Yêrêmi 23:2 - Nau Brah Ndu Ngơi 2023

² Yor nây, aơ jêng nau Yêhôva Brah Ndu phung Israel prăp ăn ma phung rmăk biăp chiă uănh phung ƀon lan Gâp: ‘Khân may hŏ ƀư nchah rai pru pra jêh biăp Gâp, mprơh du jêh ri mâu njrăng ma khân păng. Aơ, Gâp mra rkêng tôr iăt tâm rdâng đah khân may yor nau mhĭk khân may ƀư jêh,’ Brah Yêhôva lah pônây.

Yêrêmi 23:2 Iomraidhean Croise

Nau Ngluh Êjipt 32:34

Ƀiălah aƀaơ, hăn hom, njŭn leo phung ƀon lan ta ntŭk Gâp hŏ ntĭm ma may. Aơ, tông mpăr Gâp mra hăn lor ma may. Ƀiălah, ta nar nau rmal, Gâp mra tâm rmal nau tih khân păng.”

Yêrêmi 10:21

Phung rmăk biăp rluk da dê, Mâu joi dăn ma Brah Yêhôva. Yor nây khân păng mâu dơi ndrŏng kuăng, Lĕ rngôch phung biăp khân păng du êng êng.

Yêrêmi 11:22

Yor nây, Brah Yêhôva ma phung tahan lah: ‘Gâp mra phat dôih khân păng; phung bu klâu ndăm mra khĭt yor đao tak, phung bu klâu bu ur khân păng mra khĭt yor nau sât ji ngot;

Yêrêmi 13:17

Ƀiălah tơlah lĕ bunuyh mâu iăt ôh Huêng gâp mra nhĭm ăn ma nau sưr lĕ bunuyh. Gâp mra nhĭm rngot ngăn, hoch truh dak măt, Yorlah phung biăp Brah Yêhôva bu nhŭp rdu.

Yêrêmi 13:20

N'gơr măt uănh hom Phung bunuyh tât tă bơh mpeh pa lơ. Phung biăp hŏ jao jêh ma may, Phung biăp ƀư ăn n'hao nuih may, lĕ rngôch ta ntŭk?

Yêrêmi 13:21

Moh nau may lah dôl phung bunuyh may ntĭm nti Jêh ri ƀư mĭt jiăng đah may Dơi ndâk hao chiă uănh may? May mâu saơ hĕ nau ji kruăt rêt Nâm bu ur ji ngăn dôl deh kon hĕ?

Yêrêmi 17:10

Gâp, Brah Yêhôva, sek uănh nau mĭn, Rlong uănh nuih n'hâm bu, Plơ̆ ăn ma ăp nơm tĭng nâm trong păng hăn, Jêh ri tĭng nâm play kao bơh kan khân păng ƀư.”

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 23:34

Bi ma nơm mbơh lor, kôranh ƀư brah, mâu lah du huê tâm phung ƀon lan lah: ‘Nau Brah Yêhôva ƀư jâk,’ pôri Gâp mra tâm rmal bunuyh nây ndrel ma phung tâm ngih vâl păng.

Yêrêmi 44:22

Brah Yêhôva mâu hôm dơi srôih đŏng ôh lĕ nau mhĭk kan khân ay may ƀư jêh ri nau ƀơ̆ ƀơch khân ay may hŏ ƀư tih jêh, yor nây nar aơ bri dak khân ay may hŏ jêng nau bu rak rtăp jêh, jêng du ntŭk rngol, jêng ntŭk rngot klâng, mâu geh bunuyh gŭ ôh.

Yêrêmi 5:29

Brah Yêhôva lah: “Gâp mâu mra tâm rmal hĕ khân păng ma nau tih nây? Du ndŭl mpôl nâm bu pônây Gâp mâu plơng bôk hĕ?

Yêrêmi 5:9

Gâp mâu mra tâm rmal hĕ khân păng yor ma nau tih nây lĕ? Du phung ndŭl mpôl pônây Ah Gâp mâu plơng lĕ?” Brah Yêhôva lah pônây.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Êsêkiêl 34:5

Yorlah mâu geh bunuyh rmăk leo pôri khân păng nchah rai nhhơt, jêh ri tơlah khân păng lĕ nchah rai nhhơt jêh khân păng jêng mpa sa ma lĕ rngôch mpô mpa bri.

Ndrom Samƀŭt bơh Ôsê 2:13

Gâp mra tâm rmal păng Yorlah tâm lĕ nar păng nhhơr ndơ ƀâu kah ma brah Baal, Văn mblo tôr jêh ri nkrơ̆ ndơ khlay, Hăn tĭng phung tĭr păng, Bi gâp păng chuêl jêh!” Brah Yêhôva lah pônây.

Mika 7:4

Bunuyh ueh lơn tâm khân păng jêng tâm ban ma lok mâng glâng, Bi ma nơm sŏng lơn tâm khân păng jêng mhĭk lơn ma n'gar pôm lok. Nar ma phung gak njrăng may, Nây jêng nar tâm rmal ma may lĕ tât jêh; Aƀaơ aơ nôk uh ah ma khân păng.

Sakari 10:3

“Nau Gâp ji nuih dŭt n'hâm tâm rdâng đah phung rmăk biăp, Gâp mra tâm rmal phung kôranh chiă uănh. Nôk Brah Yêhôva ma phung tahan chop khâl phung biăp Păng, jêng ngih Yuđa, Pôri mra ƀư ma khân păng nâm bu seh ndơ tâm lơh ma nau rnam hăn tâm lơh.

Sakari 11:16

Yorlah aơ, Gâp mra n'hao du huê rmăk biăp tâm bri neh aơ, nơm nây mâu mra chrê ôh ma biăp păng lĕ roh, mâu lĕ ŭch tĭng joi biăp păng nhhơt, kŏ mâu ŭch mât siăm đŏng biăp păng sôt rmanh; mâu ŭch mât siăm biăp păng ăn toyh lay. Ƀiălah păng sa gŭch biăp lay, jêh ri nkhak lơi nchop păng.

Mathay 25:36

Gâp gŭ săk hưl, khân may nsoh ao ma Gâp; Gâp ji kuet, khân may hăn mât mray Gâp; bu krŭng Gâp, khân may chop khâl Gâp.’

Mathay 25:43

Gâp jêng bu năch, khân may mâu mâp vơt rom Gâp; Gâp gŭ săk hưl, khân may mâu nsoh ao ma Gâp; Gâp ji kuet jêh ri bu krŭng Gâp, khân may mâu mâp chop khâl Gâp.’

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.