ nâm bu hŏ phat jêh ma ƀon Silô, jêh ri ƀư ma ƀon aơ jêng du nau rak rtăp ta nklang lĕ rngôch bri dak ta neh ntu.’”

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 29:22

Lĕ rngôch phung Yuđa bu nhŭp veng leo gŭ tâm bri Babilôn mra sŏk bar hê aơ ƀư nau ngơi rak rtăp: ‘Dăn Brah Yêhôva rmal may nâm bu Y-Sêdêkia jêh ri Y-Ahap, jêng bar bunuyh hađăch Babilôn hŏ gŭch tâm ŭnh!’

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 44:12

Gâp mra sŏk lơi phung Yuđa hôm klen, jêng phung săch jêh ŭch hăn ta bri Êjipt, bu mra ƀư ngroh lơi khân păng ta nây; khân păng mra khĭt tâm bri Êjipt, mra khĭt ma tak đao mâu lah sa sât ji ngot. Ntơm bơh kon se jê̆ tât ma bunuyh toyh mra khĭt da dê yor tak đao mâu lah sa sât ji ngot. Khân păng jêng nau rak rtăp, jêng nau ma bu bêk prêng, jêng nau krit toyh, nau ƀơ̆ ƀơch jêh ri nau bu ƀư mhĭk.

Yêrêmi 44:13

Gâp mra tâm rmal phung gŭ tâm bri Êjipt, nâm bu hŏ tâm rmal jêh ma ƀon Yêrusalem ma pêh đao, nau sa sât ji ngot, jêh ri nau ji tưp.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Êsêkiêl 23:46

Yor ri, Kôranh Brah Yêhôva lah: ‘Gâp mra leo du phung âk tâm rdâng đah khân păng jêh ri mra jao khân păng tâm nau klach krit jêh ri bu tâm pit.

Êsêkiêl 25:3

May lah hom ma phung kon sau Ammôn: ‘Iăt hom nau Brah Yêhôva. Kôranh Brah Yêhôva lah pô aơ yorlah may lah: “Ha ha!” ma ntŭk kloh ueh Gâp tơlah păng ƀư ƀơ̆, ma bri neh Israel tơlah bu ƀư păng jêng rngol jêh ri ngih Yuđa tơlah bu nhŭp njŭn păng jêng bu nă;

Êsêkiêl 26:2

“Hơi kon bunuyh, ƀon Tyre hŏ ngơi jêh ma ƀon Yêrusalem pô aơ: ‘Ha ha! Ƀon ƀư mpông mpêr ma phung ƀon lan lĕ rlâm rai jêh! Tât jêh ma gâp, gâp mra dơi geh nau chăt jêng, bi păng aƀaơ plăch jêng rngol jêh.’

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Nau Vay Nkah Tay 28:25

Brah Yêhôva mra ƀư ăn khân may rai jot tanăp phung rlăng khân may. Khân may mra tâm lơh đah khân păng bơh du trong, jêh nây khân may mra nchuăt du bơh khân păng tâm pơh trong. Khân may mra jêng du ntil ndơ tâm rmot đah lĕ rngôch ƀon bri hađăch tâm neh ntu.

Nau Vay Nkah Tay 28:37

Jêh ri khân may mra jêng du nau krit kir, du nau bu gơm jêh ri du nau ngơi srơh mbơh bir ta nklang phung ƀon lan Brah Yêhôva mra njŭn khân may tât.