Yêrêmi 21:2 - Nau Brah Ndu Ngơi 2023

² “Ôp hom ma Brah Yêhôva kơl ma hên yorlah Nêbukatnetsar, hađăch Babilôn, văch tât gay tâm lơh đah hên; gĭt lah Brah Yêhôva yor ma hên mra ƀư lĕ rngôch kan khlay Păng jêh ri ƀư ăn ma hađăch nây du bơh hên.”

Yêrêmi 21:2 Iomraidhean Croise

Nau Ntơm 10:10

Ntơm geh ƀon bri hađăch păng jêng ƀon Ƀaƀel, ƀon Êrek, ƀon Akat jêh ri ƀon Kalnê gŭ tâm n'gor Sinar.

II Phung Hađăch 1:3

Ƀiălah tông mpăr Brah Yêhôva lah ma Y-Êli, bunuyh Tisbê: “Dâk hăn hao hom, tâm chuă đah phung bunuyh hađăch Samari, jêh ri lah ma khân păng: ‘Tâm phung Israel mâu hĕ geh Brah Ndu, kŏ tât khân may hăn ôp ma Baal-Sêbup, brah ƀon Êkron?’

II Phung Hađăch 17:24

Hađăch Asiri njŭn leo phung bunuyh tă bơh Babilôn, Kuta, Ava, Hamat jêh ri Sêpharvaim, văch tât gŭ tâm lĕ ƀon n'gor Samari, ntrok ntŭk phung ƀon lan Israel. Khân păng pit in n'gor Samari jêh ri gŭ tâm lĕ ƀon păng.

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

Nau Ngluh Êjipt 9:28

Mbơh sơm hom ma Brah Yêhôva gay ma bah nglaih jêh ri mih tŭp pler, jêh nây gâp mra ăn khân may hăn, mâu hôm gŭ đŏng ôh!”

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Yêrêmi 15:11

Ƀiălah Brah Yêhôva lah: “N'hêl nanê̆ Gâp mra tâm rklaih may Yor nau ŭch ueh ngăn; Tâm nau ji tưp, nau rêh ni Gâp mra ƀư ma phung rlăng tât vơl dăn ma may.

Yêrêmi 21:3

Y-Yêrêmi plơ̆ lah: “Ăn khân may lah ma Y-Sêdêkia pô aơ:

Yêrêmi 32:17

‘Ơ Yêhôva Brah Ndu ơi! May yơh geh nau brah toyh jêh ri mpang ti brah toyh may rhăk njêng jêh trôk jêh ri neh ntu! Mâu geh ôh du ntil nau jêng jêr ir ma May.

Yêrêmi 32:24

Ri, ăp ntŭk pôih hŏ bât tât êp ƀon toyh, gay lơh pit in păng. Yor ma pêh đao, sa sât ji ngot, nau ji tưp, yor nây ƀon aơ tŭp tâm ti phung Kaldê dôl tâm lơh đah khân păng. Nau May lah hŏ geh tât jêh, May saơ rah vah ngăn!

Yêrêmi 34:1

Aơ jêng nau Brah Yêhôva lah ma Y-Yêrêmi rnôk Y-Nêbukatnetsar, hađăch Babilôn, ndrel ma lĕ rngôch phung tahan hađăch nây, lĕ rngôch bri hađăch ta neh ntu jêh ri lĕ rngôch ndŭl mpôl gŭ tâm dâng nau dơi chiă uănh hađăch nây, tâm lơh đah ƀon Yêrusalem jêh ri ƀon văr jŭm.

Yêrêmi 37:17

Jêh nây, Hađăch Sêdêkia prơh hăn njŭn leo Y-Yêrêmi sĭt ma ngih hađăch jêh ri ôp păng ma nau ndâp: “Geh lĕ nau Brah Yêhôva lah?” Y-Yêrêmi plơ̆ lah: “Geh lĕ!” Jêh nây păng lah tay: “Bu mra jao may tâm ti hađăch Babilôn.”

Yêrêmi 37:3

Hađăch Sêdêkia prơh hăn Y-Jêhukal, kon bu klâu Y-Sêlêmia, jêh ri kôranh ƀư brah Y-Sêphania, kon bu klâu kôranh ƀư brah Y-Maseya, hăn tât ngơi ma nơm mbơh lor Y-Yêrêmi: “Yor phung hên dăn may mbơh sơm ma Yêhôva Brah Ndu he.”

Yêrêmi 37:7

“Yêhôva Brah Ndu Israel lah: ‘Khân may lah tay ma hađăch Yuđa, nơm hŏ prơh khân may hăn ôp ma Gâp, pô aơ: Aơ, phung tahan Pharaôn hŏ văch gay kơl khân may mra plơ̆ sĭt rlet bri dak khân păng jêng Êjipt.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

Phung Kôranh Phat Dôih 20:27

Rnôk nây, Hip Nau Tâm Rnglăp Brah Yêhôva gŭ ta nây, geh Y-Phinêas, kon bu klâu Y-Êlêasar, sau Y-Arôn, pah kan tanăp măt Brah Yêhôva. Pônây, Phung ƀon lan Israel ôp ma Brah Yêhôva pô aơ: “Mâm hên mra plơ̆ tay hăn lơh đŏng đah phung oh nâu hên jêng phung Benjamin, mâu lah hên mra rlu?” Brah Yêhôva lah: “Hăn hao hom, yorlah ôi taơ Gâp mra jao khân păng tâm ti may.”

I Samuel 10:22

Yor ri, khân păng ôp đŏng ma Brah Yêhôva: “Bunuyh nây văch lĕ ta aơ?” Brah Yêhôva lah: “Aơ păng du krap jêh ta nklang ndô ndơ.”

I Samuel 28:15

Y-Samuel ôp ma Y-Sôl: “Mâm ƀư may rsuak gâp jêh ri kuăl ăn gâp du luh?” Y-Sôl plơ̆ lah: “Gâp geh nau uh ah ngăn; yorlah phung Philistin tâm lơh đah gâp, jêh ri Brah Ndu du tă bơh gâp jêh, Păng mâu hôm saơ plơ̆ lah ôh ma gâp, ma phung nơm mbơh lor, mâu lah ma nau mbơi kŏ mâu hôm lĕ. Yor nây, gâp kuăl may gay ăn may mbơh ma gâp gĭt moh nau gâp mra ƀư.”

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.