Yêrêmi 22:6 - Nau Brah Ndu Ngơi 2023

⁶ Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 22:6 Iomraidhean Croise

Nau Ntơm 37:25

Nôk phung nâu Y-Yôsep dôl hôm gŭ sông sa, khân păng n'gơr măt uănh jêh ri saơ du phung tăch drăp Ismaêl văch tă bơh Gilêat. Seh samô khân păng rdeng bêng ndơ ƀâu kah, dak si ƀâu kah jêh ri dak si tăng trŭnh let Êjipt.

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Mprơ Ueh 4:1

Hơi nơm gâp rŏng, ay ueh reh ngăn, Ay dŭt ueh reh ngăn! Măt ay nâm bu kôp sĭm plŭk Nde pakơi bok nkŭm măt; Sŏk ay nâm bu phung be Nsăt ta lô̆ ta jŭr sop Gilêat.

Nau Mprơ Ueh 5:15

Kôp jâng păng nâm bu kôp meh n'gâng lŭ marbrơ nglang N'gân ta klơ ndơl mah; Nau rom păng jêng nâm bu yôk Liban, Ndrêh ueh nâm bu tơm si sêdar.

Êsai 27:10

Yorlah ƀon nâp hŏ jêng rngot njăp jêh, Ntŭk gŭ bu rngol jêh ri bu chuêl tâm ban ma bri rdah. Kon ndrôk mra sa gơ̆ ta nây, Bê̆ch jêh ri sa lĕ n'gĭng si ta nây.

Êsai 37:24

May prơh jêh phung oh mon may mưch rmot ma Kôranh Brah, May lah: “Ma ndeh seh gâp âk ir, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban. Gâp mra kăl lĕ tơm si sêdar prêh lơn, Jêh ri lĕ tơm si chiprơ dŭt ueh lơn. Gâp mra tât ta ntŭk ngai Tâm bri krŏng tơm si dŭt pŭm.

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 21:11

Ma ngih hađăch Yuđa, may ngơi hom: ‘Iăt hom nau Brah Yêhôva ngơi.

Yêrêmi 21:14

Brah Yêhôva lah: “Gâp mra tâm rmal khân may tĭng nâm kan khân may ƀư, Gâp mra sŭnh ŭnh tâm bri, Ŭnh mra sa lĕ rngôch ndơ gŭ văr jŭm păng.”

Yêrêmi 22:24

Brah Yêhôva lah: “Nâm bu Gâp gŭ rêh mro mrăng, nđâp lah Y-Jêhôjakin, kon bu klâu Y-Jêhôjakim, hađăch Yuđa, jêng rgên chrăk ta ti ma Gâp, Gâp ăt doh lơi may.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 4:20

Nau ji tưp lơ hâu nau ji tưp, Lam n'gor rai ƀhiau. Vâl bok gâp ƀât lât bu ƀư rai lĕ, Bok nchăng sat lĕ tâm ƀât lât.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 50:12

Yor nây mê̆ khân may mra prêng ngăn, Bu deh ma khân may mra bêk prêng ngăn ngên. Ri, păng jêng nglĕ dŭt tâm lĕ bri dak, Du bri rdah, du bri kro đang, du ntŭk rngol.

Yêrêmi 7:34

Aƀaơ, Gâp mra ƀư lĕ ƀon Yuđa jêh ri rŏ trong Yêrusalem rlu bâr troh răm maak, bâr bu klâu ntơm nsông ur jêh ri bâr bu ur nđăp ma sai, yorlah neh aơ mra jêng ntŭk rngol.”

Yêrêmi 8:22

Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Sakari 11:1

Hơi bri Liban, ăn may pơk lĕ mpông, Ăn ŭnh sa lĕ tơm si sêdar may!

Nau Kơp Bunuyh 32:1

Phung kon sau Ruben jêh ri phung kon sau Gat geh âk mpôl mpô mpa rong. Khân păng saơ n'gor Jaser jêh ri n'gor Gilêat jêng ntŭk ueh ma nau rong chiăp mpô mpa rong.

Nau Vay Nkah Tay 3:25

Gâp dăn ma Kôranh Brah ăn gâp dơi vay hăn rgăn jêh ri saơ n'gor ueh, n'gor klơ dor yôk ueh nây jêh ri dor Liban mpeh đah ri dak krong Yurdan.’