Yêrêmi 22:14 - Nau Brah Ndu Ngơi 2023

¹⁴ Păng lah: ‘Gâp mra ndâk du mlâm ngih toyh, Ndrel ma âk jrô huy.’ Jêh nây păng ƀư âk mpông bloh, Mpir ndop ma tơm si sêdar, Jêh ri mhĭng nhom ma dak êr chăng.

Yêrêmi 22:14 Iomraidhean Croise

II Samuel 7:2

pôri hađăch ngơi đah nơm mbơh lor Y-Nathan: “Uănh hom, gâp gŭ tâm ngih hađăch ƀư ma tơm si sêdar, ƀiălah Hip Nau Tâm Rnglăp Brah Ndu gŭ tâm ngih bok.”

II Nau Rêh Jêng 3:5

Jrô toyh ngih brah păng ƀư ma tơm si sêdar jêh ri mblum ma mah chrêk, nkrơ̆ rup tơm đung jêh ri rse rvăk ta klơ.

Nau Hôr 17:19

Mbu nơm kơnh tâm djrel, kơnh ma nau tih; Mbu nơm ƀư mpông ăn prêh, tĭng joi nau rlâm.

Nau Hôr 24:27

Đăp mpăn hom nau kan padih may, Jêh ri ndrăp lor lĕ nau kan tâm mir may; Jêh nây ndâk hom ngih may.

Nau Mprơ Ueh 1:17

Lĕ njon chor ngih he ƀư ma tơm si sêdar da dê, Kađar mpet mpir ƀư ma tơm n'ho.

Êsai 9:9

“Glo neh uk rlâm jêh, Ƀiălah he mra rdâk tay ma lŭ khlay; Bu kăl chôt jêh tơm sikamôr, Ƀiălah he mra ntrok ma tơm Sêdar ta ntŭk khân păng.”

Êsêkiêl 23:14

Păng lơ hô ƀư nau văng tĭr lơn đŏng dôl păng saơ lĕ rup bunuyh trah jêh ta klơ mpêr ƀon, lĕ rup brah phung Kaldê mhĭng ma dak chăng,

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Amôt 6:8

Kôranh Brah Yêhôva jêng Brah Ndu ma phung tahan; Kôranh Brah Yêhôva sơm ton Păng Nơm lah pô aơ, “Gâp tâm rmot ma phung Yakôb sưr jêh ri tâm rmot ma ngih nâp păng. Gâp mra jao ƀon toyh aơ jêh ri lĕ rngôch ndơ tâm păng ma phung rlăng.”

Ndrom Samƀŭt bơh Agê 1:4

“Aƀaơ di lĕ jêng nôk khân may gŭ tâm trôm ngih ndop klơ ma kađar, dôl ngih aơ hôm e rlâm rai?

Malachi 1:4

Tơlah phung Êđôm lah: “Hên lĕ rai jêh, ƀiălah hên mra plơ̆ sĭt đŏng ndâk tay ta ntŭk lĕ rlâm rai jêh,” pôri Brah Yêhôva ma phung tahan lah pô aơ: “Khân păng mra ndâk đŏng ƀiălah Gâp mra ƀư rlâm lơi, bu mra ntơ khân păng jêng N'gor Bri Djơh Mhĭk, jêng phung ƀon lan Brah Yêhôva ji nuih n'ho ro.”