Yêrêmi 22:10 - Nau Brah Ndu Ngơi 2023

¹⁰ Lơi ta nhĭm ôh ăn ma bunuyh lĕ khĭt jêh, Mâu lĕ nhĭm vơl ma khân păng; Ƀiălah nhĭm hom ma nơm du hăn, Yorlah păng mâu mra lŏ plơ̆ sĭt, Mâu hôm saơ ntŭk tâp sok koh klŏ păng nơm đŏng ôh.

Yêrêmi 22:10 Iomraidhean Croise

II Phung Hađăch 22:20

Aơ, Gâp mra ăn ma may rgum ndrel ma phung chô yau may, jêh ri bu mra tâp may tâm môch ma nau đăp mpăn. Măt may mâu mra saơ ôh lĕ rngôch nau mhĭk Gâp mra ăn tât ma ntŭk aơ.’” Khân păng plơ̆ mbơh tay ma hađăch lĕ nau ngơi nây.

II Phung Hađăch 23:29

Tâm rnôk rô̆ Y-Jôsia, Pharaôn Nêkô, hađăch Êjipt, hăn hao lơh hađăch Asiri ta bơh dak krong Ơphrat. Hađăch Jôsia leo phung tahan păng hăn tâm lơh. Ƀiălah Pharaôn Nêkô lĕ saơ jêh Y-Jôsia, nkhĭt ro păng ta ƀon Mêgidô.

II Nau Rêh Jêng 36:4

Jêh nây, hađăch Êjipt ăn Y-Êliakim oh păng jêng hađăch chiă uănh n'gor Yuđa jêh ri ƀon Yêrusalem, jêh ri rgâl amoh săk păng jêng Y-Jêhôjakim. Hađăch Nêkô nhŭp Y-Jêhôahas, nâu Y-Jêhôjakim, djôt leo sĭt ma n'gor bri Êjipt.

Nơm Nti 4:2

Yor ri, gâp kơp phung bunuyh khĭt, Phung bunuyh hŏ khĭt jêh, Geh nau ueh lơn ma phung bunuyh hôm e rêh, Phung bunuyh dôl hôm e rêh.

Êsai 57:1

Nơm sŏng srăng khĭt, Bu mâu klâng rvê; Bu nhŭp lơi bunuyh ueh, Ƀiălah mâu geh nơm gĭt rbăng pô aơ: Yor ma nau mhĭk dăch tât, Dĭng bu nhŭp rdu lơi nơm sŏng srăng;

Yêrêmi 16:7

Mâu geh nơm nkê̆ch ƀănh ăn ma phung klâng ndrê gay bonh leng khân păng ma bunuyh hŏ khĭt; mâu đŏng geh lĕ nơm ăn kachok tâm pă nau rngot yor nau khĭt mê̆ mbơ̆ khân păng.

Yêrêmi 22:11

Yorlah Yêhôva lah ma Y-Salum, kon bu klâu Y-Jôsia hađăch Yuđa, nơm chiă uănh thoi ntrok mbơ̆ păng jêng Y-Jôsia, jêh ri jêng bunuyh hŏ du jêh bơh ntŭk aơ nâm bu pô aơ: ‘Hađăch nây mâu mra plơ̆ ta nĕ đŏng ôh,

Yêrêmi 22:18

Yor nây, ma nau Y-Jêhôjakim, kon bu klâu Y-Jôsia, hađăch Yuđa, Brah Yêhôva lah: “Bu mâu mra nhĭm vơl ôh ma păng: ‘Ơ nâu, nâu gâp ơi!’ mâu lah ‘Ơ yuh, yuh gâp ơi!’ Bu mâu lĕ klâng rngot ma păng: ‘Ơ kôranh, kôranh gâp!’ Mâu lah ‘Ơ nau chrêk rmah, nau chrêk rmah păng!’

Yêrêmi 22:27

Bi ma ntŭk neh huêng khân păng ŭch plơ̆ sĭt, mâu mra dơi plơ̆ sĭt.”

Yêrêmi 25:27

“May ăt lah ma khân păng: Brah Yêhôva ma phung tahan, Brah Ndu phung Israel lah pô aơ: ‘Nhêt hôm kŏ tât nhŭl jêh ri hok, cha lôt hom jêh ri lơi dâk đŏng ôh, yor đao Gâp njuăl tât tâm nklang khân may!’

Yêrêmi 28:4

Brah Yêhôva lah: ‘Gâp mra njŭn sĭt Y-Jêkônia, kon bu klâu Y-Jêhôjakim, hađăch Yuđa, jêh ri lĕ rngôch phung Yuđa jêng bu nă hăn gŭ jêh tâm bri Babilôn, ăt plơ̆ sĭt tâm ntŭk aơ, yorlah Gâp nkê̆ch lơi mâng mbăk hađăch Babilôn.’”

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 44:14

Tâm phung ƀon lan Yuđa hôm klen nchuăt du gŭ tâm bri Êjipt mâu mra geh du huê bunuyh dơi klaih ôh mâu lah hôm rêh gay plơ̆ sĭt tay ma bri Yuđa, jêng ntŭk khân păng ŭch kâp plơ̆ sĭt tâm n'gor. Khân păng mâu mra dơi plơ̆ sĭt gŭ ôh, knŏng phung ƀaƀă nchuăt du klaih nây dơm.’”

Nau Nhĭm Vơl 4:9

Phung khĭt yor đao Hôm geh nau ueh lơn ma phung khĭt ji ngot: Khân păng khĭt mbrơi mbrơi tâm nau nđêh nji, Yor mâu geh ndơ tă bơh mir.

Êsêkiêl 24:16

“Hơi kon bunuyh, ma nau tât ndal, Gâp mra sŏk lơi tă bơh may nau măt may ŭch kơnh ƀiălah mâu dơi lŭng nter ôh, mâu dơi nhhiăng nhĭm jêh ri mâu dơi hor dak măt ôh.

Luka 23:28

Ƀiălah Brah Yêsu ndôn kơi lah ma khân păng: “Hơi kon bu ur Yêrusalem, lơi nhĭm ma Gâp, ƀiălah nhĭm hom ma khân ay nơm jêh ri ma phung kon khân ay.