Yêrêmi 22:13 - Nau Brah Ndu Ngơi 2023

¹³ Rêh ni ngăn ma nơm ndâk ngih păng ma nau kue, Ndâk jrô ma nau mâu sŏng; Dŏng bunuyh chiau meng pah kan dơm dam hĕ, Mâu lĕ nkhôm kan ăn ma khân păng.

Yêrêmi 22:13 Iomraidhean Croise

II Nau Rêh Jêng 36:4

Jêh nây, hađăch Êjipt ăn Y-Êliakim oh păng jêng hađăch chiă uănh n'gor Yuđa jêh ri ƀon Yêrusalem, jêh ri rgâl amoh săk păng jêng Y-Jêhôjakim. Hađăch Nêkô nhŭp Y-Jêhôahas, nâu Y-Jêhôjakim, djôt leo sĭt ma n'gor bri Êjipt.

II Nau Rêh Jêng 36:5

Y-Jêhôjakim ntơm jêng hađăch tơlah geh bar jât ma prăm năm, jêh ri chiă uănh jât ma nguay năm ta ƀon Yêrusalem. Păng ƀư nau mhĭk tanăp măt Yêhôva Brah Ndu păng.

Ndrom Samƀŭt bơh Yôp 31:39

Tơlah gâp sa play păng ƀiălah mâu mplơ̆ prăk, Ăn nau khĭt ăn ma nơm tơm păng,

Êsai 5:8

Rêh ni ngăn ma phung ntop ngih lăp tâm ngih, Ntop lŏ lăp tâm lŏ, Kŏ tât mâu hôm geh ntŭk hŏng, Jêh ri khân may gŭ êng ta nklang bri!

Yêrêmi 17:11

Nơm ƀư ndrŏng mâu geh nau sŏng, Tâm ban ma sĭm tat-ta păn tăp sĭm êng mâu di păng nơm deh ôh; Tât n'gul nau rêh, drăp ndơ du lĕ, Jêh ri nglĕ dŭt nau rêh knŏng hôm jêng nơm rluk.

Yêrêmi 22:18

Yor nây, ma nau Y-Jêhôjakim, kon bu klâu Y-Jôsia, hađăch Yuđa, Brah Yêhôva lah: “Bu mâu mra nhĭm vơl ôh ma păng: ‘Ơ nâu, nâu gâp ơi!’ mâu lah ‘Ơ yuh, yuh gâp ơi!’ Bu mâu lĕ klâng rngot ma păng: ‘Ơ kôranh, kôranh gâp!’ Mâu lah ‘Ơ nau chrêk rmah, nau chrêk rmah păng!’

Kan Lêvi 19:13

Mâu dơi tŭn jot nơm chiau meng khân may nơm, mâu đŏng ntŭng ndơ khân păng. Lơi dĭng mâu ăn prăk ma bunuyh kan nkhôm tâm ngih khân may kŏ tât ôi taơ.

Mika 3:10

Khân may sŏk mham ndâk ƀon Siôn Jêh ri sŏk nau djơh mhĭk ndâk ƀon Yêrusalem,

Habakuk 2:12

Rêh ni ma nơm sŏk mham ndâk ƀon, Jêh ri sŏk nau djơh mhĭk ndâk njêng ƀon toyh!

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Nau Vay Nkah Tay 15:13

Lah ăn kon me ma khân păng khân may lơi ta ăn khân păng hăn luh ti dơm ôh.

Yakơ 5:4

Aơ, prăk nkhôm phung rek ba nkhôm tâm lôk mir khân may, khân may ntŭng prăp ma khân may nơm, dôl lŭng nter; jêh ri bâr nteh phung rek nây hao tât ta tôr Kôranh Brah geh lĕ nau brah.