Yêrêmi 23:29 - Nau Brah Ndu Ngơi 2023

²⁹ “Nau Gâp ngơi mâu di nâm bu ŭnh, nâm bu me nôp tôp nchah lŭ lĕ?” Brah Yêhôva lah pônây.

Yêrêmi 23:29 Iomraidhean Croise

Yêrêmi 20:9

Tơlah gâp ngơi: “Gâp mâu mra ngơi tât ma Păng đŏng ôh; Gâp mâu mra tâm amoh Păng đŏng ôh,” Nau May ngơi nâm bu chiông ŭnh su hit nuih n'hâm gâp, Put ndâp tâm nting gâp, Gâp hŏt rgănh yor nau ât rklăk, Mâu hôm dơi dơn ôh.

Yêrêmi 5:14

Yor nây, Yêhôva Brah Ndu ma phung tahan lah: “Yorlah khân may hŏ ngơi lĕ nau nây, Pô aơ, Gâp mra ƀư nau ngơi Gâp nâm bu ŭnh tâm mbung may, Ƀon lan aơ mra nâm bu long, jêh ri ŭnh nây mra sa rvăn khân păng.”

Ndrom Samƀŭt bơh Ôsê 6:5

Yor ri, Gâp dŏng jêh phung nơm mbơh lor koh lơi khân păng; Gâp hŏ nkhĭt khân păng ma nau ngơi tă bơh trôm mbung Gâp, Nau Gâp phat dôih luh hăn nâm bu nau ang.

Luka 24:32

Bar hê tâm ngơi ndrăng khân păng nơm: “Tâm nôk hăn trong, Păng nkoch bri jêh ri rblang kloh rah vah Nau Brah Ndu Ngơi ma hên, nuih n'hâm he duh nâm bu su hit lĕ ƀơh?”

Yôhan 6:63

Brah huêng yơh ƀư ăn nau rêh, nglay săk mâu khlay ôh. Lĕ nau Gâp ngơi jêh ma khân may jêng huêng brah jêh ri nau rêh.

Kôranh Oh Mon 2:3

Dôl nây khân păng saơ mpiăt nâm bu mpiăt ŭnh mpơl, tâm nkhah jêh ri gŭ ta klơ ăp nơm tâm khân păng.

Kôranh Oh Mon 2:37

Jêh tăng nau ngơi nây, nuih n'hâm khân păng rngot, khân păng ôp Y-Pêtrôs ro jêh ri phung kôranh oh mon êng pô aơ: “Hơi phung oh nâu, moh nau hên mra ƀư?”

II Kôrintô 2:16

Ma phung bunuyh geh nau rai yot, hên jêng ndơ ƀâu nau khĭt, njŭn leo tât nau khĭt; ma phung bunuyh geh nau tâm rklaih, hên jêng ƀâu nau rêh, njŭn leo tât nau rêh. Mbu nơm jêng bunuyh dơi ƀư lĕ nau aơ?

ហេឞ្រើ 4:12

Yorlah nau ngơi Brah Ndu jêng nau ngơi rêh jêh ri geh nau dơi, hơr lơn ma đao bar măt, lăp băm kŏ tât tâm nglah nuih n'hâm đah huêng, ntŭk nting tâm ntrŭp đah glo, phat dôih lĕ nau mĭn jêh ri nau ŭch tâm nuih n'hâm.

Nau Tâm Mpơl 11:5

Tơlah mbu nơm ŭch ƀư mhĭk ma bar hê bunuyh aơ, ri mơ ŭnh luh tă bơh trôm mbung khân păng mra su lơi phung rlăng khân păng; mbu nơm ŭch ƀư mhĭk ma khân păng, bunuyh nây mra khĭt tâm ban pônây.