Yêrêmi 23:31 - Nau Brah Ndu Ngơi 2023

³¹ Brah Yêhôva lah: “Aơ, Gâp tâm rdâng đah phung mbơh lor phung dŏng mpiăt khân păng jêh ri lah: ‘Brah Yêhôva lah.’”

Yêrêmi 23:31 Iomraidhean Croise

I Phung Hađăch 22:11

Y-Sêdêkia, kon Y-Kênana, hŏ ƀư du kôp nke ma loih, jêh ri lah: “Brah Yêhôva lah: ‘Ma lĕ nke aơ, may mra tâm lơh đah phung Aram kŏ tât ƀư rai khân păng.’”

II Nau Rêh Jêng 18:5

Hađăch Israel tâm rƀŭn phung nơm mbơh lor, geh klăp lah puăn rhiăng nuyh, jêh ri ôp khân păng: “He dơi hăn tâm lơh đah ƀon Ramôt-Gilêat mâu lah mâu?” Khân păng lah “Hăn hao hom! Brah Ndu mra jao ƀon nây tâm ti hađăch.”

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 23:30

Yor nây, aơ, Brah Yêhôva lah: “Aơ, Gâp tâm rdâng đah phung mbơh lor phung ntŭng ndrăng khân păng nơm nau Gâp ngơi.”

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 28:15

Nơm mbơh lor Y-Yêrêmi lah ma Y-Hanania: “Ơ Hanania, iăt hom! Brah Yêhôva mâu mâp prơh may hăn ôh, ƀiălah may ăn phung ƀon lan aơ rnơm nsing ma nau mƀruh.

Yêrêmi 28:17

Tâm khay pơh năm nây lĕ, nơm mbơh lor Y-Hanania hŏ khĭt.

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Nau Vay Nkah Tay 18:20

Ƀiălah mbu nơm mbơh lor janh nănh sŏk amoh Gâp gay ngơi lĕ nau Gâp mâu mâp ntĭnh ăn păng ngơi ôh, mâu lah sŏk amoh phung brah êng gay ngơi, nơm mbơh lor nây mra khĭt.’