Yêrêmi 24:10 - Nau Brah Ndu Ngơi 2023

¹⁰ Gâp mra đă đao, nau sât ji ngot, nau ji tưp tât ta nklang khân păng, kŏ tât bu mra ƀư rai lĕ bơh neh Gâp hŏ ăn jêh ma khân păng jêh ri ma phung chô yau khân păng.’”

Yêrêmi 24:10 Iomraidhean Croise

I Phung Hađăch 14:15

Brah Yêhôva mra ƀư nau mhĭk phung Israel nâm bu du tơm rpho n'gơ nklang dak, jêh ri mprơh phung Israel luh bơh n'gor bri ueh aơ yor Păng hŏ ăn jêh ma phung chô yau khân păng, jêh ri ƀư ăn chah rai khân păng mpeh kơl tê̆ dak krong Ơphrat, yorlah khân păng ƀư rup brah nsônh Brah Yêhôva ji nuih.

Êsai 51:19

Bar nau tât aơ tât jêh ma khân may, Jêng nau rngot jêh ri nau ƀư rai, nau sa sât ji ngot jêh ri đao tak; Mbu nơm yô̆ ma may? Moh nau Gâp mra sŏk gay bonh may?

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 15:2

Dôl khân păng ôp ma may: ‘Ntŭk hên mra hăn?’ pôri lah hom ma khân păng pô aơ Brah Yêhôva lah kơt aơ: ‘Mbu geh thăm ăn ma nau ji tưp, mra dơn nau ji tưp; Mbu geh thăm ma pêh đao, mra dơn pêh đao; Mbu geh thăm ma sa sât ji ngot, mra dơn sa sât ji ngot; Mbu geh thăm ăn jêng bu nă, mra dơn jêng bu nă.’ ”

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 19:7

Ta ntŭk aơ, Gâp mra ƀư rai lơi nau ƀư nchră phung Yuđa jêh ri phung Yêrusalem, Gâp mra ăn ma khân păng cha lôt prah tâm dâng mpiăt đao tanăp phung rlăng, jêh ri tâm dâng ti ma phung joi ŭch ƀư rai nau rêh khân păng. Gâp mra jao săk jăn khĭt khân păng ƀư ndơ sa ăn ma sĭm klơ trôk jêh ri mpô mpa bri.

Yêrêmi 21:9

Mbu nơm hôm gŭ tâm ƀon aơ mra khĭt yor ma đao, ma nau sât ji ngot, jêh ri ma nau ji tưp; ƀiălah mbu nơm du luh bơh ƀon jêh ri luh jao săk khân păng nơm ma bunuyh Kaldê dôl gŭ nchueng mra rêh; bunuyh nây ăt klaih săk jêh ri dơi prăp nau rêh păng nơm.’

Yêrêmi 27:8

Tơlah moh ƀon lan mâu lah moh ƀon bri hađăch mâu pah kan ôh ma hađăch nây, jêng Y-Nêbukatnetsar, hađăch Babilôn, jêh ri mâu anh mbăk hađăch Babilôn tâm trô ko păng, pôri Gâp mra tâm rmal ƀon lan nây ma đao, ma nau sa sât ji ngot, ma nau ji tưp, kŏ tât ti hađăch ƀư rai lĕ khân păng, Brah Yêhôva lah pônây.

Yêrêmi 29:17

Aơ jêng nau Brah Yêhôva ma phung tahan lah: “Aơ, Gâp mra njuăl đao, nau sât ji ngot, jêh ri nau ji tưp tât ta klơ khân păng; Gâp mra ƀư ma khân păng nâm bu lĕ play rvi ôm, mhĭk ngăn kŏ tât mâu dơi sa ôh.

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 32:25

Ơ Brah Yêhôva, May hŏ lah jêh ma gâp: “Sŏk hom prăk rvăt mir aơ, jêh ri jă bunuyh mbơh gĭt nanê̆.” Pô nĕ ƀon aơ hŏ tŭp tâm ti phung Kaldê kđôi!’”

Yêrêmi 34:17

Yor nây, Brah Yêhôva lah: pô aơ: ‘Khân may mâu tông ôh bâr Gâp, mâu geh du huê mbơh ôh nau kon me ma oh nâu jêh ri nơm chiau meng păng.’ Brah Yêhôva lah: ‘Aơ, Gâp mbơh “nau kon me” ma khân may, nâm bu ntĭt jao khân may mâp ma tak đao, nau ji tưp, sa sât ji ngot, mra ƀư ma khân may plơ̆ jêng tâm rmot ma lĕ rngôch bri hađăch ta neh ntu.

Yêrêmi 42:17

Yor nây, phung bunuyh săch hăn rlet ma bri Êjipt mra khĭt ma đao, nau sa sât ji ngot, jêh ri nau ji tưp. Mâu geh ôh du huê nơm tâm khân păng hôm e rêh; mâu geh du huê klaih bơh nau mhĭk Gâp mra nkhŭt ma khân păng.’

Yêrêmi 42:22

Pônây, ăn gĭt nanê̆ ngăn pô aơ ma khân ay may mra khĭt ma đao, ma nau sa sât ji ngot, jêh ri ma nau ji tưp tâm ntŭk khân ay may ŭch hăn gŭ.”

Yêrêmi 5:12

Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 9:15

Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Êsêkiêl 33:27

Pônây may lah hom ma khân păng pô aơ: Kôranh Brah Yêhôva lah: ‘Di ngăn tĭng nâm Gâp gŭ rêh mro mrăng, phung gŭ tâm ntŭk rlâm rai mra chôt khĭt ma đao, jêh ri Gâp mra jao phung gŭ tâm mir ăn ma mpô mpa sa kăp sa rvăn; bi ma phung gŭ tâm pôih tahan, trôm ntu mra khĭt yor nau ji tưp.

Êsêkiêl 6:11

Yêhôva Brah Ndu lah tâm ban pônây: “Tap hom ti, ntrâm jâng jêh ri ngơi: ‘Ơ yuh! Yorlah lĕ rngôch nau ƀai khư tâm rmot ngih Israel! Yorlah khân păng mra khĭt ma đao, nau sa sât ji ngot jêh ri nau ji tưp.’

Êsêkiêl 7:15

Mpeh padih geh tak đao, mpeh tâm trôm geh nau ji tưp jêh ri sa sât ji ngot! Mbu moh bunuyh gŭ tâm mir mra khĭt ma gưm đao; mbu nơm gŭ tâm trôm ƀon mra khĭt nau sa sât ji ngot jêh ri nau ji tưp ran sŏk rvăn.

Nau Vay Nkah Tay 28:21

Brah Yêhôva mra ƀư ăn nau ji tưp krêp ta khân may kŏ tât păng ƀư rai lĕ khân may bơh n'gor khân may bơi pit sŏk.

Nau Tâm Mpơl 6:8

Gâp uănh, ri du mlâm seh ĭr rmĭt. Nơm ncho seh rnha Nau Khĭt, jêh ri Ƀon phung khĭt tĭng pakơi păng. Bu ăn ma khân păng nau dơi ƀư rai du kô̆ tâm puăn ta neh ntu gay nkhĭt ma đao gưm, nau sa sât ji ngot, nau ji tưp jêh ri ma phung mpô mpa bri janh ta neh ntu.