Yêrêmi 23:20 - Nau Brah Ndu Ngơi 2023

²⁰ Nau Brah Yêhôva ji nuih mâu mra rngơt ôh Kŏ tât nôk Păng ƀư jêh ri lôch Lĕ nau mĭn tâm nuih n'hâm Păng. Tâm lĕ nar lôch dŭt, Khân may gĭt rbăng rah vah nau nây.

Yêrêmi 23:20 Iomraidhean Croise

Nau Ntơm 49:1

Y-Yakôb kuăl phung kon bu klâu păng jêh ri lah: “Rgum ndrel hom ta aơ, gâp mra lah dĭng lĕ nau mra tât ma phung khân may tâm rnôk kăndơ̆.

I Phung Hađăch 8:47

Tơlah tâm n'gor ƀư dĭk bu, khân păng rgâl nuih n'hâm, rmal nau tih jêh ri vơl dăn ma Kôranh Brah pô aơ: ‘Hên ƀư tih jêh, ƀư nau kue jêh ri djơh mhĭk;’

II Phung Hađăch 23:26

Nđâp lah pônây, Brah Yêhôva mâu rngơt ôh nau Păng ji nuih, jêng nau ji nuih tâm rdâng đah phung Yuđa, yorlah lĕ rngôch nau tih toyh bơh Y-Manasê lok lôr Păng.

II Phung Hađăch 23:27

Brah Yêhôva lah: “Gâp mra mprơh du phung Yuđa tă bơh tanăp măt Gâp, nâm bu Gâp mprơh jêh phung Israel. Gâp mra chalơi ƀon Yêrusalem, ƀon Gâp hŏ săch jêh, tâm ban đŏng ngih brah Gâp lah ma păng pô aơ: ‘Amoh Gâp mra gŭ ta nây.’”

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Êsai 14:24

Brah Yêhôva ma phung tahan hŏ sơm ton pô aơ: “N'hêl nanê̆ nau Gâp hŏ dăp mra tât ngăn, Nau Gâp hŏ ƀư păng mra nâp.

Êsai 55:11

Tâm ban pônây lĕ nau Gâp ngơi, Luh jêh bơh trôm mbung Gâp mâu mra sĭt ma Gâp dơm dam ôh, Ƀiălah păng mra ƀư jêh nau Gâp ŭch, Jêh ri păng ƀư lôch nau kan Gâp jao.

Yêrêmi 30:24

Nau ji nuih gring gring Brah Yêhôva hâu ngăn mâu mra djoh ôh Kŏ tât Păng ƀư jêh ri ăn jêh Lĕ nau ŭch mĭn tâm nuih n'hâm Păng. Tâm nar nglĕ dŭt, Khân may gĭt rbăng nau nây.

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Yêrêmi 51:12

Yơr hom kơ nau mbên, Hăn tâm lơh lĕ mpêr ƀon Babilôn! Ntop hom phung gak, Ndâk pôih gak, tâm pă phung tahan kâp lơh! Yorlah Brah Yêhôva hŏ nkra jêh nau Păng ŭch ƀư Nau Păng hŏ lah ma phung ƀon lan gŭ tâm bri Babilôn.

Êsêkiêl 21:10

Jêh ri lĕ bunuyh mra gĭt Gâp, Brah Yêhôva, hŏ tŏk jêh đao bơh ma ndrop pôri mâu mra plơ̆ ntrŭp tâm ndrop đŏng ôh!’

Êsêkiêl 21:5

Rnôk nây gâp ngơi: “Ơ Kôranh Brah Yêhôva, khân păng lah ma gâp pô aơ: Mâu di păng jêng phung ƀư nau ngơi ntĭt hĕ?”

Sakari 1:6

Ƀiălah, lĕ nau Gâp ngơi jêh ri nau vay Gâp ƀư hŏ ntĭm jêh ma phung oh mon Gâp jêng phung nơm mbơh lor, mâu di bơh lĕ nau nây ban jêh ma phung chô yau khân may? Yor rĭ dĭng khân păng rmal nau tih jêh ri lah: ‘Lĕ rngôch nau Brah Yêhôva ma phung tahan hŏ ton mĭn jêh ma hên tĭng trong jêh ri kan pah bơh hên ƀư, pôri Păng hŏ nkra jêh ma hên di kơt nây.’”

Nau Vay Nkah Tay 4:30

Lah khân may gŭ tâm nau rêh ni, jêh ri lah lĕ rngôch nau aơ mra tât jêh ma khân may, tâm nar nglĕ dŭt, khân may mra plơ̆ tay ma Yêhôva Brah Ndu khân may jêh ri tông bâr Păng.