Yêrêmi 23:15 - Nau Brah Ndu Ngơi 2023

¹⁵ Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 23:15 Iomraidhean Croise

Nau Mprơ Ơm 69:21

Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Yêrêmi 14:15

Yor nây, Brah Yêhôva lah ntop đŏng: “Bi ma lĕ phung mbơh lor mâu tă bơh Gâp mprơh tât nănh ngơi tâm amoh Gâp ngơi mbơh lor pô aơ ‘mâu mra geh đao jêh ri sa sât ji ngot geh tât ta n'gor aơ’, pôri phung nơm mbơh lor nây yơh bu mra ƀư rai ma đao jêh ri sa sât ji ngot.

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Yêrêmi 9:15

Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Nau Nhĭm Vơl 3:15

Păng hŏ ăn gâp glŏm bêng ma gơ̆ tăng, Rvăn tơm si tăng dĭl ngăn.

Nau Nhĭm Vơl 3:19

“Dăn Kôranh Brah kah gĭt ma nau rngot jêh ri nau rêh gâp nsong mblêng, Knŏng tơm si tăng jêh ri play măt tăng.

Nau Nhĭm Vơl 3:5

Nchueng jŭm gâp, krŭng gâp, Ma nau rngot jêh ri nau rêh ni;

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Mathay 27:34

khân păng ăn ma Păng nhêt ndrănh tâm pot đah play măt tăng; ƀiălah dôl chiăm djê̆, Păng mâu ŭch nhêt ôh.

Nau Vay Nkah Tay 29:18

Nar aơ, lơi ăn geh ôh du huê tâm khân may, nđâp lah bu klâu mâu lah bu ur, nđâp lah rnăk vâl mâu lah ndŭl mpôl geh nuih n'hâm chalơi Yêhôva Brah Ndu he gay pah kan ma lĕ brah bơh phung ƀon lan nây. Tâm khân may lơi dĭng geh du mlâm reh deh play khih jêh ri play tăng.

Nau Tâm Mpơl 8:11

Amoh mănh nĕ jêng Gŭn Tăng. Du kô̆ tâm pe phung dak jêng gŭn tăng; âk bunuyh khĭt jêh yor dak tăng aơ, yorlah păng plơ̆ jêng tăng jêh.