Yêrêmi 23:36 - Nau Brah Ndu Ngơi 2023

³⁶ Nôk nây, khân may mâu dơi ngơi tât, ‘nau ngơi bơh Brah Yêhôva ƀư jâk’ đŏng ôh; yorlah bu nơm ngơi jêng jâk ăn bunuyh nây, yorlah khân may hŏ nsak nkhăng nau Brah Ndu gŭ rêh mro mrăng, jêng Brah Yêhôva ma phung tahan, Brah Ndu he.

Yêrêmi 23:36 Iomraidhean Croise

II Phung Hađăch 19:4

N'hêl nanê̆ Yêhôva Brah Ndu may hŏ tăng jêh lĕ rngôch nau Y-Rabshakeh ngơi jêh ri kôranh păng jêng hađăch Asiri hŏ prơh păng hăn tât gay mưch rmot Brah Ndu gŭ rêh mro mrăng, jêh ri Yêhôva Brah Ndu may mra rmal ma khân păng yor lĕ nau ngơi Păng hŏ tăng jêh. Yor ri, dăn ma may mbơh sơm hom ma phung hôm klen.’”

Nau Mprơ Ơm 12:3

Brah Yêhôva mra ƀư rai lĕ rngôch bâr mbung ngơi nklă Jêh ri mpiăt ngơi sưr rlau ir

Nau Mprơ Ơm 120:3

Ơ mpiăt mplư ndơm, moh bu mra ăn ma may? Jêh ri moh bu mra ntop ma may?

Nau Mprơ Ơm 149:9

Gay ƀư ma khân păng nau phat dôih bu nchih jêh. Nĕ jêng nau chrêk rmah phung kloh ueh! Halêluya!

Nau Mprơ Ơm 64:8

Pônây khân păng mra chêh prah, mpiăt khân păng tâm rdâng đah khân păng nơm; Ăp nơm saơ khân păng mra rteh bôk da dê.

Nau Hôr 17:20

Phung geh nuih n'hâm blau plĕch mâu dơi ôh joi nau ueh lăng, Jêh ri mbu nơm geh mpiăt kue mra tŭp tâm nau mhĭk.

Êsai 28:22

Yor nây aƀaơ aơ, lơi hôm mưch ôh, Klach lah rse kât khân may lơ hâu rêt tay; Yorlah gâp tăng jêh nau ntăm mra ƀư rai lam bri dak aơ. Bơh Kôranh Brah Yêhôva ma phung tahan.

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 23:37

Pônây, may ôp hom ma nơm mbơh lor pô aơ: ‘Mâm nau Brah Yêhôva hŏ plơ̆ lah jêh ma may?’ mâu lah ‘Mâm nau Brah Yêhôva lah jêh ma may?’

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Mathay 12:36

Ƀiălah Gâp mbơh ma khân may, tâm nar phat dôih, bu mra mbơh lĕ rngôch nau păng ngơi mâu khlay.

Luka 19:22

Kôranh lah: ‘Aơ oh mon djơh mhĭk! Tĭng nâm bu nau may ngơi gâp phat dôih may. Di lĕ may gĭt jêh gâp jêng du huê bunuyh dăng jâk, sŏk tâm ntŭk mâu dơm, rek tâm ntŭk mâu nsrih.

Kôranh Oh Mon 14:15

“Hơi phung bunuyh! Mâm ƀư khân may ƀư pônây? Hên knŏng jêng kon bunuyh, tâm ban ma khân may lĕ. Hên mbơh nkoch Nau Mhe Mhan Ueh gay ma khân may chalơi phung brah dơm dam ri jêh ri plơ̆ sĭt ma Brah Ndu rêh mro mrăng, jêng Nơm rhăk njêng trôk, neh ntu, dak mƀŭt, jêh ri lĕ rngôch mpa tâm nây.

Galati 6:5

Yorlah ăp nơm mra anh nau jâk jêr păng nơm.

Nau Vay Nkah Tay 5:26

Yorlah mbu nơm tâm phung bunuyh tăng jêh bâr Brah Ndu gŭ rêh mro mrăng ngơi tă bơh tâm nklang ŭnh nâm bu phung hên ƀiălah hôm rêh?

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

II Pêtrôs 3:16

Tâm lĕ rngôch samƀŭt, păng ngơi ma lĕ nau aơ. Lĕ samƀŭt păng nchih geh ƀaƀă nau jêr gĭt rbăng, jêh ri phung rluk jêh ri mâu nâp hŏ nsak nkhăng, tâm ban ma khân păng ƀư jêh ma lĕ ntŭk êng tâm Nau Brah Ndu Ngơi, gay sŏk dơn nau ƀư rai ma khân păng nơm.

I Samuel 17:26

Y-Đavit lah ma phung gŭ êp păng: “Moh ndơ bu mra nkhôm ma nơm dơi nkhĭt bu klâu Philistin aơ, jêh ri sŏk lơi nau bêk prêng tă bơh phung Israel? Yorlah bu klâu Philistin aơ, nơm mâu koh ntâu ôh mbu moh păng jêng, dĭng nănh rlong nuih phung tahan Brah Ndu gŭ rêh mro mrăng?”

I Samuel 17:36

Oh mon may hŏ nkhĭt jêh yau mŭr jêh ri kau, pônây bu klâu Philistin mâu geh koh ntâu ri mra jêng tâm ban nây lĕ, yorlah păng nănh rlong nuih phung tahan Brah Ndu gŭ rêh mro mrăng.”