Yêrêmi 23:6 - Nau Brah Ndu Ngơi 2023

⁶ Tâm rô̆ hađăch nây, phung Yuđa mra dơi geh nau tâm rklaih; Phung Israel mra gŭ rêh đăp rmên. Ntơ amoh ma Nơm nây jêng: ‘Brah Yêhôva nau sŏng srăng he!’”

Yêrêmi 23:6 Iomraidhean Croise

I Phung Hađăch 4:25

Du njăr rêh hađăch Salômôn chiă uănh, lĕ phung Yuđa jêh ri phung Israel ntơm bơh Dan tât ma Bêr-Sêba, phung ƀon lan rêh da dê tâm nau đăp mpăn, ăp nơm tâm dâng tơm krăk ƀâu jêh ri tơm rvi păng nơm.

Nau Mprơ Ơm 45:5

Lĕ hăr mplanh may Ntâp bluh ta play nuih phung rlăng may; Phung ƀon lan prah tâm dâng jâng may da dê.

Nau Ngluh Êjipt 9:26

Knŏng tâm n'gor Gôsen, ntŭk gŭ phung ƀon lan Israel gŭ, dơm mâu geh mih tŭp pler.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 32:1

Aơ, du huê hađăch mra chiă uănh ma nau sŏng srăng, Phung kôranh mra chiă uănh ma nau di.

Êsai 32:18

Phung ƀon lan Gâp mra gŭ tâm ntŭk đăp mpăn, Tâm ntŭk gŭ rklăk, tâm ntŭk rlu mpăn ngăn.

Êsai 33:22

Nanê̆, Brah Yêhôva jêng Nơm Phat Dôih he, Brah Yêhôva jêng Nơm Ăn Nau Vay ma he, Brah Yêhôva jêng Hađăch he; Păng yơh mra tâm rklaih he.

Êsai 33:5

Brah Yêhôva geh nau yơk yorlah Păng gŭ tâm ntŭk prêh klơ. Păng ƀư ma Siôn bêng ma nau di jêh ri nau sŏng srăng.

Êsai 35:9

Ta trong nây mâu mra geh yau mŭr ôh, Mâu lĕ geh du mlâm mpa bri janh mra hăn ta nây; Bu mâu mra saơ khân păng ta nây ôh. Ƀiălah phung Brah Ndu tâm chuai jêh mra hăn ta trong nây.

Êsai 42:6

“Gâp jêng Brah Yêhôva, Gâp hŏ kuăl jêh may tâm nau sŏng srăng, Gâp mra kuăn ta ti may jêh ri mât mray may. Gâp mra ndâk ăn may jêng du nau tâm rnglăp ma phung ƀon lan, Ƀư nau ang ma lĕ bri dak,

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 29:11

Brah Yêhôva lah: “Yorlah Gâp gĭt nau Gâp hŏ dăp jêh ma khân; nây jêng nau đăp mpăn mâu di ôh nau mhĭk, gay ma khân may geh du nar kăndơ̆ jêh ri du nau kâp gân.

Yêrêmi 30:10

Brah Yêhôva lah: ‘Ơ Y-Yakôb, oh mon Gâp, lơi klach ôh. Ơ phung Israel, lơi klach krit ôh! Yorlah aơ, Gâp mra rklaih may luh bơh ntŭk ngai ngăn, Jêh ri phung kon sau may bơh bri bu nă. Y-Yakôb mra plơ̆ sĭt jêh ri rêh ueh lăng đăp rmên, Mâu hôm geh klach nuyh đŏng ôh.’

Yêrêmi 31:23

Brah Yêhôva ma phung tahan, Brah Ndu Israel, lah: “Lah Gâp djôt leo lĕ rngôch phung bu nă plơ̆ sĭt jêh pôri tâm n'gor Yuđa jêh ri lĕ rngôch phung ƀon toyh păng, bu mra hôm ngơi nau aơ: ‘Hơi ntŭk gŭ nau sŏng srăng, hơi yôk kloh ueh ri, Dăn ma Brah Yêhôva ăn nau ueh uĭn ma may!’

Yêrêmi 32:37

‘Aơ, Gâp mra rgum tâm rƀŭn khân păng tă bơh lĕ rngôch bri Gâp hŏ mprơh jêh khân păng tâm nau hao nuih, nuih hâu ngăn jêh ri tâm nau ji nuih Gâp mra njŭn khân păng plơ̆ sĭt ma ntŭk aơ jêh ri ăn ma khân păng gŭ pah kan đăp mpăn.

Yêrêmi 33:15

Tâm lĕ nar nây jêh ri tâm rô̆ nây, Gâp mra ăn du N'gĭng sŏng srăng chăt hon bơh phung Y-Đavit; Nơm nây mra ƀư nau sŏng srăng, nau di tâm bri nĕ.

Yêrêmi 33:16

Tâm nar nây, n'gor Yuđa mra dơi geh nau tâm rklaih jêh ri ƀon Yêrusalem mra gŭ rêh đăp rmên; ƀon nây bu mra ntơ amoh jêng: Brah Yêhôva, nau sŏng srăng he.’

Êsêkiêl 21:27

Tâm ti ma hađăch geh ndơ pol ma ƀon Yêrusalem đă sŏk ndơ ƀư rai ƀon, sreh nkhĭt, nter huy rduh tâm lơh, dŏng ndơ ƀư rai ƀon gay ma rduh lơh lăp ta mpông ƀon, n'hao bun neh jêh ri ndâk pôih nchueng jŭm ƀon.

Êsêkiêl 28:26

Khân păng mra gŭ đăp mpăn ta ntŭk nây, mra ndâk ngih jêh ri tăm play krăk ƀâu. Khân păng gŭ ta nây đăp mpăn tơlah Gâp hŏ ƀư jêh nau phat dôih Gâp tâm rdâng đah bri dak chiau meng khân păng, jêng phung hŏ ƀư jêh đah khân păng ma nau tâm rmot. Nôk nây, khân păng mra gĭt Gâp yơh jêng Yêhôva Brah Ndu khân păng.”

Êsêkiêl 38:14

Yor ri, hơi kon bunuyh, mbơh lor hom jêh ri lah ma Y-Gôk pô aơ Kôranh Brah Yêhôva lah: ‘Tâm nar nây, may mâu gĭt Israel jêng phung ƀon lan Gâp dôl gŭ đăp mpăn hĕ?

Êsêkiêl 48:35

Ndăch jŭm ƀon toyh mra geh sĭn rbăn met, jêh ri ntơm bơh aƀaơ tât ô klak, amoh ƀon mra jêng: “Brah Yêhôva gŭ ta nây!”

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Daniel 9:7

Ơ Kôranh Brah, nau sŏng srăng jêng ndơ May bi ma nau bêk jêng ma hên, nâm bu nar aơ, jêng ma phung Yuđa, phung gŭ tâm ƀon Yêrusalem, lĕ rngôch phung Israel, phung gŭ dăch tâm ban lĕ nâm bu phung gŭ ngai, tâm lĕ rngôch bri dak May nsot jêh khân păng văch yor nau djơh mhĭk khân păng hŏ ƀư jêh đah May.

Ndrom Samƀŭt bơh Ôsê 1:11

Phung ƀon lan Yuđa jêh ri phung ƀon lan Israel mra tâm rgum tay jêh ri săch ăn ma khân păng du huê kôranh chiă uănh ndrel; khân păng mra du luh tă bơh n'gor bri aơ, yorlah nar toyh ngăn ma Jesrêel.”

Ndrom Samƀŭt bơh Ôsê 1:7

Ƀiălah Gâp mra yô̆ nđach ma ngih Yuđa jêh ri mra tâm rklaih khân păng, yorlah Gâp jêng Yêhôva Brah Ndu khân păng. Gâp mâu mra dŏng tât ma na ôh, đao mâu lah tâm lơh, mâu lĕ dŏng ma seh mâu lah phung tahan ncho seh tâm rklaih khân păng.”

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Apdia 1:17

Ƀiălah mra geh phung hôm klaih gŭ ta yôk Siôn; Yôk nây mra jêng kloh ueh Jêh ri ngih Yakôb mra dơn drăp ndơn khân păng nơm.

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Sôphôni 3:13

Phung Israel hôm e klen mâu ôh mra ƀư mhĭk, Mâu ngơi mƀruh, jêh ri mbung mpiăt mâu hôm ngơi ndơm ôh; Yorlah khân păng mra sông sa nhêt jêh ri rlu lâng bê̆ch, Ƀiălah mâu geh ôh bunuyh ƀư nkrit khân păng.”

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 3:10

Brah Yêhôva ma phung tahan lah: “Tâm nar nây, ăp nơm tâm khân may mra jă bunuyh chiau meng păng gŭ tâm dâng tơm krăk ƀâu jêh ri tơm rvi.”

Samƀŭt Pôl Njuăl Ăn Ma Phung Nsing Ta Ƀon Rôm 3:22

Nây jêng nau sŏng srăng Brah Ndu, yor ma nau chroh ma Yêsu Krist, ăn ma lĕ rngôch bunuyh geh nuih n'hâm chroh, mâu tâm nkhah bu ôh;

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Philip 3:9

jêh ri dơi gŭ tâm Păng. Dơi nâm nđĕ mâu di tă bơh nau sŏng srăng gâp nsing tâm nau vay, ƀiălah bơh nau chroh tâm Brah Krist, nau sŏng srăng luh bơh Brah Ndu nsing ma nau chroh,