Yêrêmi 23:21 - Nau Brah Ndu Ngơi 2023

²¹ Gâp mâu prơh hăn phung mbơh lor aơ ôh, Ƀiălah khân păng hŏ nchuăt; Gâp mâu lah ma khân păng, Ƀiălah khân păng hŏ mbơh lor.

Yêrêmi 23:21 Iomraidhean Croise

Êsai 6:8

Rnôk nây, gâp tăng bâr nteh Kôranh Brah lah: “Mbu nơm gâp mra njuăl? Mbu nơm mra hăn an ma he?” Gâp lah: “Gâp ta aơ, dăn njuăl hom gâp hăn.”

Yêrêmi 14:14

Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 27:14

Lơi ta iăt ôh nau phung nơm mbơh lor lah ma khân may: ‘Khân may mâu mra pah kan ôh ma hađăch Babilôn’, yor nây nau khân păng ngơi ma khân may knŏng jêng nau mbơh lor mƀruh dơm.

Yêrêmi 27:15

Brah Yêhôva ngơi lah: ‘Gâp mâu mâp prơh khân păng hăn ôh, ƀiălah khân păng sŏk amoh Gâp gay lah nau mbơh lor nklă mƀruh. Yor nây, Gâp mra mprơh khân may hăn jêh ri ƀư rai khân may ndrel ma phung mbơh lor hŏ mbơh lor ăn ma khân may.’”

Yêrêmi 28:15

Nơm mbơh lor Y-Yêrêmi lah ma Y-Hanania: “Ơ Hanania, iăt hom! Brah Yêhôva mâu mâp prơh may hăn ôh, ƀiălah may ăn phung ƀon lan aơ rnơm nsing ma nau mƀruh.

Yêrêmi 29:31

“Njuăl hom samƀŭt aơ tât ma lĕ rngôch phung bu hŏ veng jêh: Brah Yêhôva lah ma Y-Sêmaya, bunuyh ƀon Nêhêlam kơt aơ: ‘Y-Sêmaya hŏ mbơh lor jêh ma khân may, ƀư ma khân may rnơm ma nau ngơi mƀruh, Gâp mâu mâp mprơh păng ôh.’

Yêrêmi 29:8

Brah Yêhôva ma phung tahan, Brah Ndu Israel lah pô aơ: “Lơi ta ăn phung nơm mbơh lor, phung gru gŭ ta nklang khân may ndơm khân may ôh; mâu lĕ iăt phung nkoch mbơi gay mbơi dơm dam.

Yêrêmi 29:9

Yorlah khân păng sŏk amoh Gâp gay lah nau mbơh lor ndơm mƀruh ma khân may. Gâp mâu mâp prơh khân păng hăn ôh.” Brah Yêhôva lah pônây.

Yôhan 20:21

Brah Yêsu lah đŏng ma khân păng: “Ăn nau đăp mpăn ma khân may! Nâm bu Mbơ̆ hŏ njuăl Gâp, Gâp njuăl đŏng khân may kơt nây lĕ.”

Kôranh Oh Mon 13:4

Pôri Brah Huêng Ueh njuăl hăn, Y-Sôl ndrel ma Y-Ƀarnaƀas jŭr ta ƀon Sêlusi, tă bơh nây khân păng ncho kumpăn hăn ta kôdak Syprơ.

Samƀŭt Pôl Njuăl Ăn Ma Phung Nsing Ta Ƀon Rôm 10:15

Tơlah mâu geh bunuyh bu njuăl nsong, mâm ƀư geh bunuyh hăn mbơh nkoch? Tĭng nâm nau nchih jêh: “Ueh lăng âk ngăn mpang jâng phung hăn mbơh nkoch Nau Mhe Mhan Ueh!”