Yêrêmi 23:32 - Nau Brah Ndu Ngơi 2023

³² Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 23:32 Iomraidhean Croise

Ndrom Samƀŭt bơh Yôp 13:4

Bi ma khân may knŏng blau jan lah ma nau ueh, Lĕ rngôch khân may jêng nai dak si dơm dam.

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 23:13

“Gâp hŏ saơ jêh nau brŭt ndrăng Phung nơm mbơh lor Samari; Khân păng mbơh lor ma amoh brah Baal, Ƀư nhhơt trong ma ƀon lan Israel Gâp.

Yêrêmi 23:16

Brah Yêhôva ma phung tahan lah: “Lơi ta iăt ôh nau phung mbơh lor mbơh ma khân may. Khân păng srih nau kâp gân ma nau dơm dam Ngơi nau tâm saơ yor bơh khân păng nơm mĭn êng Mâu di bơh trôm mbung Brah Yêhôva lah ôh.

Yêrêmi 23:25

Gâp hŏ tăng jêh nau phung mbơh lor aơ ngơi. Khân păng hŏ tâm amoh Gâp mbơh lor nklă pô aơ: ‘Gâp saơ nau mbơi jêh! Gâp saơ nau mbơi jêh!’

Yêrêmi 23:31

Brah Yêhôva lah: “Aơ, Gâp tâm rdâng đah phung mbơh lor phung dŏng mpiăt khân păng jêh ri lah: ‘Brah Yêhôva lah.’”

Yêrêmi 29:31

“Njuăl hom samƀŭt aơ tât ma lĕ rngôch phung bu hŏ veng jêh: Brah Yêhôva lah ma Y-Sêmaya, bunuyh ƀon Nêhêlam kơt aơ: ‘Y-Sêmaya hŏ mbơh lor jêh ma khân may, ƀư ma khân may rnơm ma nau ngơi mƀruh, Gâp mâu mâp mprơh păng ôh.’

Yêrêmi 7:8

Ƀiălah khân may rnơm nsing nkhơng lĕ nau ngơi mƀruh nchơt mâu geh nau khlay ôh.

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Nau Nhĭm Vơl 3:37

Mbu ntrŭnh ăn nau nây tât ngăn, Tơlah mâu di Kôranh Brah hŏ ntĭnh jêh?

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Sakari 10:2

Yorlah phung rup brah knŏng ngơi nau dơm dam, Lĕ phung n'hŭm knŏng saơ nau mƀruh; Khân păng mbơh nkoch lĕ nau mbơi mƀruh ndơm bu, Jêh ri ngơi nau bonh leng mâu khlay ôh. Yor nây, phung ƀon lan chah rai du pru Nâm bu phung kon biăp rêh ni yorlah mâu geh rmăk chiăp.

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

II Kôrintô 1:17

Di lĕ gâp vât vâng lah gâp mĭn nau aơ? Mâu lah nau gâp hŏ tâm nal tĭng nâm nglay săk kŏ tât geh tơ̆ lah “Ơ” geh tơ̆ lah “Mâu” ôh?

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.