Yêrêmi 23:22 - Nau Brah Ndu Ngơi 2023

²² Tơlah khân păng dâk tâm nau Gâp tâm rgum, Pôri hŏ mbơh nau Gâp ăn ƀon lan Gâp, Kơl ƀon lan Gâp chalơi trong mhĭk, Jêh ri der ngai lĕ nau ƀư mhĭk.”

Yêrêmi 23:22 Iomraidhean Croise

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 23:18

Pônây, mbu dơi dâk tâm nau tâm rgum Brah Yêhôva, Gay mêt uănh jêh ri iăt nau Păng? Mbu hŏ rkêng tôr jêh ri iăt tĭng nau Păng ngơi?

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 36:3

Klăp lah phung Yuđa mra gĭt lĕ rngôch nau mhĭk Gâp mĭn jêh ŭch ƀư ma khân păng, khân păng plơ̆ sĭt tay, ăp nơm chalơi trong mhĭk păng, jêh ri Gâp yô̆ an nau djơh mhĭk jêh ri nau tih khân păng.”

Yêrêmi 9:12

Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Êsêkiêl 13:22

Yorlah khân may sŏk nau nchơt mƀruh ƀư rngot nuih n'hâm phung sŏng srăng nđâp lah Gâp mâu mâp ƀư rdja nuih khân păng ôh. Ƀiălah khân may ƀư ma ti phung ƀai ktang lơn gay ma khân păng mâu chalơi ôh bơh trong nau mhĭk păng gay dơi geh nau rêh.

Êsêkiêl 13:5

Phung khân may ê hŏ hăn hao ôh lĕ ntŭk pêch đang jêh ri nkra tay mpêr ƀon ma ngih Israel gay dơi nâp dâk tâm lơh tâm nar Brah Yêhôva.

Êsêkiêl 18:30

Yor nây, Kôranh Brah Yêhôva lah: ‘Hơi ngih Israel, Gâp mra phat dôih khân may, ăp nơm tĭng nâm kan păng ƀư. Rmal hom jêh ri chalơi lĕ rngôch nau tih khân may! Tâm ban pônây, nau nây mâu mra jêng ndơ chêh prah ăn ma khân may.

Êsêkiêl 2:7

Pôri may mbơh hom nau Gâp lah ma khân păng nđâp lah khân păng iăt mâu lah mâu, yorlah khân păng jêng phung tâm rdâng.

Êsêkiêl 3:17

“Hơi kon bunuyh, Gâp hŏ njêng may ƀư bunuyh kâp gak ăn ma ngih Israel. Pônây iăt hom nau ngơi tă bơh bâr mbung Gâp jêh ri tâm tang Gâp mbơh ăn ma khân păng.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Sakari 1:4

Lơi ta ƀư nâm bu phung chô yau khân may, phung nơm mbơh lor kăl e hŏ kuăl jêh khân păng, Brah Yêhôva ma phung tahan lah: ‘Chalơi hom trong mhĭk jêh ri nau djơh janh khân may ƀư.’ Ƀiălah khân păng mâu iăt ôh, mâu lĕ ŭch gŭ mĭn ma Gâp. Pôri Brah Yêhôva lah.

Malachi 2:6

Nau ntrŭnh nanê̆ ngăn hŏ gŭ tâm trôm mbung păng, jêh ri bu mâu saơ nau kue ôh ta trôm mbung păng. Păng hŏ chuat hăn ndrel ma Gâp tâm nau đăp mpăn jêh ri nau sŏng, păng ƀư âk bunuyh plơ̆ sĭt tă bơh nau kue.

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

I Têsalônik 5:6

Pô nây, he mâu bê̆ch nâm bu phung êng ôh, ƀiălah ăn he rngeh njrăng jêh ri di keh.