Yêrêmi 22:11 - Nau Brah Ndu Ngơi 2023

¹¹ Yorlah Yêhôva lah ma Y-Salum, kon bu klâu Y-Jôsia hađăch Yuđa, nơm chiă uănh thoi ntrok mbơ̆ păng jêng Y-Jôsia, jêh ri jêng bunuyh hŏ du jêh bơh ntŭk aơ nâm bu pô aơ: ‘Hađăch nây mâu mra plơ̆ ta nĕ đŏng ôh,

Yêrêmi 22:11 Iomraidhean Croise

II Phung Hađăch 23:29

Tâm rnôk rô̆ Y-Jôsia, Pharaôn Nêkô, hađăch Êjipt, hăn hao lơh hađăch Asiri ta bơh dak krong Ơphrat. Hađăch Jôsia leo phung tahan păng hăn tâm lơh. Ƀiălah Pharaôn Nêkô lĕ saơ jêh Y-Jôsia, nkhĭt ro păng ta ƀon Mêgidô.

II Phung Hađăch 23:30

Bơh ƀon Mêgidô, phung oh mon Y-Jôsia rdeng săk jăn khĭt păng tâm ndeh seh plơ̆ sĭt ma ƀon Yêrusalem, jêh nây bu tâp păng tâm môch păng nơm. Phung ƀon lan păng tâm n'gor săch Y-Jôacha, kon hađăch Jôsia, tŏ dak ƀâu kah ma păng, jêh ri njêng păng ƀư hađăch chiă uănh thoi ntrok mbơ̆ păng.

II Phung Hađăch 23:31

Y-Jôacha ntơm jêng hađăch ta lah geh bar jât ma pe năm, jêh ri păng chiă uănh pe khay ta ƀon Yêrusalem. Amoh mê̆ păng jêng H'Hamutal, kon bu ur Y-Yêrêmi ta Lipna.

II Phung Hađăch 23:34

Pharaôn Nêkô njêng Y-Êliakim, du huê kon Y-Jôsia, gŭ ta sưng hađăch chiă uănh thoi ntrok mbơ̆ păng; Pharaôn rgâl amoh Y-Êliakim jêng Y-Jêhôjakim. Ƀiălah bu nhŭp Y-Jôacha djôt leo sĭt ma n'gor bri Êjipt jêh ri păng khĭt ta nây.

I Nau Rêh Jêng 3:15

Phung kon bu klâu Y-Jôsia: Y-Jôhanan jêng kon bu klâu bôk rah, Y-Jêhôjakim jêng kon rơh bar, Y-Sêdêkia jêng kon rơh pe, Y-Salum jêng kon rơh puăn.

II Nau Rêh Jêng 28:12

Nôk nây, geh đŏng ƀaƀă tâm phung kôranh chiă uănh bơh Êphraim nâm bu Y-Asaria kon bu klâu Y-Jêhôhanan; Y-Bêrêkia kon bu klâu Y-Mêsilêmôt; Y-Jêhiskia kon bu klâu Y-Salum; jêh ri Y-Amasa kon bu klâu Y-Hadlai, dâk tâm rdâng đah phung plơ̆ sĭt tă tâm lơh.

II Nau Rêh Jêng 34:22

Y-Hilkia jêh ri lĕ phung hađăch hŏ đă, hăn mâp ma H'Hulda nơm mbơh lor bu ur jêng ur Y-Salum, nơm chiă mât jrô prăp bok ao, kon bu klâu Y-Tôkhat, sau Y-Hasra. Bu ur nây gŭ tâm nkual mrô bar ta ƀon Yêrusalem. Khân păng ngơi đah bu ur nây tĭng nâm nau hađăch hŏ lah jêh.

Yêrêmi 22:27

Bi ma ntŭk neh huêng khân păng ŭch plơ̆ sĭt, mâu mra dơi plơ̆ sĭt.”

Sôphôni 1:1

Tâm rnôk Y-Jôsia, kon bu klâu Y-Amôn, hađăch n'gor Yuđa, geh nau Brah Yêhôva lah ma Y-Sêphania, kon bu klâu Y-Kusi, sau Y-Gêdalia, se Y-Amaria săn Y-Hêsêkia.