Yêrêmi 23:14 - Nau Brah Ndu Ngơi 2023

¹⁴ Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 23:14 Iomraidhean Croise

Nau Ntơm 13:13

Phung bunuyh Sôdôm djơh mhĭk ngăn jêh ri ƀư tih toyh đah Brah Yêhôva.

Nau Ntơm 18:20

Brah Yêhôva lah: “Nau vơl phong ma ƀon Sôdôm jêh ri Gômôrơ dŭt nteh ngăn, nau tih tâm lĕ ƀon nây dŭt jru ngăn!

Nau Ntơm 19:24

Brah Yêhôva ƀư ăn mih luh mô ŭnh jêh ri ŭnh Brah Yêhôva bơh klơ trôk tŭp ta Sôdôm jêh ri Gômôrơ,

Nau Ntơm 19:25

ƀư rai bar ƀon aơ, lĕ n'gor neh lâng, nđâp ma lĕ rngôch bunuyh gŭ tâm ƀon nây jêh ri dĭng lĕ tơm si gơ̆ rêp hon ta klơ neh.

Êsai 9:15

Yorlah phung têk ndrêng phung ƀon lan aơ hŏ nhhơt trong jêh, Bi phung njŭn khân păng lĕ roh rai jêh.

Yêrêmi 14:14

Brah Yêhôva lah đŏng ma gâp: “Lĕ phung nơm mbơh lor nây hŏ tâm amoh Gâp mbơh lĕ nau mƀruh nchơt. Gâp mâu mâp prơh khân păng hăn ôh, mâu mâp lĕ ntăm nau mâu lah moh nau lah ma khân păng. Khân păng mbơh lor ma khân may tĭng nau tâm mpơl mƀruh, nau ƀŭk rƀên, nau dơm dam, jêh ri nau ndơm luh bơh nuih n'hâm mhĭk khân păng nơm.”

Yêrêmi 18:13

Yor ri, Brah Yêhôva lah: “Ôp hom tâm lĕ bri dak Geh nơm hŏ mâp tăng jêh nau tâm ban pônây lĕ? Bu ur druh Israel Hŏ ƀư du nau mhĭk toyh ngăn.

Yêrêmi 20:16

Ăn ma bunuyh nây tâm ban lĕ rngôch ƀon toyh Brah Yêhôva hŏ ƀư rai jêh mâu djê̆ lê̆ nau yô̆ nđach ôh. Ơm ôi, păng tăng bâr kuăl rklaih; Tât nar nklang bôk, păng tăng troh nter rduh tâm lơh.

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 23:22

Tơlah khân păng dâk tâm nau Gâp tâm rgum, Pôri hŏ mbơh nau Gâp ăn ƀon lan Gâp, Kơl ƀon lan Gâp chalơi trong mhĭk, Jêh ri der ngai lĕ nau ƀư mhĭk.”

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 29:21

“Brah Yêhôva ma phung tahan, Brah Ndu Israel, lah ma Y-Ahap, kon bu klâu Y-Kôlaya, jêh ri ma Y-Sêdêkia, kon bu klâu Y-Maseya, jêng phung mbơh lor nklă mƀruh tâm amoh Gâp, pô aơ: ‘Aơ, Gâp mra jao khân păng tâm ti Y-Nêbukatnetsar, hađăch Babilôn, hađăch nây mra nkhĭt khân păng tanăp măt khân may.’

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Yêrêmi 36:2

“May sŏk hom du ndrom samƀŭt jêh ri nchih ta nây lĕ rngôch nau Gâp hŏ lah jêh đah may ma phung Israel, phung Yuđa, jêh ri ma lĕ rngôch bri dak, ntơm bơh nar Gâp lah jêh ma may bơh rnôk Y-Jôsia kŏ tât nar aơ.

Yêrêmi 49:18

Brah Yêhôva lah: “Nâm bu nau ƀư rai ma ƀon Sôdôm, Gômôrơ jêh ri ƀon chiau meng, Êđôm mâu mra geh bunuyh gŭ rêh đŏng ôh, mâu geh lĕ du huê bunuyh mra hăn tât gŭ ta nây.

Nau Nhĭm Vơl 4:6

Nau tih kon bu ur phung ƀon lan gâp Rlau lơn nau tih Sôdôm Jêng ƀon bu n'glưh ƀât lât dơm, Mâu geh ôh du mpang ti kơl tâm rklaih.

Êsêkiêl 13:16

Khân păng jêng phung nơm mbơh lor Israel mbơh lor lah ma Yêrusalem jêh ri uănh nau tâm saơ đăp mpăn ma ƀon nây ƀiălah mâu geh nau nđăp mpăn ôh, Kôranh Brah Yêhôva lah pônây.”’

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Êsêkiêl 22:25

Phung kôranh mbơh lor păng njêng nchră ta nklang păng nâm bu du mlâm yau mŭr gŭ ngrông dôl grang hêk mpa păng kăp; khân păng sa rvăn lĕ huêng, sŏk ntŭng drăp ndơ jêh ri ndơ khlay; ƀư ăn phung ndrô ntop âk tâm ƀon.

Ndrom Samƀŭt bơh Ôsê 6:10

Tâm ngih Israel, Gâp hŏ saơ du ntil nau ƀơ̆ ngăn; Ta nây, Êphraim ƀư nau ka n'hong, Israel jêng ƀơ̆ ƀơch!

Amôt 4:11

“Gâp hŏ ƀư rai ƀaƀă tâm phung khân may Nâm bu Brah Ndu ƀư rai Sôdôm jêh ri Gômôrơ Jêh ri khân may nâm bu rlŭt ŭnh bu rhuăt bơh ntŭk ŭnh sa, Ƀiălah khân may mâu lĕ ŭch plơ̆ sĭt ma Gâp.” Brah Yêhôva lah.

Mika 1:5

Lĕ rngôch nau nây jêng yor nau Yakôb ƀư tih Jêh ri yor nau tih ngih Israel. Moh nau Yakôb ƀư tih? Mâm mâu di jêng ƀon Samari? Moh ndơ lĕ ntŭk prêh bơh phung Yuđa? Mâm mâu di jêng ƀon Yêrusalem?

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Malachi 1:1

Nau mbơh lor bơh Brah Yêhôva lah ma phung Israel tă bơh Y-Malachi.

Mathay 11:24

Yor ri, Gâp lah ma khân may, tâm nar phat dôih, ƀon Sôdôm mra geh nau tâm rmal n'gơch lơn khân may.”

Nau Vay Nkah Tay 32:32

Tơm krăk ƀâu khân păng sŏk ntil tă bơh ƀon Sôdôm, Tă bơh mir ƀon Gômôrơ; Pôri play krăk ƀâu khân păng jêng play khih, Rkŭm krăk ƀâu bêng play tăng.

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.

II Pêtrôs 2:6

tơlah Păng tâm rmal lĕ ƀon Sôdôm jêh ri ƀon Gômôrơ, ƀư ăn khân păng jêng mbŭch ŭnh buh gay ƀư leo trong ma phung bunuyh ŭch gŭ rêh mâu geh nau rêh;

Yuđas 1:7

Nâm bu ƀon Sôdôm, ƀon Gômôrơ jêh ri ƀon văr jŭm ƀư đŏng tâm ban ma khân păng, mƀơk khân păng nơm lăp tâm lĕ nau văng tĭr jêh ri nchuăt tĭng nau nglay săk ŭch mâu tâm di, khân păng dơn nau tâm rmal ma ŭnh sa n'ho ro gay nti ma he.

Nau Tâm Mpơl 11:8

Săk jăn bar hê khân păng mra gŭ tâm trong ƀon toyh, rnha tĭng tâm nau hôr jêng ƀon Sôdôm jêh ri n'gor Êjipt, jêng ntŭk bu pâng kđĭn Kôranh Brah khân păng ta si tâm rkăng.

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.