Yêrêmi 22:16 - Nau Brah Ndu Ngơi 2023

¹⁶ Păng phat dôih ma nau sŏng ăn ma phung o ach jêh ri phung pưt kƀah, Pôri dơi geh nau ndrŏng ktang. Brah Yêhôva lah: ‘Mâu di hĕ nâm bu pônây jêng nau gĭt năl ma Gâp?

Yêrêmi 22:16 Iomraidhean Croise

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

Nau Mprơ Ơm 109:31

Yorlah May gŭ râng mpeh pa ma nơm pưt kƀah, Gay tâm rklaih nau rêh khân păng, bơh phung tâm rmal.

Nau Mprơ Ơm 36:10

Dăn May ăn nau ueh ma phung gĭt năl May Jêh ri ăn nau sŏng srăng May ma phung geh nuih n'hâm sŏng.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Hôr 31:9

Hă hom trôm mbung may, phat dôih ma nau sŏng, Mât an nau di ma phung o ach rêh ni.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Yêrêmi 9:16

Gâp mra ƀư ăn khân păng nchah rai pru pra ta nklang ndŭl mpôl bunuyh khân păng jêh ri phung chô yau khân păng mâu mâp gĭt; Gâp hôm njuăl tak đao hăn tĭng kŏ tât hŏ ƀư rai khân păng.”

Yêrêmi 9:24

Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 17:6

Gâp hŏ tâm mpơl jêh amoh Mbơ̆ ma phung bunuyh Mbơ̆ ăn ma Kon ta nklang neh ntu nây. Khân păng jêng ndơ Mbơ̆, Mbơ̆ ăn khân păng ma Kon, jêh ri khân păng hŏ djôt prăp nau Mbơ̆ ngơi.

Yôhan 8:19

Yor ri, khân păng ôp Brah Yêsu: “Mbah ntŭk Mbơ̆ May?” Brah Yêsu plơ̆ lah: “Khân may mâu gĭt Gâp ôh, mâu đŏng gĭt Mbơ̆ Gâp. Lah khân may gĭt năl Gâp ri mơ gĭt đŏng Mbơ̆ Gâp.”

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

I Samuel 2:2

Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.