Yêrêmi 23:16 - Nau Brah Ndu Ngơi 2023

¹⁶ Brah Yêhôva ma phung tahan lah: “Lơi ta iăt ôh nau phung mbơh lor mbơh ma khân may. Khân păng srih nau kâp gân ma nau dơm dam Ngơi nau tâm saơ yor bơh khân păng nơm mĭn êng Mâu di bơh trôm mbung Brah Yêhôva lah ôh.

Yêrêmi 23:16 Iomraidhean Croise

I Phung Hađăch 22:11

Y-Sêdêkia, kon Y-Kênana, hŏ ƀư du kôp nke ma loih, jêh ri lah: “Brah Yêhôva lah: ‘Ma lĕ nke aơ, may mra tâm lơh đah phung Aram kŏ tât ƀư rai khân păng.’”

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Nau Rêh Jêng 18:5

Hađăch Israel tâm rƀŭn phung nơm mbơh lor, geh klăp lah puăn rhiăng nuyh, jêh ri ôp khân păng: “He dơi hăn tâm lơh đah ƀon Ramôt-Gilêat mâu lah mâu?” Khân păng lah “Hăn hao hom! Brah Ndu mra jao ƀon nây tâm ti hađăch.”

Nau Hôr 19:27

Hơi kon gâp, lah mâu iăt đŏng nau ntĭm nti, May mra vĭ hêng lĕ nau blau mĭn âk.

Yêrêmi 14:14

Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 2:5

Brah Yêhôva lah pô aơ: “Phung chô yau khân may saơ moh nau mâu di tâm Gâp Dĭng du ngai bơh Gâp, Hăn tĭng nau dơm dam, Jêh ri jêng phung mâu geh rnoh khlay?

Yêrêmi 23:21

Gâp mâu prơh hăn phung mbơh lor aơ ôh, Ƀiălah khân păng hŏ nchuăt; Gâp mâu lah ma khân păng, Ƀiălah khân păng hŏ mbơh lor.

Yêrêmi 23:26

Ndah jŏ lĕ phung mbơh lor mƀruh aơ hôm thoi đŏng sŏk đŏng nuih n'hâm mƀruh nchơt mbơh lor nklă mƀruh? Kŏ tât ndah jŏ khân păng ăt lah luh lĕ nau ngơi ndơm tă bơh nuih n'hâm khân păng?

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Yêrêmi 29:8

Brah Yêhôva ma phung tahan, Brah Ndu Israel lah pô aơ: “Lơi ta ăn phung nơm mbơh lor, phung gru gŭ ta nklang khân may ndơm khân may ôh; mâu lĕ iăt phung nkoch mbơi gay mbơi dơm dam.

Yêrêmi 9:12

Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Nau Nhĭm Vơl 2:9

Lĕ mpông ƀon rhuh jru tâm neh; Păng ƀư rai jêh ri nkê̆ch pă lơi mâng rnăng. Hađăch jêh ri phung kôranh bu nhŭp veng leo ngai bơh n'gor khân păng; Nau vay mâu hôm geh ôh, Nđâp ma phung nơm mbơh lor ăt mâu dơi geh ôh Nau tâm saơ tă bơh Brah Yêhôva.

Êsêkiêl 13:16

Khân păng jêng phung nơm mbơh lor Israel mbơh lor lah ma Yêrusalem jêh ri uănh nau tâm saơ đăp mpăn ma ƀon nây ƀiălah mâu geh nau nđăp mpăn ôh, Kôranh Brah Yêhôva lah pônây.”’

Êsêkiêl 13:23

Khân may mâu mra hôm saơ ôh nau tâm saơ ndơm jêh ri mâu lĕ ƀư đŏng nau rƀên. Gâp mra tâm rklaih phung ƀon lan Gâp klaih bơh ti khân may jêh ri rnôk aơ khân may mra gĭt Gâp jêng Brah Yêhôva.’”

Êsêkiêl 13:3

Kôranh Brah Yêhôva lah: ‘Rêh ni ngăn ma phung nơm mbơh lor rluk tĭng brah êng khân păng nơm jêh ri mâu saơ du ntil ndơ ôh!

Êsêkiêl 13:6

Khân păng hŏ saơ jêh nau dơm dam jêh ri ƀư nau ƀŭk rƀên mƀruh. Khân păng lah pô aơ: “Brah Yêhôva lah”, ƀiălah Brah Yêhôva mâu mâp prơh khân păng hăn ôh, pôri khân păng ŭch ma Păng ƀư ăn nau khân păng ngơi jêng nau tât ngăn.

Êsêkiêl 22:28

Phung nơm mbơh lor păng nsut ma klo mhĭng âk ta klơ khân păng ma nau tâm saơ dơm dam jêh ri ƀư nau n'hŭm pol mƀruh. Khân păng ngơi pô aơ: “Aơ jêng nau Kôranh Brah Yêhôva lah” tâm dôl Brah Yêhôva mâu mâp lah ôh.

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Samƀŭt Pôl Njuăl Ăn Ma Phung Nsing Ta Ƀon Rôm 1:21

Yorlah nđâp tơlah hŏ gĭt năl jêh Brah Ndu, khân păng mâu ŭch tâm n'hao prêh ma Păng jêng Brah Ndu ôh jêh ri mâu lah ueh Păng, ƀiălah khân păng ăt mĭn mâu geh kô̆; nuih n'hâm rluk mâl khân păng plơ̆ jêng nau ngo klĕng.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.