Yêrêmi 23:9 - Nau Brah Ndu Ngơi 2023

⁹ Ma lĕ nơm mbơh lor: Nuih n'hâm gâp lĕ nchah rai; Nting nđăng Gâp lêt rgănh; Gâp nâm bu bunuyh nhŭl ndrănh, Nâm bu bunuyh nhŭl ndrănh hâu ngăn yor ndrănh, Yor Brah Yêhôva Yor lĕ rngôch nau kloh ueh Păng.

Yêrêmi 23:9 Iomraidhean Croise

Nau Mprơ Ơm 60:3

May ăn ma phung ƀon May dơn nau rêh ni, Ăn ma hên nhêt du ntil ndrănh nhŭl ji bôk.

Nau Mprơ Ơm 69:20

Nuih n'hâm gâp chah rai yor bu ƀư nau prêng, Jêh ri gâp rêh ni ngăn. Gâp kâp gân nau yô̆ ƀiălah mâu saơ, Gâp joi nơm bonh leng ƀiălah mâu mâp.

Êsai 28:1

Rêh ni ngăn ma đon hađăch sưr phung mơng nhêt ndrănh ta bri Êphraim, Rêh ni ngăn ma rvang kao gơnh nhop, jêng ndơ nkrơ̆ khlay prăk Ma ƀon toyh ta klơ kô yôk rlŭng jêng ngăn, ma phung vay nhŭl ndrănh!

Êsai 29:9

Ndrât hom jêh ri hih rhâl! Ƀư hom ma khân may nơm chieh măt jêh ri vĭr măt! Khân păng nhŭl, ƀiălah mâu di yor ndrănh ôh; Khân may ndĭt ndĭu ƀiălah mâu di yor ndrănh ktang ôh.

Êsai 51:21

Iăt hom nau aơ, ơ nơm rêh ni, Jêng nơm nhŭl ƀiălah mâu di ma ndrănh ôh:

Êsai 6:5

Gâp kuăl huy ro: “Rêh ni ngăn ma gâp! Gâp khĭt roh! Yorlah gâp jêng bunuyh geh mpiăt ƀơ̆ ƀơch ta nklang gŭ rêh ta nklang du phung ƀon lan geh mpiăt ƀơ̆ ƀơch, yorlah măt gâp saơ jêh Hađăch, jêng Brah Yêhôva ma phung tahan!”

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 36:16

Ƀiălah, tăng jêh lĕ rngôch nau ngơi, khân păng klach tâm rle uănh ndrăng nơm jêh nây lah ma Y-Baruk; “Hên mra mbơh ma hađăch lĕ nau ngơi aơ.”

Yêrêmi 5:31

Lĕ phung nơm mbơh lor mƀruh, Jêh ri lĕ kôranh ƀư brah chiă uănh tĭng nau ƀĭt gai phung nơm mbơh lor nây, Pônây phung ƀon lan Gâp ŭch rŏng! Ƀiălah tât dăch dŭt, moh khân may mra ƀư?”

Yêrêmi 8:18

Ŭch ma gâp dơi bonh leng bơh nau rngot, Nau knap ƀư nchah rai tâm nuih n'hâm!

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Nau Nhĭm Vơl 3:15

Păng hŏ ăn gâp glŏm bêng ma gơ̆ tăng, Rvăn tơm si tăng dĭl ngăn.

Êsêkiêl 13:3

Kôranh Brah Yêhôva lah: ‘Rêh ni ngăn ma phung nơm mbơh lor rluk tĭng brah êng khân păng nơm jêh ri mâu saơ du ntil ndơ ôh!

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Daniel 8:27

Rnôk nây, gâp, Y-Daniel, rgănh suan ngăn jêh ri ji kuet tâm âk nar. Jêh nau nây gâp dâk jêh ri pah kan ma hađăch. Gâp hih rhâl ma nau tâm saơ nây jêh ri ăt mâu dơi gĭt rbăng lĕ ôh nau khlay.

Habakuk 3:16

Tăng lĕ nau aơ, lam săk jăn gâp râm sâr, Toh yoi gâp mprâm ngăn, Nting gâp nâm bu bơi rmuk ôm, Jêh ri jâng gâp chuat ndĭt ndiu. Gâp mra gŭ rklăk gay kâp nar rêh ni, Jêng nar geh phung ƀon lan văch lơh hên.

Samƀŭt Pôl Njuăl Ăn Ma Phung Nsing Ta Ƀon Rôm 7:9

Kăl e, mâu geh nau vay gâp dơi gŭ rêh; ƀiălah dôl geh nau vay ntăm, nau tih plơ̆ rêh,