Yêrêmi 22:20 - Nau Brah Ndu Ngơi 2023

²⁰ Hao hom nâm Liban jêh ri lŭng nter, Sŏk hom bâr nter vơl ta klơ bri Basan; Kuăl nter klơ yôk ntŭk Abarim! Yorlah lĕ rngôch phung may rŏng lĕ rai lôch da dê.

Yêrêmi 22:20 Iomraidhean Croise

II Phung Hađăch 24:7

Hađăch Êjipt mâu hôm du luh tă bơh n'gor bri păng ôh, yorlah hađăch Babilôn pit sŏk jêh lĕ rngôch n'gor jêng ndơ hađăch Êjipt, ntơm bơh dak n'hor Êjipt tât ma dak krong Ơphrat.

Êsai 57:13

Lah may kuăl rklaih, ăn phung rup brah may tâm rklaih khân may! Sial mra khôm rdu phung brah nây, Du n'hâm nsôr mra sŏk rdu lơi lĕ rngôch khân păng. Ƀiălah mbu nơm du krap tâm Gâp mra dơn bri neh nây, Jêh ri mra dơn yôk kloh ueh Gâp ƀư drăp ndơn.

Yêrêmi 2:25

Njrăng hom jâng may mâu hăn jâng dơm, Trô ko may mâu geh ji hir! Ƀiălah may lah: ‘Mâu khlay ôh! Gâp hŏ ŭch rŏng phung brah bu năch Jêh ri mra tĭng khân păng.’

Yêrêmi 2:36

Mâm dĭng may dơi rgâl trong may Ngăch nâm pônây? Mâm may hŏ prêng đah phung Asiri, Ăt mra prêng đah Êjipt tâm ban lĕ.

Yêrêmi 2:37

Tă bơh ntŭk nây, may mra kuăn ti ta klơ bôk Hăn luh du, Yorlah Brah Yêhôva mƀăr lơi jêh ma phung bunuyh may nsing, Khăn păng mâu mra ƀư ăn may dơi ndrŏng.”

Yêrêmi 22:22

Sial mra đô̆ rdu lĕ rngôch phung rmăk biăp may, Phung may rŏng mra hăn jêng bu nă; Nôk nây, may mra prêng jêh ri uh ah Yor lĕ rngôch nau mhĭk may.

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 4:30

Bi may, hơi nơm rai yot, mâm may mra ƀư? Nđâp tơlah may nsoh ao chăng, văn ndơ nkrơ̆ đah mah, Sŏk dak ôch mhĭng măt may ăn huy, Nkrơ̆ ăn ueh, ăt mâu geh nau khlay ôh. Lĕ bunuyh rŏng may ăt mưch may, Joi nau ŭch nkhĭt may.

Nau Nhĭm Vơl 1:19

Gâp hŏ kuăl jêh phung rŏng ma gâp Ƀiălah khân păng ndơm gâp; Phung kôranh ƀư brah jêh ri phung bu ranh Hŏ khĭt jêh tâm ƀon, Dôl khân păng joi ndơ sông sa Gay geh plơ̆ tay n'hâm suan.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Êsêkiêl 23:22

Yor nây, Hơi H'Ôhôliba, Kôranh Brah Yêhôva lah: ‘Aơ, Gâp mra nsônh phung tĭr nây nuih n'hâm ay lĕ dĭl jêh, tâm rdâng đah ay jêh ri Gâp leo khân păng văch rduh lơh ay tă bơh puăn mpeh:

Êsêkiêl 23:9

Yor ri, Gâp jao jêh păng tâm ti phung tĭr păng, jêng tâm ti phung Asiri ma phung păng rŏng.

Êsêkiêl 27:6

Sŏk tơm si guyh tă bơh bri Basan Ƀư rnai vah ma may; Sŏk tơm si n'ho tă bơh gôl dak Kitim Ƀư kađar ntă, Jêh ri mblum ma la rveh.

Nau Kơp Bunuyh 27:12

Brah Yêhôva lah ma Y-Môis: “Hăn hao hom yôk Abarim aơ jêh ri n'gơr uănh n'gor Gâp ăn jêh ma phung ƀon lan Israel.

Nau Vay Nkah Tay 32:49

“Hao hom ta klơ yôk Abarim, klơ n'gơn yôk Nêbô tâm n'gor Môap, tâm tra đah ƀon Yêrikô, jêh ri uănh hom tât n'gor Kanaan jêng n'gor Gâp ăn ma phung ƀon lan Israel jêng drăp ndơn.