Yêrêmi 22:26 - Nau Brah Ndu Ngơi 2023

²⁶ Gâp mra mprơh may jêh ri me deh ma may tâm bri êng, mâu di jêng ntŭk tâp sok koh klŏ may ôh, jêh ri may mra khĭt ta nĕ.

Yêrêmi 22:26 Iomraidhean Croise

II Phung Hađăch 24:15

Păng njŭn leo Y-Jêhôjakin ma ƀon Babilôn ndrel ma mê̆ hađăch, phung ur hađăch, phung kôranh bu char, phung geh nau ktang lơn tâm n'gor bri,

II Phung Hađăch 24:8

Y-Jêhôjakin ntơm jêng hađăch tơlah geh jât ma pham năm, jêh ri chiă uănh pe khay ta ƀon Yêrusalem. Amoh mê̆ păng jêng H'Nêhusta, kon bu ur Y-Êlnathan bơh Yêrusalem.

II Phung Hađăch 25:27

Tâm nar bar jât ma pơh khay jât ma bar, năm rơh pe jât ma pơh ntơm bơh nar Y-Jêhôjakin, hađăch Yuđa, jêng bu nă, jêng năm Y-Êvil-Mêrôdak, hađăch Babilôn ntơm chiă uănh, hađăch nây yô̆ an ma Y-Jêhôjakin, hađăch Yuđa, njŭn leo luh bơh ndrung bu nă.

II Phung Hađăch 25:29

Hađăch Babilôn doh lơi ao ndrung Y-Jêhôjakin jêh ri ăn păng sông sa ta sưng sông hađăch lĕ rnôk rô̆ păng gŭ rêh.

II Phung Hađăch 25:30

Ăp nar, hađăch Babilôn ƀơk pă ƀaƀơ kô̆ ndơ păng sông sa kŏ tât păng khĭt.

Êsai 22:17

Ơ bunuyh ktang! Aơ, Brah Yêhôva mra kuăn nâp may, jêh ri mƀăr may dŭt ngai,

Yêrêmi 10:18

Yorlah Brah Yêhôva lah pô aơ: “Ri, tơ̆ aơ Gâp mra mƀăr lơi bunuyh ƀon lan tâm neh aơ hăn ngai, Gâp mra ăn khân păng rêh ni, Gay khân păng kah gĭt.”

Yêrêmi 13:18

Lah hom ma hađăch jêh ri mê̆ hađăch pô aơ: “Dăn trŭnh bơh sưng hađăch gŭ tâm dâng neh, Yorlah đon hađăch chrêk lơp Hŏ tŭp bơh bôk lĕ bunuyh jêh.”

Yêrêmi 16:13

Yor ri, Gâp mra ngluh khân may bơh bri aơ, klŭp khân may jêh ri phung chô yau khân may ta du n'gor mâu mâp gĭt ôh. Ntŭk nây, khân may mra nar măng pah kan ma lĕ brah êng; yorlah Gâp mâu mra ăn đŏng nau ueh ma khân may ôh.’”

Yêrêmi 22:27

Bi ma ntŭk neh huêng khân păng ŭch plơ̆ sĭt, mâu mra dơi plơ̆ sĭt.”

Yêrêmi 28:4

Brah Yêhôva lah: ‘Gâp mra njŭn sĭt Y-Jêkônia, kon bu klâu Y-Jêhôjakim, hađăch Yuđa, jêh ri lĕ rngôch phung Yuđa jêng bu nă hăn gŭ jêh tâm bri Babilôn, ăt plơ̆ sĭt tâm ntŭk aơ, yorlah Gâp nkê̆ch lơi mâng mbăk hađăch Babilôn.’”

Yêrêmi 29:2

Samƀŭt nchih pakơi hađăch Jêkônia, mê̆ hađăch, lĕ phung kôranh bu char, lĕ phung kôranh Yuđa jêh ri Yêrusalem, phung blau rhăk jêh ri nơm chiăr bu hŏ njŭn jêh tă bơh Yêrusalem.

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”