Yêrêmi 23:34 - Nau Brah Ndu Ngơi 2023

³⁴ Bi ma nơm mbơh lor, kôranh ƀư brah, mâu lah du huê tâm phung ƀon lan lah: ‘Nau Brah Yêhôva ƀư jâk,’ pôri Gâp mra tâm rmal bunuyh nây ndrel ma phung tâm ngih vâl păng.

Yêrêmi 23:34 Iomraidhean Croise

Yêrêmi 36:31

Gâp mra tâm rmal păng, noi deh păng, jêh ri phung kôranh păng, yor nau mhĭk khân păng. Gâp mra ăn tât ma khân păng, jêh ri ma phung gŭ tâm ƀon Yêrusalem jêh ri phung Yuđa, lĕ rngôch nau mhĭk tât Gâp hŏ mbơh jêh ma khân păng ƀiălah khân păng mâu ŭch iăt ôh.’”

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Nahum 1:1

Nau mbơh lor ma Ninive. Ndrom samƀŭt nau Y-Nahum, bunuyh ƀon Êlkôs tâm saơ.

Sakari 13:3

Tơlah hôm e geh bunuyh ngơi nau mbơh lor, pôri mbơ̆ jêh ri mê̆ jêng nơm hŏ deh jêh ăn păng, mra lah ma păng: ‘May mâu mra rêh đŏng ôh, yorlah may ngơi nau mƀruh tâm amoh Brah Yêhôva.’ Jêh ri mê̆ mbơ̆ jêng nơm hŏ deh jêh păng mra ntâp păng lah păng ngơi nau mbơh lor.