Yêrêmi 23:19 - Nau Brah Ndu Ngơi 2023

¹⁹ Aơ, nau phŭt sial Brah Yêhôva Nây jêng nau Păng ji nuih hŏ hao ntoh, Nau phŭt sial vănh blông, Vănh trŭnh ta bôk phung ƀai.

Yêrêmi 23:19 Iomraidhean Croise

Nau Mprơ Ơm 58:9

Tâm ban bu su lok tâm ŭnh năk kơt nây lĕ Jêh ri Păng mra ăn sial phŭt khôm lơi khân păng, nđâp lah khân păng hôm ndrêh mâu lah lĕ ŭnh sa.

Nau Hôr 1:27

Lah nau krit klach toyh tât ndal nâm bu phŭt chuănh, Nau mhĭk tât nâm bu phŭt sial ktang, Jêh ri nau o ach, nau uh ah tât ma khân may.

Nau Hôr 10:25

Lah phŭt sial chuănh lĕ lăn jêh, mâu hôm geh ôh phung ƀai, Ƀiălah mbon phung sŏng srăng gŭ nâp mro mrăng.

Êsai 21:1

Nau mbơh lor ma bri rdah dăch dak mƀŭt. Păng tât tă bơh bri rdah, Jêng nkual neh klach krit, Tâm ban ma sial vănh blông rdu bri Nêgep.

Êsai 40:24

Khân păng mhe bu tăm, mhe bu srih, Tơm si mhe chăt reh tâm neh, Brah Yêhôva khôm n'hâm ta khân păng, jêh ri khân păng kro klêu ro; Aơ, trôm sial vănh blông khôm rdu khân păng tâm ban ma rhe.

Yêrêmi 25:31

Nau ngrông ngloh mra tât nglĕ dŭt rplay neh; Yorlah Brah Yêhôva tâm rdâng đah lĕ rngôch bri dak, Phat dôih lĕ rngôch nglay săk, Jao phung mhĭk ăn ma đao,’ Brah Yêhôva lah pônây.

Yêrêmi 25:32

Brah Yêhôva ma phung tahan lah: ‘Aơ, nau mhĭk mra lam ntŭk Bơh bri dak aơ rlet ma bri dak êng, Du rơh sial phŭt hâu ngăn văch tât Tă bơh ntŭk ngai ngăn ta neh ntu.’

Yêrêmi 30:23

Aơ, sial phŭt Brah Yêhôva! Nau nuih Păng hŏ luh du jêh, Phŭt sial vănh blông rvah rvĭr Ta klơ bôk phung djơh mhĭk.

Yêrêmi 30:24

Nau ji nuih gring gring Brah Yêhôva hâu ngăn mâu mra djoh ôh Kŏ tât Păng ƀư jêh ri ăn jêh Lĕ nau ŭch mĭn tâm nuih n'hâm Păng. Tâm nar nglĕ dŭt, Khân may gĭt rbăng nau nây.

Yêrêmi 4:11

Aƀaơ mra geh nau ngơi ma phung ƀon lan aơ jêh ri Yêrusalem pô aơ: “Geh du chông sail duh bơh lĕ yôk hil tâm bri rdah mra khôm ta klơ phung kon bu ur ƀon lan Gâp, mâu di gay nsiăng mâu lah mpruh ba,

Yêrêmi 51:1

Brah Yêhôva lah: “Aơ Gâp mra ƀư du sial ƀư rai, Hao ƀư rai đah Babilôn, Jêh ri phung ƀon lan gŭ tâm bri Kaldê.

Êsêkiêl 1:4

Ri gâp saơ geh phŭt văch tât tă bơh mpeh pa lơ khôm tât, geh du ndâr tŭk toyh put ŭnh hit sol ang văr jŭm păng, jêh ri tă bơh tâm nklang ŭnh nây geh ndơ n'gă ang nâm bu kông nchrat lơp lam trôk.

Êsêkiêl 13:13

Yor nây Kôranh Brah Yêhôva lah: ‘Tâm nau ji nuih, Gâp mra ƀư phŭt sial hêk sat păng; tâm nau ji nuih, Gâp mra prơh dak mih tât; jêh ri tâm nau ji nuih ngăn, Gâp ăn dak mih tŭp pler toyh ƀư rai păng.

Amôt 1:14

Gâp mra mpoh ŭnh su mpêr ƀon toyh Raba, Ŭnh mra su rai lĕ pôih nâp păng, Ta nklang nau lŭng nter tâm nar tâm lơh, Ta nklang phŭt chuănh tâm nar sial vănh blông;

Sakari 7:14

Gâp ƀư ăn pru pra khân păng nâm bu sial vănh blông ta nklang lĕ rngôch ntil mpôl bunuyh khân păng mâu mâp gĭt năl ôh. Pôri bri neh pakơi khân păng kŏ tât jêng rngol mâu hôm geh ôh bunuyh brô̆ nsong. Khân păng hŏ ƀư ăn bri dak ueh maak jêng rngot.’”

Sakari 9:14

Nôk nây, Brah Yêhôva mra mpơl ăn phung ƀon lan păng saơ, Hăr Păng luh du nâm bu lơp nglaih; Brah Yêhôva mra uh nŭng, Păng hăn ndrel ma sial vănh blông mpeh pa dâng.