Yêrêmi 23:26 - Nau Brah Ndu Ngơi 2023

²⁶ Ndah jŏ lĕ phung mbơh lor mƀruh aơ hôm thoi đŏng sŏk đŏng nuih n'hâm mƀruh nchơt mbơh lor nklă mƀruh? Kŏ tât ndah jŏ khân păng ăt lah luh lĕ nau ngơi ndơm tă bơh nuih n'hâm khân păng?

Yêrêmi 23:26 Iomraidhean Croise

Nau Mprơ Ơm 4:2

Ơ kon bunuyh, nau khưm gâp ndah jŏ bu mra ƀư nau bêk prêng? Khân may rŏng nau dơm dam jêh ri ndah jŏ tĭng joi nau mƀruh? (Sêla)

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Yêrêmi 13:27

Gâp hŏ saơ lĕ nau ƀơ̆ ƀơch bơh may, Nau tih văng tir, nau pâl tâm krĭ văng tĭr phung ka n'hong may, Ta klơ lĕ dor yôk, ta nklang mir. Ơ Yêrusalem, rêh ni ăn ma may! Ndah jŏ may mra mâu ŭch ƀư kloh?”

Yêrêmi 14:14

Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 17:9

Nuih n'hâm bu jêng mƀruh nchơt lơn ma lĕ ntil mpô mpa, Jêh ri jêng nau djơh mhĭk ngăn. Mbu nơm dơi gĭt?

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Ndrom Samƀŭt bơh Ôsê 8:5

Hơi Samari, ndrôk kon may lĕ chalơi jêh! Nau ji nuih Gâp hŏ su ma khân păng. Kŏ tât ndah jŏ Khân păng mâu ƀư tih?

Kôranh Oh Mon 13:10

“May jêng kon brah mhĭk, nơm rlăng ma lĕ nau sŏng, bêng ma ndơm jêh ri janh ƀai! May ƀư kue trong sŏng Kôranh Brah mro ƀơh?

II Timôthê 4:3

Yorlah mra tât du rnôk phung bunuyh mâu hôm ŭch iăt nau nti nau ngăn, ƀiălah tĭng nuih n'hâm ŭch kơnh, khân păng mra tâm rgum phung kôranh nơm nti jŭm khân păng nơm gay iăt lĕ nau ƀư maak ma tôr;

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.