Yêrêmi 22:3 - Nau Brah Ndu Ngơi 2023

³ Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 22:3 Iomraidhean Croise

II Samuel 23:3

Brah Ndu phung Israel hŏ ngơi jêh, Lŭ Toyh phung Israel hŏ lah jêh ma gâp: ‘Tơlah du huê chiă uănh bunuyh ma nau sŏng, Chiă uănh ma nau klach yơk ma Brah Ndu

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

Ndrom Samƀŭt bơh Yôp 22:9

Phung bu ur ndrô may mprơh sǐt ti dơm, Phung kon đơi may chalơi mâu hôm geh ntŭk nsing rnơm.

Ndrom Samƀŭt bơh Yôp 24:9

Phung ƀai pĭt sŏk nuyh kon đơi mbơ̆ dôl pu toh mê̆; Nhŭp kon bê phung o ach ƀư ndơ nchăm.

Nau Mprơ Ơm 68:5

Brah Ndu gŭ ntŭk kloh ueh Păng, Jêng mbơ̆ ma phung kon đơi jêh ri Nơm N'gang ma bu ur ndrô.

Nau Mprơ Ơm 82:4

Tâm rklaih hom phung rdja jêh ri phung pưt kƀah, Tâm rklaih khân păng bơh ti phung mhĭk.”

Nau Mprơ Ơm 94:21

Khân păng tâm rgum gay ƀư mhĭk ma nau rêh bunuyh sŏng srăng Jêh ri tâm rmal nkhĭt phung mâu geh nau tih.

Nau Mprơ Ơm 94:6

Khân păng tâm rmot phung bu ur ndrô jêh ri bu năch, Nkhĭt lơi phung kon đơi.

Nau Ngluh Êjipt 22:21

May lơi ƀư mhĭk mâu lah tŭn jot ma phung bu năch, yorlah khân may hŏ tă jêng jêh phung bu năch tâm n'gor Êjipt.

Nau Ngluh Êjipt 22:22

Khân may lơi tŭn jot ôh du huê bu ur ndrô mâu lah ma du huê kon đơi.

Nau Hôr 23:10

Lơi ta trơn ôh jrŏng n'har neh ơm kăl e, Jêh ri lơi ta in ôh mir phung kon đơi;

Nau Hôr 6:17

Măt sưr rlau, mpiăt nchơt, Ti ƀư pling mham bunuyh mâu geh nau tih,

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 58:6

Mâu di hĕ nau ât sông sa Gâp săch, nây jêng: Doh lơi lĕ rse rvăk nau ƀai, Doh lơi rse kât mâng mbăk, Ăn jêng kon me phung bu tŭn jot, Jêh ri nkê̆ch lơi ăp mâng mbăk?

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 22:17

Ƀiălah măt jêh ri nuih n'hâm may Knŏng ŭch sŏk drăp nkhôm ma nau mâu sŏng, Ƀư pling mham nơm mâu geh tih ôh, Ƀư nau tŭn jot jêh ri djơh mhĭk.’”

Yêrêmi 26:16

Lĕ rngôch phung kôranh jêh ri lĕ rngôch phung ƀon lan lah ma phung kôranh ƀư brah jêh ri lĕ phung nơm mbơh lor pô aơ: “Bunuyh aơ mâu khư ma khĭt ôh, yorlah păng nây tâm amoh Yêhôva Brah Ndu he ngơi jêh đah he.”

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Yêrêmi 7:23

Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

Nau Nhĭm Vơl 3:36

Gay ƀư nau mhĭk ăn ma bunuyh tâm nau phat dôih, Kôranh Brah mâu sŏk dơn ôh.

Êsêkiêl 18:12

tŭn jot phung o ach mâu geh ndô ndơ, ntŭng ndơ bu, mâu mplơ̆ ôh ndơ nchăm ăn ma nơm geh rnon, kâp gân ma phung rup brah jêh ri ƀư ma nau ƀơ̆ ƀơch,

Êsêkiêl 18:7

mâu tŭn jot bu ôh ƀiălah mplơ̆ sĭt ndơ nchăm ăn ma nơm geh rnon; mâu ntŭng ôh ndơ bu ƀiălah ăn piăng let ma nơm ji ngot jêh ri sâm nsoh bok ao ăn ma nơm rhôk;

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Êsêkiêl 45:9

Kôranh Brah Yêhôva lah: ‘Hơi phung hađăch Israel, găp jêh khân may ƀư pônây! Chalơi hom nau ƀư djơh jêh ri tŭn jot, ƀư hom nau sŏng, nau di. Rlu hom nau pit in drăp ndơ ƀon lan Gâp, Kôranh Brah Yêhôva Brah lah pônây.’”

Yôel 3:19

N'gor Êjipt mra plơ̆ jêng rngol, Êđôm mra jêng bri rdah lĕ rai; Yorlah khân păng ƀư nau ƀai ma phung ƀon lan Yuđa Jêh ri khân păng ƀư pling mham mâu geh tih ôh tâm bri khân păng.

Kan Lêvi 19:15

Khân may mâu dơi ƀư nau mâu sŏng tâm nau phat dôih; mâu gŭ nding mpeh ma nơm o ach mâu lah yơk phung geh nau kan toyh, ƀiălah phat dôih hom phung chiau meng khân may ma nau sŏng.

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Amôt 5:24

Ƀiălah ăn nau sŏng hoch nâm bu dak, Jêh ri nau sŏng srăng nâm bu dak krong toyh hoch thăng ƀaƀơ.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Nau Vay Nkah Tay 10:18

Păng ƀư nau di ma phung kon đơi, ma bu ur ndrô, rŏng ma bunuyh gŭ njưh ƀât lât, ăn ma khân păng piăng let sa jêh ri bok ao nsoh.

Nau Vay Nkah Tay 24:17

Khân may mâu dơi ôh gŭ ngao mâu sŏng đah nơm gŭ njưh ƀât lât mâu lah kon se kon đơi, jêh ri kŏ mâu đŏng sŏk bok ao bu ur ndrô jêng ndơ nchăm.

Nau Vay Nkah Tay 24:7

Tơlah bu saơ du huê bunuyh nhŭp ntŭng du huê oh nâu păng tâm phung ƀon lan Israel, jêh ri djôt sĭt ƀư dĭk mâu lah tăch lơi, pôri bunuyh nhŭp ntŭng nây mra khĭt. Pônây khân may mra ƀư rai lơi nau djơh mhĭk bơh khân may.

Nau Vay Nkah Tay 25:1

“Lah lĕ bar đah geh nau tâm rlăch jêh ri khân păng hăn ma nau phat dôih pôri phung kôranh phat dôih mra ngơi an dôih ma khân păng: Mbơh nau sŏng srăng ma bunuyh geh nau sŏng srăng jêh ri mbơh nau tih ma bunuyh geh nau tih.

Nau Vay Nkah Tay 27:19

‘Di ma rak rtăp ma nơm nsak nkhăng nau di ma nơm gŭ njưh ƀât lât, ma bunuyh kon đơi, jêh ri ma bu ur ndrô!’ Ăn lĕ rngôch phung ƀon lan mra plơ̆ lah: ‘Amen!’

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.