Yêrêmi 23:10 - Nau Brah Ndu Ngơi 2023

¹⁰ Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 23:10 Iomraidhean Croise

Êsra 10:18

Tâm noi phung kôranh ƀư brah ăt geh phung hŏ nsông jêh ur bu năch. Tâm noi deh Y-Jêsua, kon Y-Jôsadak, jêh ri tâm phung oh mâu păng geh Y-Maseya, Y-Êliêser, Y-Jarip jêh ri Y-Gêdalia.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Êsai 24:6

Yor nây, nau rak rtăp sa rvăn neh, Phung ƀon lan klơ păng krêp nau tih. Yor nây phung gŭ tâm neh ŭnh sa, Knŏng hôm klen djê̆ bunuyh.

Êsai 5:18

Rêh ni ngăn ma phung dŏng rse nau kue đŏt nau mhĭk, Nâm bu rse brăt mphâk ndeh đŏt leo nau tih.

Yêrêmi 12:11

Khân păng hŏ ƀư ăn ma neh nây jêng rngol, rai lĕ; Păng vah vơl ma Gâp. Lĕ rngôch n'gor jêng rngol da dê, Ƀiălah mâu geh bunuyh mĭn tât ôh.

Yêrêmi 14:2

“N'gor Yuđa gŭ tâm nau klâng ndrê, Mpông ƀon lĕ rai; Phung ƀon lan nhĭm vơl da dê ăn ma ntŭk nây, Jêh ri tăng bâr ƀon Yêrusalem kuăl.

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:12

Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Yêrêmi 9:2

Ơ! ndă lah gâp geh du ntŭk njưh Tâm bri rdah, Gay gâp chalơi phung ƀon lan gâp Du ngai bơh khân păng. Yorlah khân păng jêng phung văng tĭr da dê, Jêng mpôl ndơm.

Ndrom Samƀŭt bơh Ôsê 7:4

Lĕ rngôch khân păng jêng phung văng tĭr da dê, Nâm bu năk ŭnh gŭch nđông ƀănh ŭnh sa, Phung gŭch nđông ƀănh rlu ntrôt ŭnh Ntơm bơh piăch rnih kŏ tât nôk rnih ră ndrui.

Yôel 1:10

Mir ba lĕ rai jêh, Bri neh klâng rngot, yorlah ba ƀlê rai jêh; Ndrănh mhe hŏ suăt jêh, dak ngi ăt mâu hôm geh lĕ.

Kan Lêvi 5:1

“Lah du huê ƀư tih yor păng mâu ŭch mbơh du nau kan păng hŏ saơ jêh mâu lah lĕ gĭt, nđâp lah bu đă păng ngơi nau ton ma nau păng saơ nây, pôri păng mra tuy nau tih păng nơm.

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

I Timôthê 1:10

ma phung văng tĭr jêh ri bu klâu ndrăng bu klâu, bu ur ndrăng bu ur, ma phung tăch rgâl bunuyh, ma phung ngơi mƀruh, ma phung ngơi nchơt jêh ri lĕ nau êng tâm rdâng đah nau di nau sŏng ngăn.

ហេឞ្រើ 13:4

Ăn lĕ rngôch bunuyh yơk ma nau tâm gŭ ur sai, lơi ƀư ƀơ̆ ƀơch ma sưng bê̆ch ur sai; yorlah Brah Ndu mra tâm rmal phung tâm lâm jêh ri phung văng tĭr.

Yakơ 4:4

Nĕ lĕ bunuyh văng tĭr ri! Khân may mâu gĭt hĕ ƀư băl đah neh ntu jêng tâm rlăng đah Brah Ndu? Yor nây, mbu nơm ŭch ƀư băl đah neh ntu, bunuyh nây jêng nơm rlăng đah Brah Ndu.