Yêrêmi 21:13 - Nau Brah Ndu Ngơi 2023

¹³ Brah Yêhôva lah: ‘Hơi phung ƀon lan gŭ tâm rlŭng, Hơi lŭ toyh tâm neh lâng ri, Gâp tâm rdâng đah khân may, Jêng phung bunuyh nănh ngơi: Mbu nơm mra tât tâm rdâng đah gâp? Mbu nơm dơi lăp ntŭk he krap?’”

Yêrêmi 21:13 Iomraidhean Croise

Nau Mprơ Ơm 125:2

Nâm bu phung yôk gŭ jŭm ƀon Yêrusalem Pônây lĕ Brah Yêhôva gŭ jŭm phung ƀon lan Păng. Ntơm bơh aƀaơ kŏ tât n'ho ro.

Nau Ngluh Êjipt 13:20

Lah du jêh bơh Sukôt, khân păng ndâk ngih bok ta Êtam, ta n'har bri rdah.

Nau Ngluh Êjipt 13:8

Tâm nar nây, ăn khân may rblang ma kon bu klâu khân may: ‘Gâp ƀư kơt nây yor lĕ nau Brah Yêhôva ƀư ueh jêh ma gâp nôk gâp du luh bơh n'gor Êjipt.’

Êsai 22:1

Nau mbơh lor ma rlŭng nau tâm saơ: Moh nau tât ma khân may, Kŏ lĕ rngôch khân may hao ta klơ chor ngih da dê?

Yêrêmi 17:3

Ơ yôk Gâp tâm mir, Gâp mra jao lĕ drăp ndơ, drăp ndơ khlay may ăn ma phung ntŭng Yor nau tih may hŏ ƀư ta klơ lĕ ntŭk prêh Tâm lam bri may nơm.

Yêrêmi 21:5

Gâp nơm yơh, tâm nau duh nuih, ji nuih jêh ri nau ji nuih hâu ngăn ngên mra yơr mpang ti pơk huy jêh ri tur ti dăng ktang tâm lơh tâm rdâng dah khân may.

Yêrêmi 49:16

Hơi nơm gŭ tâm trôm nđa lŭ, Dơi gŭ ta klơ n'gơn yôk prêh, May ƀư jêh nau krit toyh, Jêh ri nuih n'hâm sưr may, hŏ ndơm jêh may. Nđâp lah may ƀư rsuăn ta klơ ntŭk prêh nâm bu klang, Gâp mra ƀư may tŭp tă bơh ntŭk nây.” Brah Yêhôva lah pônây.

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Yêrêmi 51:25

Brah Yêhôva lah: “Aơ, ơ yôk ƀư rai, Gâp tâm rdâng đah may, Nơm ƀư rai lĕ neh ntu! Gâp mra yơr ti ƀư mhĭk ma may, Mra rlă may tă bơh lĕ pŭng yôk, Ƀư ăn may jêng yôk ŭnh sa jêh.

Yêrêmi 7:4

Lơi ta rnơm nsing ôh ma lĕ nau ngơi ndơm nâm bu: “Aơ jêng ngih brah Brah Yêhôva, ngih brah Brah Yêhôva, ngih brah Brah Yêhôva!”

Nau Nhĭm Vơl 4:12

Phung hađăch gŭ ta neh ntu mâu iăt ôh, Lĕ rngôch ntil mpôl bunuyh ta neh ntu mâu ntôn, Phung rlăng jêh ri tahan phung rlăng mra hăn lăp Lĕ mpông ƀon Yêrusalem.

Êsêkiêl 13:8

Yor ri, Kôranh Brah Yêhôva lah: ‘Yorlah khân may ngơi lĕ nau dơm dam, saơ jêh nau mƀruh yor nây Gâp tâm rdâng đah khân may,’ Kôranh Brah Yêhôva lah pônây.

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 34:10

Kôranh Brah Yêhôva lah: ‘Aơ Gâp tâm rdâng đah phung rmăk biăp nây jêh ri Gâp dăn mplơ̆ sĭt tay biăp Gâp tă tâm ti khân păng. Gâp mâu hôm ăn khân păng chiăp đŏng ôh biăp Gâp, jêh ri khân păng ăt mâu dơi lĕ chiăp êng khân păng nơm đŏng ôh. Gâp mra tâm rklaih biăp Gâp luh du tă bơh trôm mbung khân păng gay biăp mâu ƀư ôh ndơ sa ăn ma khân păng.’

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”