Yêrêmi 23:39 - Nau Brah Ndu Ngơi 2023

³⁹ Yor nây Gâp mra chuêl khân may jêh ri lơi khân may nđâp ma ƀon Gâp hŏ ăn ma khân may jêh ri phung chô yau khân may ngai bơh măt Gâp.

Yêrêmi 23:39 Iomraidhean Croise

Nau Ntơm 4:16

Y-Kain du luh bơh nau mpơl muh măt Brah Yêhôva jêh ri gŭ tâm n'gor Nôt, mpeh ma luh nar Êđen.

Nau Ntơm 6:17

Bi Gâp, Gâp mra ăn dak lêng tât ta neh ntu gay ƀư rai lĕ rngôch nglay săk geh n'hâm nsôr gŭ tâm dâng trôk. Lĕ rngôch mpa klơ neh mra khĭt.

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Nau Hôr 13:13

Mbu nơm tâm rmot nau bu nti mra roh păng nơm, Bi ma nơm klach yơk nau vay ntăm nanê̆ mra geh nau nkhôm.

Êsai 48:15

Gâp, Gâp yơh hŏ ngơi jêh ri kuăl jêh păng, Gâp hŏ njŭn păng tât, jêh ri păng mra jêng tâm trong păng nơm.

Êsai 51:12

“Gâp, Gâp yơh jêng Nơm bonh khân may. Mbu nơm may dĭng may klach ma bunuyh blau khĭt, Klach phung kon bunuyh jêng phung mra tâm ban ma gơ̆?

Yêrêmi 12:7

Gâp hŏ chalơi ngih Gâp, Chalơi jêh drăp ndơn Gâp; Jao ma phung bunuyh nuih n'hâm Gâp rŏng Tâm ti phung rlăng.

Yêrêmi 23:33

“Dôl phung ƀon lan aơ, mâu lah du huê nơm mbơh lor, mâu lah du huê kôranh ƀư brah, ôp may pô aơ: ‘Moh ndơ Brah Yêhôva ƀư jâk?’ May plơ̆ lah: ‘May nơm yơh jêng ƀư jâk,’ jêh ri Brah Yêhôva lah: ‘Gâp mra chalơi lĕ khân may.’

Yêrêmi 23:38

Ƀiălah tơlah khân may lah: ‘Nau Brah Yêhôva ƀư jâk,’ pô aơ Brah Yêhôva lah: Yorlah khân may hŏ ngơi, ‘Nau Brah Yêhôva ƀư jâk,’ dôl Gâp prơh bunuyh hăn tât jêh ri ntĭnh khân may mâu dơi lah ôh ‘Nau rah Yêhôva ƀư jâk.’

Yêrêmi 35:17

Yor nây, Yêhôva Brah Ndu ma phung tahan, Brah Ndu Israel lah: ‘Aơ, Gâp ăn tât ma phung Yuđa jêh ri lĕ rngôch phung gŭ tâm ƀon Yêrusalem lĕ rngôch nau mhĭk djơh Gâp hŏ mbơh lor jêh ăn ma khân păng, yorlah Gâp ngơi khân păng mâu iăt, Gâp kuăl khân păng mâu plơ̆ lah ôh.’”

Yêrêmi 36:31

Gâp mra tâm rmal păng, noi deh păng, jêh ri phung kôranh păng, yor nau mhĭk khân păng. Gâp mra ăn tât ma khân păng, jêh ri ma phung gŭ tâm ƀon Yêrusalem jêh ri phung Yuđa, lĕ rngôch nau mhĭk tât Gâp hŏ mbơh jêh ma khân păng ƀiălah khân păng mâu ŭch iăt ôh.’”

Yêrêmi 52:3

Yorlah nau Brah Yêhôva ji nuih ma lĕ nau mhĭk hŏ geh tât jêh ta ƀon Yêrusalem jêh ri n'gor Yuđa Păng mprơh khân păng du bơh tanăp măt Păng. Y-Sêdêkia hao tâm rdâng đah hađăch Babilôn.

Yêrêmi 7:14

Yor nây moh nau Gâp hŏ ƀư ăn ma Silô, Gâp ăt mra ƀư ăn ngih aơ, jêng ngih dơi kuăl ma amoh Gâp, ngih khân may nsing, ntŭk gâp hŏ ăn jêh ma khân may ndrel phung chô yau khân may.

Yêrêmi 7:15

Gâp mra mprơh khân may bơh panăp Gâp, nâm bu Gâp hŏ mprơh oh nâu khân may, jêng lĕ rngôch ndŭl mpôl Êphraim.’

Nau Nhĭm Vơl 5:20

Mâm ƀư may chuêl ma hên mro mrăng, Chalơi êng hên jŏ nar tâm ban pônây?

Êsêkiêl 34:11

‘Kôranh Brah Yêhôva lah: Aơ Gâp nơm yơh mra joi biăp Gâp, Gâp mra tĭng joi khân păng.

Êsêkiêl 34:20

Yor nây, Kôranh Brah Yêhôva lah: ‘Aơ, Gâp nơm yơh mra phat dôih ndrăng biăp lay jêh ri biăp rgay.

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Êsêkiêl 6:3

pô aơ: Hơi phung yôk Israel, iăt hom nau Yêhôva Brah Ndu ngơi! Brah Ndu ngơi ma phung nâm, ma phung gôl yôk, bong dak n'hor jêh ri ma phung rlŭng: Aơ Gâp, Gâp nơm yơh, mra ăn gưm đao tât tâm rmal khân may, ƀư rai ntŭk prêh khân may.

Êsêkiêl 8:18

Yor nây yơh, Gâp mra ƀư ma khân păng tĭng nau ji nuih; măt Gâp mâu nhhuach ôh, mâu lĕ yô̆ klâng đŏng. Nđâp tơlah khân păng kuăl nter tăng tât ma tôr Gâp, Gâp mâu hôm ŭch n'gĭl iăt ôh.”

Êsêkiêl 9:6

Nkhĭt lĕ hom, ƀă phung bu ranh, ƀă phung mom ndăm, ƀă phung bu ur druh, ƀă bu ur me jêh ri phung kon se jê̆, ƀă bu-ur jêh ri kon se jê̆. Ƀiălah lơi hăn dăch mbu geh nchih nau mbên ta ndăr kleng. Ntơm hom tă bơh phung bu ranh gŭ panăp ngih.”

Ndrom Samƀŭt bơh Ôsê 4:6

Phung ƀon lan Gâp hŏ rai yot yor mâu geh nau gĭt rbăng; Yorlah may hŏ dun jêh nau gĭt rbăng, Yor ri Gâp ăt mâu ăn may ƀư kôranh nơm ƀư brah ma Gâp đŏng ôh; Yorlah may hŏ chuêl jêh nau vay Brah Ndu may, Yor ri Gâp mra chuêl kon sau may tâm ban lĕ.

Ndrom Samƀŭt bơh Ôsê 5:14

Yorlah gâp mra jêng nâm bu du mlâm yau mŭr ma Êphraim, Nâm bu du mlâm yau mŭr kon ma ngih Yuđa. Gâp nơm yơh mra sa hêk jêh nây hăn du; Gâp mra djôt leo, jêh ri mâu geh ôh nơm dơi sâm rklaih.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Nau Vay Nkah Tay 32:39

Aƀaơ aơ, uănh hom, Gâp nơm jêng Brah Ndu Rlau ma Gâp mâu hôm geh brah êng; Gâp ƀư ăn khĭt jêh ri Gâp ăn dâk rêh tay, Ƀư ăn sôt jêh ri săm ăn bah Mâu geh ôh nơm dơi tâm rklaih bơh ti Gâp.

II Têsalônik 1:9

Khân păng mra geh nau tâm rmal roh rai n'ho ro, tâm nkhah bơh muh măt Kôranh Brah jêh ri bơh nau chrêk rmah nau brah Păng